خزامى نجد
 


عـودة للخلف   منتديات خزامى نجد خزامى نجد الأدبي المملكة الخاصة
التسجيل المساعدة تحميل الصور القوانين قائمة الأعضاء التقويم تعليم الأقسام كمقروءة

الرد على الموضوع اضف موضوع جديد
 
خيارات الموضوع طريقة العرض
 
قديم 17-06-2017, 10:44 AM   #41
عبدالله الشغيبي
شاعر
 
تاريخ التسجيل: Jun 2008
المدينة: الخبر
مشاركة: 791
مستوى تقييم العضوية: 15200 عبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond repute
.

ابكاني منظر بائع البسكوت طفل سوري يبيع بسكوت في الشارع وسقط عليه برميل من براميل الطاغيه بشار قطع جسده الصغير الي اشلاء
.
.


الا يالله المعبـــود ياعـــــالم الاســرار
عليك اشتكي يا عالمن كل الاحــوالي

انا البارحه من كثر ما شفت في الاخبار
جفا النوم عيني والهموم اشغلت بالي

اشاهد على الشاشه مجازر وقتل صغار
اشاهد وانا دمعي من الحــزن همالي

ومن ضمن ما شفته ضحيه من الاحرار
صغيرن بسنه همّته .. همة رجــــالي

قضى بايع البسكوت في ساحة الاخطار
براميل حقدن فجّـــرت جسمة اوصالي

ولا مقصــده ثروه يضــــاهي بها التجـار
يكافــح لـرزق اخــوانه وبطـنه الخـــالي

على وجهه الشاحب ملامح تعب واصرار
بكف الشقـــــا يتجـــرع المـــر للحـــالي

ا يــا - بائــع البسكوت يالفـارس المغوار
سلامي عليــك اشــواق للمنزل العــالي

عسى منزلك في جنــة ٍ مالــها مقــدار
تعوضــك ما عايشت من جور و اهــوالي

تطــوف اللأ آلي وانت من بينهـم مختـار
تزاهى بسنــدس خضر واستبرقٍ غالي

تمد النظر وتشوف في جانب اهـل النار
خبيث ٍ بوسط النــار في عنقه اغــلالي

وتزهم عليه تقــول مــبروك يا بشــــار
تجبرت في الدنيا .. وجاك الجــزا تـالي

تعــذب مع فرعـون في زمــرة الفجــار
وحنا الفقارى في كنف ربنـــا الـــوالي

عسى ينصرك يا ســوريا واحــد ٍ جبار
يعزك ويرفــع رايتـــك بيــد الابطــالي

.
.
عبدالله الشغيبي غير متصل   الرد باقتباس
 
قديم 17-06-2017, 11:06 AM   #42
عبدالله الشغيبي
شاعر
 
تاريخ التسجيل: Jun 2008
المدينة: الخبر
مشاركة: 791
مستوى تقييم العضوية: 15200 عبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond repute
.



انا مريت قسم الشعر بس اطالعه واقراه
ولا في خاطري نظم القصيد ولا على بالي

قريت وفي عيون الشعر بيتن عاد لي ذكراه
طـرى لـي قايد اريـام الفـلا والــقد مـيالــي

وانا احلق على متن الخيال اليا حد ٍ طراه
واذا شفت القصيد العذب ذاك الريم يطرالي

مدام اهل الشعر كلن يغني لي على ليلاه
على موالكم يهل الهوى جريت موالي

بديت اكتب قصيدة حب تحكي عن ألم فرقاه
اعبر عن شـعوري واشـتكي همي لغربالي

ولكني تذكرت الحلوف وقد حلفت انساه
ولا ينقض يمينه لا حلف بالله رجالــي

وانا ماني بشاعر يصعب المعنى على مبناه
ليا مني بغيت اشـد مبـنى قصري العالـي

اعد من العدود الصادقه والشهد من مجناه
واقدم للضيوف من المناحل شهدها الحالـي

نساوم في النجوب اما هزيل السوق ماسمناه
نبيـع ونشـتري يا تاجر الاسواق في الغالي

من الحكمه ليا شفنا قليل العرف واجتزناه
على ما قيل نبعد عن طريق الشر ونلالي

واذا جت للتحدي والعنَد كم فارس اوقفناه
تـنـشّد عني الميدان يامن كذب اقوالي

يجملني رفيق الدرب عند الموجبات القاه
علاقتنا القويه ما شريناها بالاموالي

تهقويته بيوم يحطني فارس على يمناه
يشرعني بحور ٍ واسعه وارقى به جبالي

واذا شديت متنه بالحكم ومن الجزيل اسماه
ولا طاوعت ذم ٍ الجاهل اللي به تعدوا لـي

كسبته في يميني سـيف بوجيه العدو مغزاه
يعز ابني شهر في اللازمه ويذل الانذالي



.

