PDA

مشاهدة نسخة كاملة : 彡( جـزلْ التماثيل ) 彡 ‏


ضويحي العماني
26-10-2008, 11:28 AM
.










أبــدا بــذكــر اللـي عــليه التساهيل=ربٍ جــزيــل الــحـمد له و الثنا له
مــهـلك جـنـود بـريـه بطيور أبابيل=حــامي حمى بيته من أهل الجهاله
مُـنـْزِل هــدى وحـيـه بقدرتْه تنزيل=عـلـى الـشـفـيـع المـصـطـفى للرساله
مُـقّـدّر الأقــدار مــتـبـع دجــا اللـيل=نـورٍ عــن الآفــاق يـشـعـب رحـاله
بـعِــزِتِه مــن عـزّ بــالـديـن مــانيل=وبـأمــره عسـير الأمر تسمح عضَّاله
يـــا اللّـه بك تـفـتـحّ صـدورٍ مـقـافيل=وعـلـيـك رجــوى طــالبك و إتكـاله
وبـك آتـعـوّذ مـن خـنـا الـزل و المـيل=وبـإسـمــك أسمّـي يا عظيم الجلاله
وبــذكـرك أبدا بــدعْ جـزلْ التماثيل=اللـي تـلـبّـي خــاطــري و تـعّـناله
الــشــارداتَ الـنــادراتَ الـمـذايّــيل=لإســـمٍ عـلـيـهـا مـثـل ختم الوكاله
حــقــي عــلـيـها سـبـي لب المذاهيل=بـحـبـكٍ وسـبْـك وغزر جمّ وجزاله
واللـي لـهـا إنـي مـا آتـعـدّا ولا أمـيل=ولا أرخـص ثمـنها في دروب الرزاله
ولا أبــدي سنـاهــا للوجيه المهاشيل=ألاّ عـلـى وجـيـه النـقـا و الشــكاله

ضويحي العماني
26-10-2008, 11:35 AM
كم لي وانا عندي كلام ٍ ودي آقوله=كم لي بقوله واجي واروح ماقلتـه
وساعة لقيتك لساني ضاع مدلوله=وقالت عيوني لعينك شي مااحتلته
لو كل من رام شي ٍ يقـدر ينولـه=ماشفت عين ٍ خنقها الدمع واسبلته

ضويحي العماني
27-10-2008, 12:34 AM
آسف للغلط المطبعي في المشاركه الماضيه


في خاطري لك كلام ٍ ودي آقوله=كم لي بقوله واجي واروح ماقلتـه

وساعة لقيتك لساني ضاع مدلوله=وقالت عيوني لعينك شي مااحتلته

لو كل من رام شي ٍ يقـدر ينولـه=ماشفت عين ٍ خنقها الدمع وإهملته

ضويحي العماني
27-10-2008, 12:44 AM
.
..


في ذمتي ما عنيت ألا ّ على شانه=قصدي سلام ٍ عليه وشوفة عيونه


مير البخت دون شوفه صر ّ نيبانه=وحالت عيون العرب من دوني ودونه

ضويحي العماني
27-10-2008, 02:48 PM
بعض العرب





بعض العرب من غلاه وكبر منزلته=يآمر وانا له علي ّ السمع والطاعه


لو إن موتي وقف دونه تجاهلته=وجيته بنفس ٍ من التقدير منصاعه


ولو يجرح القلب .. جرحه ما تحملته=تفداه نفس ٍ من الأشواق ملتاعه


لا بـارك الله بساعة ضيق ٍ أزعِِِلته=ولا عادها اللـََََـــَََََـه من ضيقه ولا ساعه

ضويحي العماني
29-10-2008, 01:41 AM
.

. هزل المشاريه .




ماهيب ذا الزلـّه اللي ترخصك عنـدي=فالناس ناس ٍٍ مهوب أدنات ما ارخصها


ودمح الصغاير لشرع الطايله بنـدي=وإن زاد نفس الفتى وألا ّ فلا أنقصها


عقــّب يد اللي على الهزلات مستندي=وعينه على زلـّة اصحابه منفصها


آعذر ناس ٍ سيرْها بالوفا تندي=وغاياتها بالغلا والطيب باخصها


وشرهت ذراعي ليا لِوْيَت على زندي=وهزل المشاريه مالي في ملاخصها

ضويحي العماني
29-10-2008, 02:12 AM
. حيّا الله اللي .



حيّا الله اللي يشتت ضيقتي صوته=جعلي فدا الصوت والبحـّه وراعيها


ياللي حروفك بعرض الصدر منحوته=أزرى طويل الزمن والبعد يمحيها


القلب نبضه غرامك . والنظر قوته=ملفى طيوف ٍٍ يعنّ القلب طاريها

ضويحي العماني
29-10-2008, 04:04 AM
.

