من مذكرات وافـــــــي انياههههههههههههههههههههههههههههههوووو [الأرشيف]

مشاهدة نسخة كاملة : من مذكرات وافـــــــي انياههههههههههههههههههههههههههههههوووو

وافي

25-06-2002, 01:36 PM

هلا بالربعين والربعات ، المتخمبقين والمتخمبقات ، المكشرين والمكشرات ، المبسوطين والمبسوطات

اللي عندهم سيارات واللي عندهن سكوترات <== اخاف من العين تعرفون شاعر

المهم يالربعين على طاري السياكل

هذا وانا صغير يعني منذ برهة مبطيه من الزمن .. وانا في سادس ابتدائي ( ليه قالولك فيه سادس متوسط !!)

المهم طلعت من المدرسة اللي حذفة حصا من البيت <=== حذفة حصا بنباّطه يعني بعيد

واطلع وشنطتي على كتفي طبعا الشنطه تحتوي على الآتي : مسطره مكسوره عند 60سم ، وبرايه باقي قشور القلم بوسطها

ومحايه مأكول نصفها خبركم بعض هالمحايات تقول علك وكذلك موجود في شنطتي ورق قص ولصق متعرفط داخل الشنطه

والوان مائية ،،ثلاثه من دون غطا والباقي ناشفه معد بها شي <== من كثر الشخمطه عالماصه وكومه من الدفاتر والكتب

عاد خلني اقولكم وش صار معي .. اي والله مشيت على رجليني تصدقون عاد !! وصلت للبقاله قلت ياولد الريالين اللي بجيبك

مافيك توفرهن <== قرداحي مع وسائل المساعده ....

وانا اجوب ارْوقة البقاله ( اجوب اروقه ،، لاحظوا ) عاد ياشيني اذا دخلت بقاله اقعد احوس ساعه ادور شي يعجبني

وتطيح عيني بذيك اللي خذت عقلي وانا توني بزر ابصراحه خلتني من غير شعور اناظر فيها وانا ماني في وعيي

اقول لنفسي ياولد واشفيك اثقل .. المهم ماقدرت اقاوم قلت يا ولد خربانه خربانه اباخذها لو احط عشرين ريال

والله وبعد تفكير مضني شلتها بايدي واناظر بها واقول كل هذا يصير لي من (مسطره )<== وشفيكم كنكم فهمتوا غلط

ابصراحه مسطره منتااااااااااااازه اللي بوسطها مويه وداخلها سمك .. تعرفون مسطرتي مكسوره قلت ابشتري ذي

واحاسب ابو هنود .. قلت بكم سديق ؟ قال جيب اثنين ريال سورأه <== لاتلومونه بزارين يتوطونه لاقيني المسكين ينفخ علي

قلت خذ ...وارمي الريالين ويقعد يفك فيها ساعه اثرها ملفوفه ببعض تقول ورق عنب .. واشيل شنطتي اللي كنت موقفها برا البقاله

واستمر في رحلتي للبيت ومن شارع في شارع والشمس تصفق بوجهي اللي استوى طماط باقي بس صندوق وعلى اقرب سوق خضار

وفي احدى اللفات المؤديه الى البيت القالك سيكل مرمي بالشارع وادور هو لاحد ناظرت يمين ويسار مالقيت حوله احد ...

اييييه قلت ياولد دق سلف وارفع الثوب وامتطي السيكل ماااااش ما اطول الدعاسات ... قلت ياولد سو زي القبطان نامق يوم ساق السيكل

وانا ماشي بالخط في امان الله والهوى يصفق بخشتي رايح جاي ونااااااااااسه الا وذاك اللي يصارخ ...

والتفت ورى الا وابو هنود طالع بالوزره ورافع زنوبته ( تكرمون ) ويلوح بها ...