آخر تعديل بواسطة عبدالله الشغيبي ، 17-06-2017 الساعة 11:19 AM.
عبدالله الشغيبي غير متصل   الرد باقتباس
 
قديم 17-06-2017, 12:03 PM   #43
عبدالله الشغيبي
شاعر
 
تاريخ التسجيل: Jun 2008
المدينة: الخبر
مشاركة: 791
مستوى تقييم العضوية: 15200 عبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond repute
.

ياحياة الهــــم والحــــظ الـردي
اسندي حظ الشقــاوي وانصفيـه

كلمـــا قــال ان حـظـه بيــعَـدي
قبــل مــا يوقف برجـلـك تركليـه

وان تمنى بسمة الوجـــه النـدي
وجهك الثاني حلف واقسم عليه

وان تجراء قال حسنك مقصدي
شاح وجه الحســن ماكنّه يبيـه

وان بغى ثوب السعـاده يرتـدي
ما لقى الا الهــم ثوب ٍ يرتديـه

كم تحمل لفح قيض الجرهـدي
عن سموم القيض ماشي ٍ يقيه

لا التحف جنح الظلام السرمدي
واشتــكى همه وهمـه يشتكيـه

داهمه جيش الهمــــوم العربـدي
بالسيوف وبالخنــــاجـر يهتويـه

ما تروّى من مـــــزون الرعـدي
يوم حـدّان المتـــــاعـب ترتويـه

وان حلم بالشمس مشرقها غدي
مات حلــــــم ٍ بالتمنـي يرتجيـه

آه يا دنيا الشــقــى كـم تجهـدي
من تعــلق في جمالـك تجهديـه

كان طيري بالحـــلـوم امغـردي
لين بالحســــرات كبلتـي يديـه

تبت يا دنيا ومنك اغسل يـدي
دام عند الله جزيل الفضل ليـه

ليه ادور في ســرابك مقصـدي
ليه ادور غير وجـه الله وجيّـه

والهنى كحــل ٍ بعيـن المهتـدي
من وثق بالله وحكمه يرتضيـه

منزله فـوق الـــثريـا والجـدي
منزلن يا سعد من يوصل اليـه

من خذا المختار قدوه يسعـدي
دل مفتاح السعـــاده بعـد تيـه


.
عبدالله الشغيبي غير متصل   الرد باقتباس
 
قديم 17-06-2017, 12:13 PM   #44
عبدالله الشغيبي
شاعر
 
تاريخ التسجيل: Jun 2008
المدينة: الخبر
مشاركة: 791
مستوى تقييم العضوية: 15200 عبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond repute
.


(احلام جندي)


