قديم 04-11-2008, 01:17 AM   #1
سلطان السبيعي
عضوية خزامى نجد الذهبية
 
الصورة الشخصية لـ سلطان السبيعي
 
تاريخ التسجيل: Aug 2004
مشاركة: 6,004
مستوى تقييم العضوية: 50585 سلطان السبيعي has a reputation beyond reputeسلطان السبيعي has a reputation beyond reputeسلطان السبيعي has a reputation beyond reputeسلطان السبيعي has a reputation beyond reputeسلطان السبيعي has a reputation beyond reputeسلطان السبيعي has a reputation beyond reputeسلطان السبيعي has a reputation beyond reputeسلطان السبيعي has a reputation beyond reputeسلطان السبيعي has a reputation beyond reputeسلطان السبيعي has a reputation beyond reputeسلطان السبيعي has a reputation beyond repute
عبدالله بن زويبن الحربي


عسى الخيال اللي بروقه لها ضوح

جعل السحاب اللي بروقه لها ضـوح=يرخـي هماليـل الغشيـن القراحـي
على قرى ساحوق من فوق وطلـوح=و ريكات وذريرة وهـاك المشاحـي
لو كان مالي في مراعيـه مصلـوح=لا نيـب لامـوده ولا نـي متاحـي
متريحٍ من بيـن جـدران وسطـوح=مبطي مـن الثنتيـن خـالٍ مراحـي
لي صاحبٍ مملوح مع نزل مسـروح=يلعب بقلبي لعبـة مضيـم ضاحـي
وجدي عليها وجد من جاه سامحـوح=بنحـور قـومٍ يشهـرون السلاحـي
عنده ثلاث أذواد ماهـن بشرشـوح=خلفاتهـن تسعيـن غيـر اللقـاحـي
إلى صعق جنـه عرازيـل وطفـوح=تركي على راس الغزال اللواحـي !!!
وجاهن عقيـدٍ زاحهـن كلهـن زوح=وربعـه وراه يجمعـون الطيـاحـي
و تخالفوا عند الطفـوح أم طلطـوح=أم الخراطيـم الـطّـوال الشنـاحـي
و أن صد قام الغيض يسقيه ذرنـوح=وإليا بغى يفتكهـا ، مـن يناحـي ؟
وجاهم بدون شعور مع راس جردوح=و رموه عطبين المرامـي وطاحـي
كد كنت عن روس المراقيب منصوح=نصيحـةٍ مـا كلـلـت بالنجـاحـي
قام الحمام ينـوح فـي قمـة الـدوح=غنى وأنـا نايـم وفزيـت صاحـي
أخذت لي غطـه وصحانـي النـوح=وقعدت ألاحي ليـن لاح الصباحـي
و عديت من روس المراقيب لحلـوح=لحلوح من روس المراقيـب فاحـي
مدملجٍ ممسـوح جنبـه تقـل لـوح =وأنا أحسب أنه سلوتـي و انشراحـي
حولت في جرحين مغلـق ومفتـوح=وطعون شلفٍ مـن جميـع النواحـي
وشميت لي ريحٍ خطيرٍ على الـروح=ريحـان والريحـان سـمٍ ذحاحـي
لاكـان كاننـي تشافيـت مسمـوح=وإن مت جعلك من ذنوبـي مباحـي
إلا أن حبك تقضية وقـت ومـزوح=قلها على المكشوف وأطلق سراحـي
ما يشبع الجيعان من ريحـة الفـوح=ولا يزي الضميان شوف الضحاحـي
لا زم تبين لي عن الحـب منضـوح=ما بالخفـى خيـر البيـاح البياحـي
أما أنتظر وإلا أنسحب عنـك وأروح=وأنته تروح وجعل دربـك سماحـي
و راسك من الشرهات بالسمن ممسوح=واللي طونّه بيـض الأيـام راحـي