قلت له : انياههههههههههووو <=== ضحكتي معي منذ مبطي .... قلت وانا اضحك عليه رووووووووووووه سديق

رررررررررررررررووووه يالله مافي انتا كلام مع انا ..ويعصب ابو هنود ويسوي زي عدنان يوم نشب في قاع البحر بالكلبشه اللي كانت عليه

وياخذ نفس عميق وبعدين صرخ صرخه يقولون سمعها زول في تبوك وفي روايات انه سمعها سوري في محل فطاير في الخرخير

وارجح الروايات انه سمعها احد طاقم المركبه ( مير ) في عطارد وهم يتغدون هناك

المهم انياههههههههههههههههههههههههههوو ههههههه تدروووون........ خلاص عاد ابكمل لكم السالفه في الجزء الثاني

تشاهدون في الجزء الثاني

الهندي ينطلق خلفي بسرعة البرق

ولد جيراننا يساعد ابو هنود على كشف مكان اختبائي

العثور على كدمات ومطبات براسي يوم حلقت عالزيرو

تحيــــــــــــــــــــــــــــــــاتي

ابو فهد 888

25-06-2002, 01:41 PM

وافي الجزأ الاول حلو لا تتأخر علينا بالجزأ الثاني ... ابي ادري وش صار بالهندي وهو منطلق وراك .:D :D :D

أنــوار نـجـد

25-06-2002, 03:01 PM

فوفه ... وش هالمذكرات تضحك علينا:(

انا أدري انك كنت اشطن واحد في الحي وادري بعد انك بعد عملتك السودا

مع الهندي كفشك البوليس وحطوك في الإصلاحيه اربعة ايام على ذمة التحقيق

وعشره سنين على ذمتي:mad:

بس تدري انا مصورتك صوره منتازه جده جده وانت منطلق على سيكل الهندي

اللي كفراته قلوب ( هذا اللي عاشق غزوى) وانت رايح تغازل بنات الحي;)

شيطوووون من صغرك فوفه ...هاااااااااااااه اطلع الصوره ؟؟ موافق؟؟ شاطر
http://fun.ohmygoodness.com/Cards/romance/Animated/ cupidbike.gif
لا وبعد حاط ريش مسوي حركه هو ووجهه يبي يطير علشان ماحد يصيده

بس عاد انصاد ويعلمكم في الحلقه الجايه منين جته الكدمات اللي في قرعته

اقول لاتفوتكم الخشه والخشم اللهم لك الحمد لا ويتطنز بابو خشم بعد:mad:

اوروفوار1*

ابو نواف

25-06-2002, 05:42 PM

هلا بالصدقي راعي المشاكل

وسرااق السياكل

وتارك ابوهنود يلحقك والله انك مو شي

كان فريت السيكل عليه وجيت طاير وهفيته على وزرته هههههههه

بس تصدق ذكرتني بايم الشباب يومني صغير ايام البيض والطماط على سيارات العمال واهم شي في العمال اليمنيه انواع تكسير البيض

اقول والله اني جالس اخمبق مثل خمبقتك يالمنتاز تسلم وافيوووووووه

بس انت هذا شيسمونه صدقي :D :D :D :D :D

الحــائر

25-06-2002, 08:13 PM

ههههههههههههههههههههههه

ياحبي لك ياواااافيوه وش هذي المذكرات والله انك شييييي:D

افففف يوم تخيلت شكلك :eek: اضحك تقووول مجنون ..يوم ترفع الثوب وتحط

طرف الثوب في فمك وهات يالعب ..بس كيف لو كان عليك بدنيه "رياضه"في

هذاك اليوم شي الثوب تقوول فيه نيله من الفنليه والسروال الازرق اللي يسحب

من تحت الثوب....ومافي غير ضفاري:D وكم يوم والكوره راحت فيها وشهر

على بال مايشترون كوره وعلى هذي الحاله كل يوم ...اما ابو الهنود هذي شي

ثاني كل شويه هات ريال اس فيه انت مخ مافي ..طيب وافي كيف المقصف"الله

يقصف عمر الشيطان"كيف كنت تشتري وكيف الفسحه هاااا لاتقول تصف

طابوووور شكلك عندك واسطه مع العريف ;) يحق لك دام انت ولد 36* ....ياعيني

على هذي المذكرات تصدق فتحت نفسي على مذكراتي ودي اكتبها بس اخاف

منها لانها كلها فضايح من جد فضايح يعني ماتصلح للنشر :cool: من جد خطيره

تروح فيها قبايل وعلوم رجال مو زيك اكبر شي فيها عود المصاصه :D ...