. ويش أنت جايب ؟! .


الليله .. آشوفه جفا عينك النوم=وجيت وخفوقك من عنا الشوق ذايب


لا تشتكي .. ما صايبك غير مقسوم=وشكواك للـّي به تهون النوايب


ولاتعتذر لي مأنت فالعذر ملزوم=ولا ْ تشرح لقلب ٍٍ جرحته سبايب


ولا ْ تحسب إن جفنه من النوم محروم=وألا ّ أنْ ضلوعه من ولعها لهايب


هذا أنت غبت إسبوع غير أمس واليوم=وأقفيت كنـّك من غثا الحب طايب


ماجيتك أشكي البعد وآطيح وآقـوم=ولا ْ سقت في رجوى رضاك الركايب


لا صار ما للحب في قلبك إرسوم=وش عاد لو تبقى على طول غايب !!


يا هيه قبل إتلـَحِِــّق اللّوم باللّوم=قِلْ ويش جاني مِنـْك غير العقايب ؟!


يوم ٍ رفيقْ . ويوم ينحِي بك الحوم=وغير الشقا مالك بصدري جلايب


إن غبت لِعت القلب بحروق وهموم=وإن جيت غير الجرح .. ويش أنت جايب ؟!

ضويحي العماني
29-10-2008, 10:57 AM
.


مليت من جمر إنتظارك وجيتك=ياليتني ماطعت قلبي ولا جيت


ضاقت بي إوساع الرحاب ونصيتك=ولاْ خذْت مِنك ألا ّ العنا والتناهيت

ضويحي العماني
29-10-2008, 11:12 AM
.


يا فرّاج بعض الناس ساعة فراقه عيد=عسى سكة ٍٍ تقلعـْه ما عاد ترجع به

ضويحي العماني
29-10-2008, 01:06 PM
.


.أنا لا بغيت آسج .





أنا لا بغيت آسج وأنسى زمان ٍٍ راح=وأعـزّي صواب القلب في مِقبل إسنيني

وأصبّر خفوق ٍ ما بقى عرقْ به ما ساح=على فـقد من موتي لفقده يباريني

أصبّر خقوقي بقول ‘‘دامه نسى وإرتاح‘‘=تصبّر عسى اللي صبّره ما يخليني

تعرّض لقلبي من سِنين الرماح إرماح=من عيون غرو ٍ حدّها مسرف ٍٍ فيني

ليامن طرت لي سلهمة طرفـْه الذباح=تزامت إعبار الشوق وأسخت بها عيني

و لجّ الحشا والجرح بين الحنايا صاح=و لوّح بيدْه الموت للقبر يدعيني

على سنا خده ورى برقعه فضّاح=مثل بارق ٍ وسط الدجى نوضه إمبيني

جفول ٍ بقى لي منـْه طيف ٍ ليا من لاح=أزايم لفقده ونتي وفركة يديني

.

ضويحي العماني
30-10-2008, 03:05 AM
تعديل للأبيات السابقه


.



.. أنا لا بغيت آسج ..




أنا لا بغيت آسج وأنسى زمان ٍٍ راح=وأعـزّي صواب القلب في مِقبل إسنيني

وأصبّر خفوق ٍ ما بقى عرقْ به ما ساح=على فـقد من موتي لفقده يباريني

ليا قلت له يا هيه ‘‘دامه نسى وإرتاح‘‘=تصبّر عسى اللي صبّره ما يخليني

تعرّض لجرحه من سِنين الرماح إرماح=من عيون غرو ٍ حدّها مسرف ٍٍ فيني

ليامن طرَت لي سلهمة طرفـْه الذباح=تزامت إعبار الشوق وأسخت بها عيني

و لجّ الحشا والجرح بين الحنايا صاح=و لوّح بيدْه الموت للقبر يدعيني

على اللي سنا خده ورى برقعه فضّاح=مثل لمع برق ٍ فـ الدجى نوضه إمبيني

جفول ٍ بقى لي منـْه طيف ٍ ليا من لاح=أزايم لفقده ونتي وفركة يديني

.

ضويحي العماني
30-10-2008, 05:53 AM
.

. يتنثــّر ماه .