ياعلي



ياعلي قـول ولا لـواردك ملطـوم=ياراعي الخرمـة حديـد البقومـي
عندي علوم وخابـر عنـدك علـوم=وتبـي تعلمنـي وتاخـذ علـومـي
لا كن انا ماني رفيـق لـك اليـوم=أنـا رفيـق للشقـاء والهمـومـي
البارحـة واليـوم ماجانـي النـوم=بيني وبينه مثـل حـرب النجومـي
سهران طول الليل لا أرقد ولا أقوم=أقالـب الجنبيـن تقـل محمـومـي
وأن نمت صحاني من النوم جاثـوم=اللي يصحـي غارقيـن الحلومـي
الله على اللي مقدمـه تقـل مبـروم=شد الخواجـه مـا ببديـه هشومـي
ماجِيب عـن السمكرييـن مصـدوم=ولا قيل هـو مسيـوم ولا نسومـي
مقوس الصـدام وجنوطـه كـروم=فكسار منوة كـل راعـي لزومـي
إلى مشى بالخـط ولخـط مزحـوم=يروج مثل السيـل بيـن العقومـي
بالوصف كنه فـارس يمنـع القـوم=يرخي العنان ولا يحـزم الكمومـي
فـارس وشيـخٍ للمغاويـر زيـزوم=قـدام شيخـان العبـي والختومـي
شيخ بكفه رمـح مسقـى ومسمـوم=أما مـن الدوشـان وإلا الفرومـي
وإلى أعترض خطه لشعبان وحزوم=يشبـه لسبـاحٍ يغـوص ويعومـي
ما قص له لوحات بحروف وأرقوم=إلا سند جمـرك بدفـع الرسومـي
أبيه عن دارٍ بهـا الصـدر مكتـوم=يبعد مسايـه قبـل أمـزع هدومـي
لأرضٍ يساقيها من الشبـط ديمـوم=ومن أول الوسمـي عليهـا قدومـي
فياض وجبالٍ لهن طـور ورجـوم=ملس المراقي مكنعـات الخشومـي
ما فقست بلجوفهـن بيضـة البـوم=مرفا الحرار مخاشرات السهومـي
ماكنـي إلا عايـشٍ دايـم الــدوم=إلـى رقيـت مناطحـات الغيومـي
أرتاح وألقى متعة الطيـر بالحـوم=يوم الهوى ينفض شماغـي وتومـي
وياعلي أنا قبلك عن الشعر أبا أصوم=زينه وشينـه مبعـدٍ عنـه حومـي
وش عاد ابا بالشعر والشعر مظلـوم=وإلى سمعت الناس ردوا عزومـي
اللي ليا سمعـوا شريـط أم كلثـوم=من الطرب كـل ٍ يطـق البهومـي
هيضتني يا ذخر مـن يذبـح الكـوم=في ساعةٍ فيهـا البخيـل مهزومـي
يقلط وهو كنه على الوجـه مرثـوم=يطيح وجهه مع وجيـه الرخومـي
وأصل البخيل خمام معطى ومحروم=وكفه ليا جـات اللـزوم محزومـي
والنـاس بالأفعـال فايـز ومذمـوم=وإلى النواصي ما عليهـا وسومـي
وأنته مع أهل الطيب لك حظ وقسوم=وعن الردى في كل حال محشومـي
لك مسهمٍ بالطيب ما هـوب مثلـوم=ياطيب الرفقـة شريـف السلومـي
وتم الكلام اللي من الراس منظـوم=وعسى حياتك ( يازميلي ) تدومـي
وإن مت جعلك من سنا النار معصوم=في جاه غفـار الذنـوب الرحومـي