احـلام ورديـه وامـاني غـلابـه
غرد بها من هـاجس الفكر عصفـور

بنيـت لـي منهـا قصـور ٍ تشابـه
ما مثلهـا شيّد ولا بنيت اقصـور

احيان تهـد ينـي لقصر الخطابـه
واحيان تجنح بي على قصر دكتور

باب الامل للنفـس مـا انصك بابـه
مادام شمـس المعرفه للامل نـور

ثـوب المعالي كل حلم ٍ زهابـه
وانا مع الاحلام عايش ومسرور

واليوم يا دنيا العنا والغرابـه
الحلم مات وتحت الاقدام مقبور

قتلـه واقع مجتمع حد نـابـه
هـدّم قواعد مابنيته من الدور

هـذا زمان القبيله والعصابه
والواسطه يافلان تلعب مية دور

مرت ثلاث اعوام هـم وكـآبـه
واللي يمر بحالتي شخص معذور

قلـت آتوظف مثل كل النجابه
في العسكريه واتزوج على الفور

واساعد الشايب واخفف عذابه
احسن يضيع العمر عاطل ومقهور

حكم القدر يفرض علينا صوابـه
فـي صفحة الايام للعبد سيّور

قالوا ترى كـل ٍ يلاقي عقابـه
في العسكريه وانت عبد ٍ و مامور

والـرأي مالـك رأي تم اغتصابه
تمشي على ما قيل يالوح مجبور

واعلم تـرى الضابـط يقدس جنابـه
اعطه تحيه وانت ساكت ومحقور

اعطوه سيف على الاوادم سطابـه
يسطي لو انه بـاول الوقت معقور

راتـب وسيـاره نـظام اعـتنـابـه
وانت الضعيف اللي على الشوك مجرور

تلبس من اصنـاف المذلـه عصابـه
واحذر تقول انك من الغبن مضرور

والا تكمـل فـي جزاك وتجـابـه
مـن قبـل لا كــل ٍ يجازيك بالدور

هـذا خطر يمنع عليـك اقترابـه
.رفع التكلّف فـي القوانين محضور

ان لـم تكـن ذيبا ً كلتـك الذيابـه
غمض عيونك بالنظـر خلهـا عور

كلمّت ابوي وقلـت ما ينحكا بـه
اسرد عليه السالفه واسمع الشور

قـال الـذي بالـعلم يفني شبـابـه
يتعب وبعد الجهد محصوله تمور

كـل ٍ على قده يفصل ثيـابه
واهم شي لك ثوب والحال مستور

قلـت الثـواب ؟ ..وقـال كل ٍ ثـوابه
الراتب اللـي قبل يوصـلـك منثور

يا ناس هـذا الـظلم ماحد ٍ رضابـه
.والله نهى عن ظلم الانسـان والجـور

قانـون هتلر فـي الجزيره طغـابـه
والكل يدري عنه ظام ومسعور

هذا مقدّر واحمد اللي قضا به
لابد نصبر دامه الوضـع مقدور

امـا الضويبط مـا حسبنا حسابـه
لو مد عينه عوّد الشوف مكسـور

والراس شامخ فوق هام السحابه
واللي يخاف الله موفق ومنصـور

اعشق وطنا حيل واعشق ترابـه
وارخص حياتي لجل ديره ودستور

.
.
عبدالله الشغيبي غير متصل   الرد باقتباس
 
قديم 17-06-2017, 12:51 PM   #45
عبدالله الشغيبي
شاعر
 
تاريخ التسجيل: Jun 2008
المدينة: الخبر
مشاركة: 791
مستوى تقييم العضوية: 15200 عبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond repute
.



حسبي على الحظ الردي في كل وقفاته يميل
وش حيلتي غير الصبر لاصار في الحظ اعوجاج

يالله تصبرني على الحظ الردي صبرا ً جميل
والقى مع باب الصبر للضيق مرواح وخراج

ياحظي اللي ماعطا حتى مع اصحابي بخيل
لو للحظوظ محاكمه بطلب تظلم واحتجاج

يعثر جواد الحظ لامني بغيت اكسب عميل
الطيب في هذا الزمن صنعه تباع في الحراج

وين الصديق اللي في الشده معك جنب ٍ يشيل
ماهو صديق المصلحه ذا نيته فيها اندماج

انا احمد الله في سعه عايش وخير الله جزيل
الله يكون بعون من للناس حده الاحتياج

ارفع مقام النفس وابعدها عن القول الهزيل
لين النفوس الواقده من نارها جاني عجاج

لا صار مالي قدر رغم اللي فعلته من جميل
برحل مع حزب الصقور اللي لها العليا نهاج

بسرج خيولي عن ديار اهل الحسد حان الرحيل
لا ضاق صدري في مكان الله خلق سبع ٍ فجاج

والحيّه اللي سمّها يلدغ بنيبان ٍ وذيل
زمّر لها المتلونين وصارت الدعوه سماج

اللي مع الناس إمّعَه بين العرب مثل الخبيل
يراجم الناس بحجر والمشكله بيته زجاج

بعض البشر طبعه ردي والطبع يغلب كل حيل
ما يدري ان الذيب ما قد هاب من ثغي النعاج

واللي بلا منعه وجاني يعترض حد الصميل
لا يحسب ان السالفه ضحكه مع فلة حجاج

ابدي بوجهي في الضحى ماني في الظلما ظليل
وانهل من العد القراح وعد غيري من هماج

انشد سيوف الشقر لاناطح قبيل ٍ في قبيل
وانشد بحور القافيه كم غاصها حرفي وداج

شرّفت ربعي في مجال الشعر والنظره دليل
عدة قصايد فوزها لا شك فيه ولا احتجاج

وان قدموني والله اني دونهم سيف ٍ صقيل
يطوّل ارقاب .. ويجز بحدّه ارقاب ٍ عواج

ما ابحث عن الشهره ولادورّتها والله وكيل
جملة هجوسن تزدحم والشعر للشاعر مزاج

واللي بنفسه غيض جعله دوم في غيضه كليل
ما ني محسّب للرخوم ولا محسّب للدجاج

من كان في قلبه مرض يكشف على القلب العليل
لن القلوب الفاسده تحتاج فعلا للعلاج



.