عسى مزن ٍ آخايلـْه يِشمِل بأمر مولاه=لدار ٍغلاها يقصر الوصف من دونه

تسوق الهبوب إقنوفه إمن أوله لـ. أتلاه=إلين يهجد دار ٍ بها الروح مرهونه

ولعلـّه على دار الكويت يتنثـّر ماه=بأمر واحد ٍ كل المخاليق يرجونه

وطن جادل ٍ كن بارق الوسم في محياه=عسى عمر من حبّه فِدا ضحكة عيونه

ثرا ديرة ٍ غالي وزاده غلا وأطغـاه=غرام ٍٍ غدا بالقلب في كفّ مزيونه

ولولا غلا الدار وغلا من سكن فـ. إحماه=مهيب المشاعر في ثرا الدار مفتونه

ولاهمني مزن الحيا إنْ جاه وإنْ ما جاه=ولا خِلت برّاق ٍ مصدات ٍ مزونه

ضويحي العماني
30-10-2008, 10:01 AM
.


. لا الدوى في يد طبيب ولا مطوّع .

طيب ظني فالليال السود خوّع=والبَخت من دون شفّ القلب قاوَع

والزمان إمطِوّع اللي ما يطوَّع=كم ّ صعب راس ٍ تلاين له و طاوَع

هيه ياللي في دجى ليلك مقوَّع=كل يوم ٍ والهقاوي بك تصاوع

لا تعددّ في دواي ولا تنوّع=الدوى من داي ما فيها مِناوَع

طِبّ حال ٍ من نظر مابه تروّع=وصل من قلبي لغيره ما يطاوع

لا الدوى في يدْ طبيب ولا ْ مطوّع=الدوى فاللي له الخافق ملاوع

آآه يامن قلبي لفـقده ملوّع =وآآه يامن موقي لشوفه إمجاوع

ضويحي العماني
30-10-2008, 11:21 AM
.

...



إن كان حظي دون لاماك ما قام=جعله تقوم قيامته ما يقومي

ضويحي العماني
31-10-2008, 03:44 AM
.
..

الناس بالناس ما ربي مكلفها=لاكنْ يا وسع حلم الله على خلقه

ضويحي العماني
31-10-2008, 04:10 AM
.

..

.. ؟؟!! ..




كيف النظر يشتاق شوفـك ويضمـا=وأنتي هنا مابين جفنـي والانظـار


وكيف أشتكي لك والمعاليـق تدمـا=من خنجرك يأقسى من طعون الأقدار


ما يستوي من كانت إيديه فـالمـاء=والليّ يدينه من شقا الحظ في نـار

ضويحي العماني
31-10-2008, 08:56 AM
..
.

‘‘ جفاك وتغليك ‘‘



قبل الوهم عن صادق الحب يعميك=وتسوق رجلك في دروب أمنياتك



ياهيه لا تدفن محبتـْـك بإيديك=وإتحل ّ في قلب ٍ حيابك مماتك



إن ْ مـ أرخصك عندي جفاك وتغليك=والا ّ ترا مازاد عندي غلاتك

ضويحي العماني
31-10-2008, 11:13 AM
.


‘‘ ليلــة وداعـــك ‘‘







يا صبر قلب ٍ شاف موته ولا باح=ساعة .. جروحه في موادعــْـك صاحت


ويا صبره اللي صدّّ عن عينك وراح=مِِِقـفـْي .. بحرقة عبرة ٍٍ فيه فاحت


ويا صبره اللي وانت تدعيني آشاح=عنـّّّك عيون ٍٍٍ بأزرق الدمع شاحت


وياصبر عين ٍٍ طرْفها عنـّك إنزاح=يوم إن ْ بروق الدمع للجفن لاحت


ليلة وداعك ليت قدر الغلا طاح=مع دمعة ٍٍ من محجر العين طاحت

ضويحي العماني
01-11-2008, 03:02 AM
.

..

‘ لا عاادني مرسل ولا عادني داق ‘




حتى انت يأغلا من سكن وسط الاعماق=يا واحد ٍٍ مالك بقلبي وزيني


مهما بلغ قدر الغلا لك والاشواق=ف. لا تحسب إنك من حدا والديني


لا عادني مرسل ولا عادني داق=يكفي عنا واللي يبيني يجيني

.

ضويحي العماني
01-11-2008, 04:15 AM
.

..