عسى الله ينجيني من المدفع اللي ثار



عسى الله ينجيني من المدفـع اللـي ثـار=بعيد المدى اللـي كـل الأهـداف يعطبهـا
يخـوف ويرعـب كـل ماثـار ياسـتـار=يهـد المبانـي والـرواسـي يشطبـهـا
حديث المديـل اللـي علـى كهربـا وزار=عسى الله يعيـن القـوة اللـي يحاربهـا
رماني وجاني من سهومه مطـر وغبـار=ولغـات المدافـع بالصواريـخ أخاطبهـا
ألا ياهـلا يامرحبـا والكـبـار صـغـار=وتـرى النـاس تهديـد العـدا مايهيبهـا
عزمنا على عسـف النظـا نسـع الأزوار=وجزمنا على مس الكتـب فـي غواربهـا
وكربنا الأشدة فوقهن في حقـب وحضـار=ونسفنـا مواركهـا وشلـنـا مزاهبـهـا
ونوينـا علـى رد النقـا للعميـل جهـار=على شـان صعبـات المواقـف يجربهـا
تـدور المعـارك والجنايـز لهـا قـبـار=لهـا مـن يكفنهـا ويـركـز نصايبـهـا
حصل ماحصل والمبتـدي ماعليـه حيـار=وترى اللي تقـدم لحيتـه عنـد شاربهـا
وترا الشك ودى له رياجيـل يـم شهـار=تربـع بليـس بروسهـم ليـن خربـهـا
مع الدرب الأيمن رح وخل الشكوك يسـار=تراهـا بعيـدة عنـك وأنـتـه تقربـهـا
عطيناك بشـتٍ ماتخالـف بهـا الأنظـار=نقينا المشالـح ليـن جبنـا لـك أطيبهـا
وقبلت الهدية ثم مدري وش اللـي صـار=لقينـاك يـوم تصلـي العـيـد قالبـهـا
وأنـا ياعلـي مانـي مـراوغ ولا غـدار=أقـدر خويـي والمحابيـل مـا أنصبهـا
وأجنب عن الشينة ونفسـي لهـا مقـدار=مع الطيب تمشـي والـردا مـا يناسبهـا
وأنا ماني اللـي يعتـرض سكـة المـرار=أنا لـي طريـق وباقـي الطـرق أجنبهـا
أخل العرب وأسرارها ما أبحـث الأسـرار=أجنـب ولالـي فـي خطاهـا وصايبـهـا
أعرف أن لو أنه يطـق الحجـار حجـار=تقـوم السبـاع إلهـا سبـاعٍ تجاوبـهـا
وتصير القضية مسألة بحـث واستفسـار=وعلـى راس منشيهـا تعـود عواقبـهـا
وتراك انت راع الرمية اللي بـدون عيـار=طريقـة خطـا مـدري عليـه مصوبهـا
تبجح وتنظـر لـي بتصغيـر واستهتـار=كبيرة عليك ولا أعـرف ويـش واجبهـا
وتقول أنك انت الشاعر الماهـر البيطـار=جميـع المثايـل مفـردٍ فـي غرايبـهـا
وأنا خابر انك لـك بضايـع مـع التجـار=على كل سـوقٍ يشـري الزيـن تجلبهـا
وبالأسهم تساهـم بالجنيهـات والـدولار=مع أرقى البنوك اللي تضاعـف مكاسبهـا
وترى كل ديرة غيـر ديـرة بهـا خبـار=أهـل معرفـة بسباعهـا مـن ثعالبـهـا
وترى كل ديرة غيـر ديـرة بهـا صقـار=يعرف الصقور الرقش ويعـرف أ رانبهـا
وأنا يوم سويت القصيـدة خبـر وانـذار=وأنا ما أحسب انك تشتبـه فـي مآربهـا
وتعبت وتعبنا والنتيجة مـا غيـر أصفـار=والأصفار بالأصفـار وشلـون نضربهـا
وأنا مسهمي ماهو بناقـص مـع الشعـار=أروض صعيـبـات المثـايـل وأرتبـهـا
وأسوق القوافي لين تمشي مـع المعبـار=كما سـوق هجـنٍ حنـوة العـود تدبهـا
على درب شيـخٍ كـل يـومٍ يصبـح دار=يسج النشيـط مـن النظـا ليـن يتعبهـا
وأجيب البيوت المفـردة وأتـرك التكـرار=نقيـض الفـوا رغ بنـدقـي ماتزهبـهـا
وأطب الفياض المخضرة واقطـف النـوار=اقـص الزهـور الناعمـة مـن ذوايبهـا
واطـب المـزارع واتنقـى مـن الأثمـار=أنقـي نبـات اثمارهـا مـن شوايبـهـا
وأغوص البحور اللي بها الحص والمحـار=وأخلـص عميلـي دينتـه قبـل يطلبهـا
وأعرف البضايع واعرف السوق والأسعار=واثمـن واقـدر سلعتـي قبـل أطببـهـا
وترى اللي سواك نشيمه شيمـة الخطـار=وفـاء والنفـوس الطيبـة ليـه نغضبهـا
لاكنا على اللـي فيـه زودة لغانـا حـار=مشاهيـب نـارٍ مـن زمهريـر نجذبهـا
تواهج توهج شقر الأسياخ وسـط النـار=لـوانـا نمثنيـهـا صـفـاتٍ تذوبـهـا
وترى الشعر فتل ونقض ماهو بخبط أشجار=وترى الفرق بعقـول الرجـال ومواهبهـا
وترى الحكمة البلغة وبـاق الكـلام بخـار=يمـر الحلـوق الناشفـة مـا يرطبـهـا
والايـام والدنيـا تـرى مالهـا استقـرار=علـى نجومهـا تطلـع نجـومٍ تغيبـهـا
الأيـام تخفـي غيبـهـا والـزمـن دوار=بطش بالملـوك وحالهـا عـن مناصبهـا
على عروشها مثل النوادر علـى الأوكـار=وتصـف العساكـر بالطريـق لمواكبـهـا
تلاشوا مثل نبتٍ بـروض وطـاه عصـار=عواصـف ريـاحٍ طيـرت بـه هبايبهـا
نواعم غصونه طار فيها الهـوى التيـار=وبقايـا عروقـة جـارح السيـل سالبهـا
تعيـش الأوادم بالأمـل والعمـار قصـار=وراهـا محاسـب والله اللـي يحاسبـهـا
رجانـا وملجانـا هـو الواحـد القـهـار=ولـي العبـاد اللـي يحـقـق مطالبـهـا
وقرينا الكتاب اللي نزل لأولـي الأبصـار=بشيـر ونذيـر ولابـه آيــه نكذبـهـا
قرينـاه بالغنـة والأخـفـا وبالأظـهـار=وبالإدغـام واللـي بالحركـات نعربـهـا
وتبعنا طريق اللي كسـر شكوكـة الكفـار=ونقيـم الصـلاة الواجبـة مـع رواتبهـا
وتركت المجال لصاحبـي لجـل مايحتـار=تقصـرت ولـى لـو تقصيـت أشيبـهـا
وأنا خابر انه صقـر ماياكـل االاسـوار=وطعام الصقـور الجارحـة مـن مخالبهـا
وتقبـل تحياتـي وهـذا اخـر المشـوار=قصيـدة جديـدة بـأزرق الحبـر كاتبهـا
قصيدة تشـره مابهـا شجـب واستنكـار=نظيفـه عفيفـة مابهـا مــا يعيبـهـا
على مبتداها من نسيـج الحريـر شعـار=وعلـى منتهاهـا العـود الأزرق يطيبهـا
وصلاة الله الباري علـى سيـد الأبـرار=شفيـع الخلايـق يـوم تكشـف حقايبهـا
نبيٍ أوحـي لـه بالرسالـة وهـو بالغـار=بها خصـه الله مـن عبـاده وفـاز ابهـا