.

آخر تعديل بواسطة عبدالله الشغيبي ، 17-06-2017 الساعة 01:00 PM.
عبدالله الشغيبي غير متصل   الرد باقتباس
 
قديم 19-06-2017, 10:22 AM   #46
عبدالله الشغيبي
شاعر
 
تاريخ التسجيل: Jun 2008
المدينة: الخبر
مشاركة: 791
مستوى تقييم العضوية: 15200 عبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond repute
.


يقول اللي من الفرقى جرى دمعه على الخدين
وقلبه مـن سنين ٍماضيه مـا تنطفي ناره

بنار الشوق والحيره عذاب مفارق الغالين
عذاب اللي يحب وفارق المحبوب ودياره

يعيش العمر بالذكرى ويحيى بـالامل عمرين
ويسأل طيفه العابر عن الاحوال اذا زاره

يـساير وقتـه الحاضر ويتناسى لهيب البين
ويجرع من كفوف الوقـت بعد الحالي امراره

واذا دار الزمن ياكم حبايب للغلا ناسين
صواديـف القدر تلفت شجون القلب وانظاره

كذا طبـع البشر بالبعـد واحداث الزمـن ساليـن
جديد الوقـت يشغـل خاطر الولهـان وافكاره

يـمشيـنا الـقدر والحمد لله بالقـدر راضين
نـساير وقتنا ونـعوض الماضي بـحضاره

ولكنّ المصيبه في فراق احباب مجتمعين
معـ تجمعهم العشره وزاد البيت واسواره

مشاعر بارده والا بـهمّ الـعيش منشـغـلين
طمع والا جنون اللي يصيب الفكر واطواره

عجيب اليوم يادنيا نـشوف احبابنا بالـعين
قرايب والقلوب ابعـاد كل ٍ يبـدي انفاره

على نار الحسد يصلى قليل المعرفه والدين
يطيع النفس ويطاوع ضنون ابليس واشواره

وبعض الناس في شب المشاكل شرها شرين
الا يالله دخيلك من خبيث النفس واشراره

ولابه خير فيمن ياخذ اشواره من الواشين
تصد الاخ عن شوف الأخو والجار عن جاره

ترى الدنيا تزول وكلنا عن دارها مقفين
ولا يبقى سوى المعروف بين الناس تذكاره

تـشل افكارنا الدنيا تمرجحنا على الحبلين
باماني حلم زايف من طردها طال مشواره

عجوزن فاتنـه في كل يومن تـظهر بـوجهين
تزينهـا لنا الـشهوه وهـي بالحيل غـدااره

اذا قلنـا كفايه قالت القادم جديد وزين
تـشوف بكل يوم اللي تمنى نفسك اظهاره

كفايه مانبي زينك كفـانا منك زين وشـين
حدود ك بـالفرح يومـين والاحزان دواره

درسـت بمنهجك كل العبر والـيوم ماتـقـويـن
احارب شهوتـك تاره واصلي واهجرك تــاره

تعلمت الجلاده والجلاده شيمـة الناجين
تعلمت الوفاء لو قيبـل المعروف بـانكاره


.
عبدالله الشغيبي غير متصل   الرد باقتباس
 
قديم 19-06-2017, 10:44 AM   #47
عبدالله الشغيبي
شاعر
 
تاريخ التسجيل: Jun 2008
المدينة: الخبر
مشاركة: 791
مستوى تقييم العضوية: 15200 عبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond repute
.