ماني منزل شي ليه تبغي صنصونه تضحك على لا ماني منزل شي باي باي

مذكراتي 26*

يكفي خنبقوي واحد عندنا ......:D

تحيااااااااتي

مــذهــلــه

26-06-2002, 02:26 AM

اقول احنا نشوووووووووووووووف الدلاخه ونتسال من وين جتك

وبس الحين اكتشفت انك من صغرك وانت رايح فيها

يالله كمل فضايح ورينا الجزء الخامس37*

باييييييي

وافي

30-06-2002, 12:24 PM

انياههههههههههههههههووو صنصن

الله يرج ابليسك هههههههههههههههههههه

اجل هذا انا تصدقين عاد الصورة منتااااااااااازه جده جده لا وطالع اغازل

انياههههههههههههههههههههههههههههووو

اما الخشم شي صنصونه كنه ........... والا انت عارفته مايحتاج

وتحشن فيه بعد ياحبني لك يابو خشم

صنصونه والله انك شي وردودك شي من الشيات المنتازه

تسلمين وفي نفس الوقت اوريك شغلك

يالله

وافي

30-06-2002, 12:29 PM

ابو نواف البقلاوي

انياههههههههههههههههههههههههههووو

اجل افر السيكل على ابو هنود .. ياحليلك انت ماشفته يوم عصب ياشيخ انقلع

انياهههههههههههههههههههههههههههووو

وبعدين من قالك ترجع لورى وتجيب ماضيك الفسفوري اجل بيض تراها من ضمن نشاطاتي الخنفشاريه في السابق

انياههههههههههههههههههههههههووو

ياحبني لي
تحياتي بقاليلو

وافي

30-06-2002, 12:33 PM

ابو الحيارى

انياهههههههههههههههههههههههههووو

والله انك انت ابو الخمبقه منذ مبطي

((افففف يوم تخيلت شكلك اضحك تقووول مجنون ..يوم ترفع الثوب وتحط

طرف الثوب في فمك وهات يالعب ..بس كيف لو كان عليك بدنيه "رياضه"في

هذاك اليوم شي الثوب تقوول فيه نيله من الفنليه والسروال الازرق اللي يسحب

من تحت الثوب....ومافي غير ضفاري ))

انياهههههههههههههههههههههههههههههووو رجه خنفشاريه منتازه

تدري نحتري مذكراتك شكلها خطييييييييييره ماتردني ابو الحيارى

يالله

وافي

30-06-2002, 12:37 PM

سمارتوووووووووووووووووووووه

انا توني ادري ان الدلاخه تعدي م بعد ماقلتي لي اني دلخ

بس انا من الفئه السياحيه اما دلاختك من فئة الــــ vip

انياههههههههههههههههههههههههههههههوو

ابشري بالاجزاء المكسيكيه

يالله

وافي

12-07-2002, 01:08 AM

انياههههههههههههههههههههههههههههههوووو

الجزء الثاني من مذكراتي جاهز

ابستخدم شخصيات من المنتدى في الجزء الثاني

لذلك جرى التنويه

ولا يجيني احد يقول ليه

:mad: :mad: :mad: :mad: :mad:

تكنولوجيا

12-07-2002, 01:51 AM

شو بحكى وايش اقوووووول

لكن حقوووووول

نياهوووووووووووووووو

ههههههههههههه

تسلم خى على هذه الموضوعات الجميله

تحياتى لك دائما بالابداع
د

نياهوووووووووووووووو

تكنو مصر35* 35* 35*

((لمعة الماسة))

12-07-2002, 07:52 AM

شي جناااااااااااااان
مذكرات ولا في الخياااااااااااال

ههههههاهاهاي <-- تنافس---> انياهوووووووو

وش ذي الخمبقة 36*
اللهم لاحسد ................... :rolleyes:

شكلها غريزة وفطرة فيك :confused:
اللهم لاتبلانا ................. ولله في خلقه شؤون ..

ههههههاهاهاي <-- تنافس---> انياهوووووووو

الله يرجك رج لبن المراعي قبل التصنيع والتعليب .. يعني قبل كل المراحل اللي يمر فيها أي لبن .. وقبل ماينزل الأسواق ... يعني ....

وش فيكم 30*
طيب .. خلاص ... 17*

وعالعموم يا وافي ...
رح ننتظر الخبقة الثانية من مذكراتك ..
على أحر من الجمر..... ة الخبيثة 1*

وسلامتكم

][ العبد الخبل ][

12-07-2002, 05:41 PM

بصراحه انت مبدع بسرقه السياكل اتمنى انك تعطينا دروس بنطله السياكل

لاني بعفنان اكثر ما اقابل هالسياكل بس تخبر ما من جزمه (جزمه = قوة عزيمه واصرار ونحو ذلك)

وافي ننتظر الجزء الثاني على احر من الثلج

تحيات الكاتب ،،//،، ;) 35*

وافي

12-07-2002, 11:31 PM

انياههههههههههههههههههههههههههههههووو

ايه ده يا تكنو ايه ده ياشييييييييييخه

الله يحفظك

وحلو انها عجبتك

انياهههههههههههههههههههههههووو

ردة فعل تكنولوجيه

:D :D :D :D

مشكورة على ردك

وافي

12-07-2002, 11:35 PM

لمووووووووووووووووووعه

بديتي بالشر

انياهههههههههههههههههههههههههههووو

ردة فعل لموعيييييييييييييه

اجل غريزه وفطره فيني انياهههههههههههههههههههووو

مابعدت عنك كثير شوفي اهبالك وتشوفين اني ماني حولك ياخمبوقه بيك

وعلى طاري رجة اللبن

ماتوحي لك الرجه بالرجه اللي تعانين منها منذ مبطي

لقيتك لك لبن بدون رجه يقولون انه مو مبستر بل مهستر

انياهههههههههههههههههههههههههوووو

ردة فعل مبستريه

على طاري جمره خبيثه

والا اقول خلاص

انياهههههههههههههههههههههههههوو

ردة فعل خلاصيه

وافي

12-07-2002, 11:38 PM

هلا بك يالعبد الخبل

انياههههههههههههههههههههههههههههههووو

اسمك لحاله مدعاه للهبال<===== حلوه مدعاه هاه ؟؟؟

والله وانا اخوك احيلك لابو نواف هو استاذ التنطيل بالسياكل ابو نسافات

جب ملف تركوازي موجود فيه مايثبت قيادتك لسياكل عشرين في شارع عشرين بمنفوحه

انياههههههههههههههههههههههههههووو

حيلوييييييييييييييييييييه احر من الثلج ..........

Iset

02-08-2002, 03:14 AM

وارمي الريالين ويقعد يفك فيها ساعه اثرها ملفوفه ببعض تقول ورق عنب .. 26* 26* مسيكينه هالريالات
أكيد انها ما صدقت تطلع من بين يديك حتى تتنفس26*

كاتمها يالقعيطي11* و لا توزيها في شعرك ذا اللي يبيعونه في المطاعم الشامية17*

أما انك بتحلق على الصفر.....فهذي مأساة،،وين بتوزي براشيمك ،،و ريالاتك،،و قلامتك:eek:

يا خساره،،كان الشعر موفر عليك مصاريف كثيره11*

بانتقل الحين للجزء الثاني من مذكرات زعيم الخمبقه2** 2**

وافي

05-08-2002, 07:25 AM

انياهههههههههههههههههههههههههههههووو

وش عندك ازيتووووووووووووه هاه كني اشوفك تضاربين

وش قعاطته انتي ووجهك انياههههههههههههههوو عصب انا انا فيه عصّب

ايه مادرينا عنك ياللي توزين الريالات في الابّه والا في الشريطه اللي بظفايرك

انياهههههههههههههههههههههههههووو

ردة فعل قعيطيه زيتيه

][ العبد الخبل ][

05-08-2002, 07:29 AM

ما اقدر اقول الا الله يخليلك مسطرتك

بس لا تقولي انكسرت المسطره

مع السلامه..........

وافي

06-08-2002, 07:27 PM

انياههههههههههههههههههههههههههههههووو

هلا بك يالعبد

كيف الحال وش اخبارك

انشاء الله كل شي تمام ؟؟؟

متأكـــــــــــــد ؟؟

انياههههههههههههههههههههههههههوو

سلمت لي يالغالي

والمسطره اخر خبري بها بسيارة ابو نواف:confused: :confused:

الدلخ

07-08-2002, 04:51 AM

هلا وافي

والله انك شوقتني للجزء الاخير

الا متى الحلقه الاخيره

للمسلسل الحاج متولي خخخخخخخخخخ:D

ومتى الجزء الثاني

ويعطيك العافيه

اخوك الدلخ

وافي

07-08-2002, 08:22 PM

هلا بك يالدلخ :D :D

قال الحاج متولي انياهههههههههههههههههوو

ياخوي الجزء الثاني نزلته منذ مبطي

الله لا يهينك ولا عليك امر تلقى الموضوع بالصفحه الثانيه

ادعس هناك تلاقيه

انياهههههههههههههههههههههههوو

ردة فعل دلخيه

شـــــــــــــــوق

08-08-2002, 06:03 AM

اهـــــــــــــــــلين بوافــــــــــــي........

بصراحه انت خطير واتشرف في الانضمام لهذا المنتدى......

ولاتبخل علينا بكتاباتك المتميزه والرائعه

29* تقبل تحياتي

شــــــــــــــــــــــــــــــوق

ابو شهد

09-08-2002, 06:40 PM

بسمالله الرحمن الرحيم
العزيز وافى امورك كله مدحدره والله العالم انك اذيه وانت صغير والامور سهاله مدام ان حدها ابوهنود ترى راس مالها قرن فلفل وتصير انت وهو اكثر من البصل على الزيت والاكيد فوق العلم انك ولد نعمه ماشاءالله لان المصروف ريالين والمواصلات سيكل مقاس(14) والسكن ملحق بغبيره والرفقه الطيبه منسقين نادى الرياض بوادى لبن0000 الختام من الحب ماعقر ياوافى الصديق وهو الاكيد

وافي

15-08-2002, 12:47 AM

هلا شـــــــــــــــــــــــــوق

عندنا شــــــــــــــــوقين

مو شوق اثنين شوق

تسلمين والله يعطيك الف عافيه على ردك

يالله وخري

ولا تنسين تغيرين اسمك

ترى فيه شوق;) ;)

وافي

15-08-2002, 12:50 AM

انياههههههههههههههههههههههههههووو

هل ابك ابو شهد

الله يرجك رجة البيبسي المنطول على الدائري الشرقي

وش ذا الخمبقه اللاه يحفظك

والله الامور مدحدره منذ مبطي وانا اخوك

تدري خل عنك

اذا جاك ولد سمه : من الحب ما عقر <==== عادي تراها الموضه

والبنات كالتالي : قرن فلفل ومدحدره وسهاله

والله يوفقك

يالله وخر

سلمت يابو شهد

تحياتي