يامل قلب ٍ هواجيسه يسجنّه


يا مـل قلـبٍ هواجيسـه يسجنـه=سج النضا بالمطـارق والمشاعيبـي
هن ودهن كل روضٍ زيـن يرعنـه=وهم ودهم المساء عـن المعازيبـي
يوم انتهاء كل ما بالخـرج والشنـة=تواعدوا بيـت نطـاح المواجيبـي
شيخٍ صدى صوت نجره كل ما دنـه=يقنب بروس النوازي قنبـة الذيبـي
يرخص خروفه ولا يبخل على بنـه=ويشكر ويذكر ليا عدوا هل الطيبـي
تريحـن وأمرحـن يومنهـن جنـه=وأنا الهواجيس تسرحبي وتسريبـي
راحن بقلبي ولا أدري ويـن ودنـه=أخذت في جوهـن غفـوة وتغييبـي
سجيت معهن علـى فلـمٍ يعرضنـه=عن غيب بعض القرايب والأصاحيبي
ابليس لـولاه كـل النـاس بالجنـة=لاكـن يلعبـنـا راع التلاعيـبـي
يا شين بعض الأوادم لو ضحك سنه=يضحك بوجهي ويشذب في عراقيبي
واللي ليا غبت غوجه للطـرد عنـه=وجرد سيوفه عطيبات المضاريبـي
هجرت كل الـدروب اللـي يمرنـه=أخير لي من مجيه ، عنـه تجنيبـي
ولو ما أقتدي في كتاب الله والسنـة=خليت كلٍ على دينـه يصلـي بـي