وين مارحـت تلقـى لـك صـديـق وعـدو
صعـب ترضـي جمـيع الـنـاس وتـودها

يـا طيـور ٍعلى المـا بـالـخفـى وردو
عكرت صافي الميراد مـن وردهــا

لو تبسـم بوجـهـك في الـقـفـى غـرّدو
ما تـمـيّــز هــزيــل الهرج مـن جـدهـا

ان تـقـربت مـنهـم بـالـمدايـح شــدو
مـن يحب المدايح ذاق من شهـدهـا

وان تبعدت .. وجبتهم عليهـا انـتـدو
في غيابك شلافي شـابـين حدهـــا

فـي جهنـم ملوك الـنار كـم وقّـدو
وألـسن الـناس كبـتها علـى خدها

ليتهـم بالـنبي والـصالحيـن اقـتدو
زمـرة ابليس طاعت شوره وصدها

ابـعدوا عن غثاهـم يالصحاح ابـعدو
الـغنيمـه مـن الامراض في بـعـدهـا

ازرعوا من غروس الطيّبه واحصدو
خلوا اهل الردى في مذهب لوحدها

حذر الديـن منهم والعـرب نددو
كلـمـة الله فيهـم صادق ٍ وعدهـا

استراحت طيور الجو والا غدو
وين طارت بها الجنحان ما اردهـا

وش تـكون الطيـور تلجّ والا هَدو
دامها من طيور «الما» فلا اعدها

دام الافعال تجمل و الجمايل قدو
ما على مـن تجمل لوم من بـعدهـا

ابتعد عن غثاهم وراتحل في هدوّ
خل بعض الطيور تموت في حقدهـا

من يحب الـسلامه شد شـد الـبـدو
لا امحلـت كل ديره لملمـت شدهـا

الحقـايـق تـجلـت والخـوافي بـدو
يـا حبايب شربـنا الـمر مـن يـدهـا


.
عبدالله الشغيبي غير متصل   الرد باقتباس
 
قديم 19-06-2017, 12:26 PM   #48
عبدالله الشغيبي
شاعر
 
تاريخ التسجيل: Jun 2008
المدينة: الخبر
مشاركة: 791
مستوى تقييم العضوية: 15200 عبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond repute
.


متى يا قلب تقنع من هواك وتطفي الاشواق
تعبت اناشـدك والنفس مهرة خيـل دواجه

غرقنا بالمحيط ولا تدووور للنجـــاة اطواق
غريقن بين غبات اللجاج وصفعة امواجه

خلقنا الله نطيعه وارسل المبعوث فينا اشراق
بنور الحق شمس ٍ في رحاب الكون وهاجه

على هم السنين وضيقتن ف الصدر ما تنطاق
ابخطم نفسي القشرا واعيـد الوضع لدراجه


.
عبدالله الشغيبي غير متصل   الرد باقتباس
 
قديم 19-06-2017, 12:33 PM   #49
عبدالله الشغيبي
شاعر
 
تاريخ التسجيل: Jun 2008
المدينة: الخبر
مشاركة: 791
مستوى تقييم العضوية: 15200 عبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond repute
.


اطلب عيوني لو تبي عيني اعطيك
الا عطايا الحب من قلب ميت

ياكم تحاييته على شاني ارضيك
وياكم ترجيت المشاعر وعيت

ترى الخطا ماهو بفيني ولا فيك
هذا قدرنا والمقادير طييت



.
عبدالله الشغيبي غير متصل   الرد باقتباس
 
قديم 19-06-2017, 11:41 PM   #50
عبدالله الشغيبي
شاعر
 
تاريخ التسجيل: Jun 2008
المدينة: الخبر
مشاركة: 791
مستوى تقييم العضوية: 15200 عبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond reputeعبدالله الشغيبي has a reputation beyond repute
.

يارب تفرجها على كل محتاج
اللي ينام ودمعته وسط عينه

تدفع به الحاجه ويمنعه الاحراج
يخشى كلام الناس لا حد ٍ يهينه

.
عبدالله الشغيبي غير متصل   الرد باقتباس
الرد على الموضوع


يتصفح الموضوع حالياً : 5 (0 عضو و 5 ضيف)
 

خيارات الموضوع
طريقة العرض

 
قوانين المشاركة
لا يمكنك إضافة موضوع جديد
لا يمكنك الرد على المواضيع
لا يمكنك إضافة مرفقات
لا يمكنك تعديل مشاركاتك

كود vB متاح
كود [IMG] متاح
كود HTML مغلق
إنتقل إلى

مواضيع مشابهة
الموضوع الكاتب القسم مشاركة آخر مشاركة
فضائح المااااااااركات !!! اوركيد عالم الأسـرة 41 24-03-2011 01:51 PM


جميع الأوقات بتوقيت مكة المكرمة. الساعة الآن » 06:06 PM.

Powered by vBulletin® Version 3.6.8 COMBO
Copyright ©2000 - 2017, Jelsoft Enterprises Ltd.
جميع الحقوق محفوظة لمنتديات خزامى نجد 2002 - 2011

المنتدى محمي بواسطة ابعاد المعلومات

هذا المنتدى يستخدم الكمبو المطوّر


 
لخدمات التصميم والتطوير YAGLBY