منتديات خزامى نجد

منتديات خزامى نجد (http://www.khozamanajd.com/vb/index.php)
-   المملكة الخاصة (http://www.khozamanajd.com/vb/forumdisplay.php?f=42)
-   -   حذفة فكر..! (http://www.khozamanajd.com/vb/showthread.php?t=29846)

محمد سعود 22-02-2006 11:25 PM

حذفة فكر..!
 


الموادع شي محسوم واطلبك السماح
ودي اوصْف محاسنك قبل انْك تروح


لا رحمها الله قريحه ماتلْبسك الوشاح
وتفتق انحور القوافي تناديك بوضوح


ابتسامك للشعر غيّ وحبيبة لقاح
تلْقح حروف ومعاني ولعيونك تبوح


وفي مهابيط الثنايا ينابيع القراح
وانسـمْك حبات هيلٍ بدلتها تفوح


عند حدك ترجف القاع من تحت الملاح
فيك ثقل النايفات ومساوئك الجموح


كلمةٍ بقولها لك وانا مالي صلاح
لو تروح .............!

تروح





روحي





.......... وأنا بالكف اللوح .. !

محمد سعود 17-04-2006 07:36 PM


شياطين العباد تزج بالمعروف واهلينه
على اطلال القلوب اللينه يامن يعزينا

تغير كل شي وشفت فعل المنكر بعينه
وبآفات النفوس وشرها كبرت مآسينا

رجينا الواحد اللي ما تضيق بنا ميادينه
بجرم المذنب اللي ما يخافه لا يجازينا

الا يا بنت روفي بالمسن ولا تهزرينه
شريعتنا توصي نحترم شيب المسنينا

كبرتي في نظر غيره وبمسمه ما تسمينه
وفوق الذنب والعصيان بفعالك تمارينا

يعلم الله كم ليلٍ سهر بك ما غفت عينه
يداري خاطرك ويجمالك والناس ممسينا

حنى ضهره عليك وضمتك يسراه ويمينه
ولبى مطلبك من حاجته في العسر واللينا

عطاك العمر كله وآخر ايامه تجازينه
بفعلٍ يغضب الله مااغضبه ماهو بمرضينا

يضيق بك المكان وضقت منك وما تسوينه
من كبار الذنوب اللي تضيق بها لاراضينا

ابوك وطاعته فرضٍ على غيره تبدينه
امرنا فيه رب الكون و محمد موصينا

كبرتي في نظر من لا يخاف الله في دينه
وعند الله .. كلك لاش لا دنيا ولا دينا.. !







محمد سعود 04-01-2011 05:48 AM

من يقول الوقت متغير نشكك في كلامه
ما تغير غير خلق الله وكلٍ حسب ظنه

الوفاء والصدق يا قله وياقُرب انعدامه
والمجامل والسكوت عن الخطا مفروغ منه

اعقل العقال ما يعرف حلاله من حرامه
واجهل الجهال صار يمثله ويقول عنه

ومن معه بشتٍ على عضده تبنا له زعامه
ما نذمه! بس لامنه حضر ما ادري ايش كنه

كن فوق الرووس طير ومن على الاعين غسامه
وكن في يمناه نار وكن في يسراه جنه

ما بقى الا يطلبون الشيخ يعطيه الامامه
لجل عين البشت يتقدم بهم حتى لو انه

ما يعرف الله ولا يعرف دروب الاستقامه
ولا يعرف ان فيه فرض ولا يعرف ان فيه سنه

النفاق آفة مجالسنا ويالله السلامه
والبلاء والله من اللي في خواطرنا نكنه

محمد سعود 15-01-2011 04:36 PM

عشنا وشفنا يا عيال العروبه
واحد يحط الكاميرا وسط بيته

واهل الخنى قامت تصور عيوبه
على الهوا ينشر وينذاع صيته

لا دين لا مبدا وتسعين كوبه
بعيال ممايه ، وببه، وتيته

كم ذا علينا كل عامِ جلوبه
يقفي بها الغربي بسطحة ونيته

هذاك قد حول وهذاك دوبه
ولا يندرى مع الزمن ويش نيته

والمجتمع عيا يحسّب ذنوبه
والفرد مبلي والحماقة بليته

والضايع اللي تصطفق به جنوبه
يتبع هواه ويلحق اثمه حليته

خالد واسيل بمجتمعنا عجوبه
من مثلهم لازم تصادر هويته

محمد سعود 11-03-2018 10:21 PM

الرضا كل الرضا لرضيت ربك
واحتفظت بقيمتك بين الاوادم

حب كل الناس واللي مايحبك
اتركه بلا شِحانات وتصادم

محمد سعود 11-03-2018 10:23 PM

فيه هرجٍ تنجذب له وتلقى له ردود
بينما بعض الحكايا حيودٍ في صبخ

اشهدٍ بعض الاوادم حديثه من فود
وإن بعضهم لي تهرج تمنى أنه لبخ

كلمةٍ من طيب نيه تجمّع لك بدود
وكلمةٍ تستلطف بليس لين انه ربخ

محمد سعود 11-03-2018 10:27 PM

ما دام لك حق(ن) وللعالم حقوق
فالله .. مثبتها .. لو الناس تنفي

لا تنزعج لي خالف الركب مخلوق
ماهو بمتربح ولا هو بمعفي

محمد سعود 11-03-2018 10:30 PM

يا ناس خافوا الله فينا واتقوه
الوضع متأزم ولا يُسكت عليه

اما استروا الغرنوق والا بينوه
وخلوا عباد الله تلد الشوف فيه

إما نقول الله على من خلفوه
والا تأسفنا لحال امه وابيه

محمد سعود 11-03-2018 10:37 PM

اذا بغيت السعاده فجتهد في ثلاث
دينك ونفسك وخل الناس في حالها

الدين نجمٍ على نوره يبان الكثاث
ويرفاك يومٍ تجازى الناس بعمالها

والنفس لو اينعت فيها نبوت الخباث
بارت محاصيلها لو كِبرت آمالها

ومراقب الناس يرّث بالضماير غلاث
حتى تشبع من الحُرمات بشكالها

محمد سعود 11-03-2018 10:45 PM

لاضقت فسمع مايقوله محاكيك
العمر فرصه والحق اللي تباقا

سج القدم بالارض وابعد خطاويك
واترك ديارٍ جوها ما يطاقا

ولا تنتظر من قال بشوف واجيك
وان صملت ، غير كلامه، وقاقا

ازهم على خفيف دمٍ يخاويك
من خلقته ما قال وين نتلاقا

يعرف توجاهك ويتبع هقاويك
وكنه على مافي ضميرك يساقا

وخذ موترٍ ما جاء غياره تماتيك
يفز فزات الجياع السلاقا

من مصنعه ماله صيانه وتشييك
وناسٍ توديه الوكاله حماقا

بترول بالطرقه يعزك ويشفيك
واهل الخلاء على دروبه تهاقا

من حيث ما قرّت عيونك يوديك
ياطى الخطر . والله يقدر وياقا


جميع الأوقات بتوقيت مكة المكرمة. الساعة الآن » 11:18 PM.

Powered by vBulletin® Version 3.6.8 COMBO
Copyright ©2000 - 2018, Jelsoft Enterprises Ltd.
جميع الحقوق محفوظة لمنتديات خزامى نجد 2002 - 2011