مايقنع الخبل لين انه يلامجهااا



سمعت لي كلمة مدري وش اقصاهـا=حزت بنفسي وأنا مانيـب هارجهـا
لوكـل كلمـة إلياجتنـا طردنـاهـا=بعنـا الثمينـة بسعـر مايخارجهـا
لو مـرت السمـع ماكنـا سمعناهـا=ونقفـل الـراس عنهـا لا يبرمجهـا
ومـن يـم هـذا لهـذا مانقلنـاهـا=والناس واجد وتلقـى مـن يروجهـا
من جابهـا بيـن خلـق الله وداهـا=لو به مراجل تـرى نفسـه يسمجهـا
ومن عامل الناس في سابق خطاياهـا=يقعـد بـدار خـلا مـاداج دايجهـا
في كنة تشوي الجربـوع رمضاهـا=وتابس غصون الشجر من حر واهجها
والناس بالحق حكم الشيخ ما أرضاها=ماتقنع النـاس لـو انـك تحججهـا
ياللي تبا الطيبـة خذهـا وعطناهـا=وخـل الطريفـة طريـة لا تثلجهـا
وأقضب طريق الأوادم وامش ممشاها=أتبع دروب العرب وأدرج مدارجهـا
وأرسم لنفسـك حـدود ولا تعداهـا=من حط نفسه بدرب الضيق يحرجهـا
وان كان نفسك هواهـا قـام ينحاهـا=حط الأعنة بروس الخيـل وأسرجهـا
وفكـر بمنكافهـا قــدام مغـزاهـا=واضرب حساباتها وتشـوف ناتجهـا
وكل بعضده يمـوح الدلـو برشاهـا=وتلقى كبود الضوامي مـن يبرهجهـا
وان كان توك على صدرك تهجاهـا=حنا ترانـا نـدرس فـي مناهجهـا
من يـم مصباحهـا نبعـد معشاهـا=إلى قعـد راعـي الضلـع يدرجهـا
لو هي صعيبة إلى انعاجت عدلناهـا=واللي تجي مستقيمـة مـا نعروجهـا
نهتم فـي وزنهـا وابـرام معناهـا=ومـن الكرستـال واللولـو نتوجهـا
مثل الجواهـر ليـا منـا نضمناهـا=وسلوكها من جديد الـزري ننسجهـا
مخايـل تردتـدم والصـدر منشاهـا=لا دك بالبـال داكــوك يهيجـهـا
وليا أمطرت ضاقت الوديان في ماها=تاخذ إلى الحول ما يبسـت مدالجهـا
وان صدت الناس عنا ما أعترضناها=مـا تقفـي النـاس عنـا ونتولجهـا
وإن جاتنا الطيبـة بالطيـب زدناهـا=الطيبـة بالعسـل والسمـن نمزجهـا
وان جاتنا الثانيـة نصبـر ونرفاهـا=يمكن إل ى فـاق راعيهـا يعالجهـا
وان عادهـا عـودة ماعـاد ينساهـا=من حربة في صميم الصدر نولجهـا
مسمومـة يبلـش الدكتـور بدواهـا=مايقنع الخبـل ليـن أنـه يلامجهـا


وللأستماع الى ديوان الشاعر / عبدالله بن زويبن






مدة الشريط ساعة

الشريط

من القاء الشاعر مساعد بن ضيف الله الحربي

ومن انشاد حبيب ابن دليم و ابو غسان

ومن انتاج البشائر

واخراج عبدالرحمن المطيري

ومنقول من سمان الهرج


وقد أحتوى على القصائد التالية :

1- ابا توجد وجد من راح له شف ..

2- ياسعود عسى داركم عمها السيل ..

3- لا واواجودي على شوف الخلا الخالي ..

4- خلك شمالي عند زلة قرايبك ..

5- عسى الله ينجيني من المدفع اللي ثار ..

6- يامل قلب هواجيسه يسجنه ..

7- ياعلي قول ولا لواردك ملطوم ..

8- تعبت واتعبت فكري في تفاكيره ..

9- ياوجودي وجد مجروح الفؤادي ..

10- راكب اللي والنجوم اللامعاتي ..

11- الله على اللي يوم تسمع وشيشه ..

ـــــــــــــــــــــــــــــــــــــ
التوقيع
.



تسجيل خروج نهائي

..




لا صار ما باقي للأجود مقدار=ف البعد عن بعض الخلايق حشيمه






.




سلطان السبيعي غير متصل   الرد باقتباس
 
قديم 04-11-2008, 01:29 AM   #2
حلا
عضوية خزامى نجد الشرفية
 
الصورة الشخصية لـ حلا
 
تاريخ التسجيل: Oct 2007
المدينة: في ظل { .. ابومتعـــب !!
مشاركة: 8,846
مستوى تقييم العضوية: 31482 حلا has a reputation beyond reputeحلا has a reputation beyond reputeحلا has a reputation beyond reputeحلا has a reputation beyond reputeحلا has a reputation beyond reputeحلا has a reputation beyond reputeحلا has a reputation beyond reputeحلا has a reputation beyond reputeحلا has a reputation beyond reputeحلا has a reputation beyond reputeحلا has a reputation beyond repute


الله الله
قصآئد من ذهب لشآعر
غني عن التعريف
عبدالله بن زويبن الحربي
كل الشكرلك ياسلطآن
ولاحرمنا حضورك المتميز
لك مني كل الاحترام




ـــــــــــــــــــــــــــــــــــــ
التوقيع
حلا غير متصل   الرد باقتباس
 
قديم 04-11-2008, 01:32 AM   #3
جوهرة الحياة
عطر خزامى
 
الصورة الشخصية لـ جوهرة الحياة
 
تاريخ التسجيل: Jul 2007
المدينة: الرياض الحبيبه
مشاركة: 890
مستوى تقييم العضوية: 48064 جوهرة الحياة has a reputation beyond reputeجوهرة الحياة has a reputation beyond reputeجوهرة الحياة has a reputation beyond reputeجوهرة الحياة has a reputation beyond reputeجوهرة الحياة has a reputation beyond reputeجوهرة الحياة has a reputation beyond reputeجوهرة الحياة has a reputation beyond reputeجوهرة الحياة has a reputation beyond reputeجوهرة الحياة has a reputation beyond reputeجوهرة الحياة has a reputation beyond reputeجوهرة الحياة has a reputation beyond repute
الله الله


جداً رائعة ، صح لسانكِ والله

ويعطيكِ العافية


ودي لكِ

ـــــــــــــــــــــــــــــــــــــ
التوقيع
جوهرة الحياة غير متصل   الرد باقتباس
 
قديم 04-11-2008, 01:46 AM   #4
شوق الفدعا
عضوية خزامى نجد الماسية
مصمم
 
الصورة الشخصية لـ شوق الفدعا
 
تاريخ التسجيل: Apr 2005
المدينة: نجـ العذيه ـــد
مشاركة: 22,016
مستوى تقييم العضوية: 4083 شوق الفدعا has a reputation beyond reputeشوق الفدعا has a reputation beyond reputeشوق الفدعا has a reputation beyond reputeشوق الفدعا has a reputation beyond reputeشوق الفدعا has a reputation beyond reputeشوق الفدعا has a reputation beyond reputeشوق الفدعا has a reputation beyond reputeشوق الفدعا has a reputation beyond reputeشوق الفدعا has a reputation beyond reputeشوق الفدعا has a reputation beyond reputeشوق الفدعا has a reputation beyond repute




تسلم يمينك ياكحيلان

ولاهنت على الطرح الجزل

وصح لسان شاعرهاااا

مودتي


..

ـــــــــــــــــــــــــــــــــــــ
التوقيع
شوق الفدعا غير متصل   الرد باقتباس
 
قديم 04-11-2008, 03:01 AM   #5
ناصر السهلي
شاعر
 
الصورة الشخصية لـ ناصر السهلي
 
تاريخ التسجيل: Jul 2007
المدينة: الـعـــــارض
مشاركة: 796
مستوى تقييم العضوية: 5589 ناصر السهلي has a reputation beyond reputeناصر السهلي has a reputation beyond reputeناصر السهلي has a reputation beyond reputeناصر السهلي has a reputation beyond reputeناصر السهلي has a reputation beyond reputeناصر السهلي has a reputation beyond reputeناصر السهلي has a reputation beyond reputeناصر السهلي has a reputation beyond reputeناصر السهلي has a reputation beyond reputeناصر السهلي has a reputation beyond reputeناصر السهلي has a reputation beyond repute
بيّض الله وجهك ياذيبان على نقل هالقصيد الجزل لابن زويبن

وابن زويبن شاعر ولكن للأسف لم يظهر في الإعلام إلاّ السنوات الأخيره

شكرا لك ياسلطان


,,,

ـــــــــــــــــــــــــــــــــــــ
التوقيع
ناصر السهلي غير متصل   الرد باقتباس
 
قديم 04-11-2008, 04:27 AM   #6
سمو
قلم متميز
 
الصورة الشخصية لـ سمو
 
تاريخ التسجيل: Oct 2008
المدينة: مع الطيبين }...
مشاركة: 2,764
مستوى تقييم العضوية: 46147 سمو has a reputation beyond reputeسمو has a reputation beyond reputeسمو has a reputation beyond reputeسمو has a reputation beyond reputeسمو has a reputation beyond reputeسمو has a reputation beyond reputeسمو has a reputation beyond reputeسمو has a reputation beyond reputeسمو has a reputation beyond reputeسمو has a reputation beyond reputeسمو has a reputation beyond repute


صح السانه ولا هان .. ماشاءالله شاعر جزل وقصائده عذبه ..

سلطااان .. لا هنت يالسبيعي .. عزالله ان مواضيع تشرح الصدر


تقديري





ـــــــــــــــــــــــــــــــــــــ
التوقيع

...} الصوت حشمه ./ وارتفاعه وقاحـه ../..

كذاب ./ من قآل انطح الصيآح ./ بصيآح {...
:
للشاعر ./ محسن الدويخ .
سمو غير متصل   الرد باقتباس
 
قديم 04-11-2008, 05:23 AM   #7
إحساس الغروب
عضوية خزامى نجد الذهبيية
شـاعرة
 
تاريخ التسجيل: Jun 2008
المدينة: عابرة سبيل
مشاركة: 6,238
مستوى تقييم العضوية: 40961 إحساس الغروب has a reputation beyond reputeإحساس الغروب has a reputation beyond reputeإحساس الغروب has a reputation beyond reputeإحساس الغروب has a reputation beyond reputeإحساس الغروب has a reputation beyond reputeإحساس الغروب has a reputation beyond reputeإحساس الغروب has a reputation beyond reputeإحساس الغروب has a reputation beyond reputeإحساس الغروب has a reputation beyond reputeإحساس الغروب has a reputation beyond reputeإحساس الغروب has a reputation beyond repute
قصائد درر
أخوي سلطان
تسلم يمينك على النقل الرائع

لاعدمناك
إحساس الغروب غير متصل   الرد باقتباس
 
قديم 04-11-2008, 01:10 PM   #8
كبريــــاء أنثى
عضوية خزامى نجد الشرفية
عضو مؤسس
 
الصورة الشخصية لـ كبريــــاء أنثى
 
تاريخ التسجيل: Jul 2002
المدينة: في قلب أبي..وعينيّ أمي
مشاركة: 28,411
مستوى تقييم العضوية: 51786 كبريــــاء أنثى has a reputation beyond reputeكبريــــاء أنثى has a reputation beyond reputeكبريــــاء أنثى has a reputation beyond reputeكبريــــاء أنثى has a reputation beyond reputeكبريــــاء أنثى has a reputation beyond reputeكبريــــاء أنثى has a reputation beyond reputeكبريــــاء أنثى has a reputation beyond reputeكبريــــاء أنثى has a reputation beyond reputeكبريــــاء أنثى has a reputation beyond reputeكبريــــاء أنثى has a reputation beyond reputeكبريــــاء أنثى has a reputation beyond repute
الابداع الرمضاني 
عدد الأوسمة: 1 (المزيد ...)
صح لسانك .. ولا هنت

" دمت لـ خزامى نجد "

ـــــــــــــــــــــــــــــــــــــ
التوقيع



كبريــــاء أنثى غير متصل   الرد باقتباس
 
قديم 04-11-2008, 05:56 PM   #9
ماجد الخثـلان
عضوية خزامى نجد الذهبية
شـاعر
 
تاريخ التسجيل: Dec 2003
المدينة: الحريق ..
مشاركة: 8,974
مستوى تقييم العضوية: 13836 ماجد الخثـلان has a reputation beyond reputeماجد الخثـلان has a reputation beyond reputeماجد الخثـلان has a reputation beyond reputeماجد الخثـلان has a reputation beyond reputeماجد الخثـلان has a reputation beyond reputeماجد الخثـلان has a reputation beyond reputeماجد الخثـلان has a reputation beyond reputeماجد الخثـلان has a reputation beyond reputeماجد الخثـلان has a reputation beyond reputeماجد الخثـلان has a reputation beyond reputeماجد الخثـلان has a reputation beyond repute

سلطان ،
اقسم بالله اني اراهن على ذآئقتك ..

بن زويبن . !
هذا الشاعر شيب براسي ..

تم تثبيت الموضوع ولي عوده تليق بك وبـ إبن زويبن

ـــــــــــــــــــــــــــــــــــــ
التوقيع

لك الله ، ما يجازا الصابر إلا بأجر يا حميدان = وترى القابض على دينه مثل من قابضً جمره . !

ماجد الخثلان .
ماجد الخثـلان غير متصل   الرد باقتباس
 
قديم 04-11-2008, 07:53 PM   #10
الريم الحربي
قلم مميز
 
الصورة الشخصية لـ الريم الحربي
 
تاريخ التسجيل: Sep 2006
المدينة: [السعوديّة , الكويت ]
مشاركة: 446
مستوى تقييم العضوية: 1077 الريم الحربي has a reputation beyond reputeالريم الحربي has a reputation beyond reputeالريم الحربي has a reputation beyond reputeالريم الحربي has a reputation beyond reputeالريم الحربي has a reputation beyond reputeالريم الحربي has a reputation beyond reputeالريم الحربي has a reputation beyond reputeالريم الحربي has a reputation beyond reputeالريم الحربي has a reputation beyond reputeالريم الحربي has a reputation beyond reputeالريم الحربي has a reputation beyond repute
.


حرفٌ لا يليقُ بهِ إلاّ الصمت
فالجمالُ جمالُ ..

.
شُكري لهكذا مساحةٌ عَبقة
ودّ كبير
.

ـــــــــــــــــــــــــــــــــــــ
التوقيع
.
عطني بعضي ..
صعبة تأخذ كلّي .. وابقى بدون شيء !

[ قلّب صالح العبد الكريم ]

الريم الحربي غير متصل   الرد باقتباس
الرد على الموضوع


يتصفح الموضوع حالياً : 1 (0 عضو و 1 ضيف)
 

خيارات الموضوع
طريقة العرض

 
قوانين المشاركة
لا يمكنك إضافة موضوع جديد
لا يمكنك الرد على المواضيع
لا يمكنك إضافة مرفقات
لا يمكنك تعديل مشاركاتك

كود vB متاح
كود [IMG] متاح
كود HTML مغلق
إنتقل إلى

مواضيع مشابهة
الموضوع الكاتب القسم مشاركة آخر مشاركة
اسماء مواليد رائعة واسماء توائم متشابهة بالصور (شاركونا ) أحلى مولود جانا!!! الأترجّة عالم الأسـرة 43 30-09-2009 09:03 PM
ولي العهد يصل إلى أرض الوطن أبو عبدالله خزامى العام 11 04-11-2008 08:05 PM
البوكوارة لهم فخر قديمـي // حَاميين الدار بسيوفن صوالي سولعية قطر خزامى الموروث الشعبي 27 23-08-2008 09:44 PM
نبذة عن ... الامير طلال بن عبدالله ال رشيد وقائمة بأسماء من حكم من آل رشيد أحمد آل رشيد خزامى الموروث الشعبي 5 25-06-2008 10:31 PM


جميع الأوقات بتوقيت مكة المكرمة. الساعة الآن » 07:53 AM.

Powered by vBulletin® Version 3.6.8 COMBO
Copyright ©2000 - 2014, Jelsoft Enterprises Ltd.
جميع الحقوق محفوظة لمنتديات خزامى نجد 2002 - 2011

المنتدى محمي بواسطة ابعاد المعلومات

هذا المنتدى يستخدم الكمبو المطوّر


 
لخدمات التصميم والتطوير YAGLBY