‘‘ بنت شيـخ ٍٍ‘‘



جلّ وجه اللي عن إسواها عمرهـا=من بديع الوصف ما لا احد ٍ حضابه


الله اللي من بحر حسنـه غمرهـا=حسن ٍ إتضيع العذارى في إرحابـه


والعذارى دون ماأعطاهـا قصرهـا=لاهن بحوله ولا هـن فـي ترابـه


الحسـن مالـه ديـار ألاّ ديرهـا=مابقى فالحسـن وصـف ٍ مابدابـه


وأشهد إن اللي خلقهـا زاد وارهـى=فوق زين وصوفها ثقـل و ذرابـه


والشرف ورث ٍ ورثته مع فخرهـا=مـن سلاطيـن المعـزه والمهابـه


بنت شيخ ٍ شيختـه كـل ٍ خبرهـا=هيلع ٍ فالضيق يآمـن مـن لجابـه


إن رضى كل العرب يصفى كدرهـا=وإن زعل كل أبلـج ٍكشّـر بنابـه


شيخته من عصـر جـده مقتدرهـا=من قبل ‘ سلمان ‘ لا يصـدر خطابـه


شيخة إشداد ٍ مهيب اللـي تعمرهـا=لوحة ٍ خضرا ً تعلّـق فـوق بابـه


شيخـة ٍ ردّات جـدانـه مهـرهـا=ماخذاها بحـب خشـم و لا نسابـه


شيخة ٍ مـا هـوب تـوّه مبتكرهـا=ورث جدانه من عصـور الصحابـه


نسـل شيخـان ٍٍ مورخـة ٍ سيرهـا=مقـود الطالـه مساويـط الحرابـه


إن عطوا. مثل البحر وآجل وارهى=وإن سطوا . موت ٍ لقاهم يندعابـه

.

ضويحي العماني
02-11-2008, 02:41 AM
.

..


‘ طاب لك جرحي ؟!!‘



طاب لك جرحي وأنا اللي لو تضيق=ضاقت الدنيا على قلبي معك

لا متى بأغفى على أوهامي وافيق=بجرح فرقا ًً همّها ما لوعك

كنـّك بهجرانك وصدّك شفيق=لجرح قلب ٍٍ بالغلا رهن أصبعك

قلب ٍٍ بحبك على عهدك غريق=كيف ربك في عذابه ولّـعك

يا محمّل خافقي ما لا يطيق=وين حبّـك عن عذابي يردعك ؟!

.

ضويحي العماني
04-11-2008, 01:04 AM
.
..

‘ لذّة الدنيا ‘




يا حبيبي جعل ما حالك بحالي=الوصل من بيننا فك ّ بيبانه


لا تحادى بي لهمـّي وغربالي=وأنت وصلك شفّ قلبي ورجعانه


لذة الدنيا بنين وسعـة مالي=وكلـّها في غيبتك مالها خانه


عقبكم يوسف لحالي ويرثالي=يا بعد عين ٍٍ لشوفتـْك ظميانه

ضويحي العماني
04-11-2008, 01:09 AM
.
..



‘ بآمووووت ‘




لا تحسب إنّي بعد فرقاااك بآموت=محد ٍٍ لك الله ميّت ٍٍ قبل يومــه

ضويحي العماني
04-11-2008, 01:25 AM
..
.

‘‘ عقب الهلا والتراحيب ‘‘





لاْ أرخصتني عقب الهلا والتراحيب=قلت السلام .. ومرخصي ويش أبيبه


للعزّ بين أهل المعزّه مواجيب=يا بنت وافيين الرجال العريبه


فلا ما حصل حب ٍ على عز ٍ و طيب=وألا ّ فكل منـّا يدوّر نصيبه

ضويحي العماني
05-11-2008, 11:38 PM
.

‘‘ حبيبي ‘‘




حبيبي .. دخيل اللي عطاك الحسن والزين=وتوجْك بْه عن قاصي الخلق والداني


ترفق على قلب ٍٍ صبر لين شاف الشين=على حمل هم ٍٍ لو شِِِكي للحجر لاني


غرامك قدر قلب ٍٍ ذبحْه الهجر والبين=ولو رمت نسيانه لك الله .. ما أمدني


تدفق غرامك في عروق الضماير . لين=تملّـك غرامك نبض قلبي وشرياني


لك اللـه .. لو إنْ لي بعمر الزمن عمرين=لأحبك بالأوّل وأفنِي لحبك الثاني

..

ضويحي العماني
06-11-2008, 01:25 AM
.
..



‘‘ يامل قلب ٍٍ‘‘





يامـل قلـب ٍ يلوعنّـه طـواريّـه=اللي توارد بلا طار ٍٍ طاريهـا


لا راح ثلثيـن ليلـه بـاح خافيّـه=من هاجس ٍ كم له و عيني مقزيّهـا


كن الحشا بيت شيخ ٍ من سنا ضيّـه=مايجذب أدنى خطاطيره و قاصيهـا


شرّّاع بابـه لضيفانـه و عانيّـه=طبيعـة ٍ لـه يمـوت و لا يخليهـا


سيرتـْه للجود بين الخلق ماريــّه=ونفسه على تمت الواجب مضريهـا


وإن مرته من هجوس الليل طرقيّـه=تثاقلـت عقـب ملفاهـا خطاويهـا


قلب ٍ ثرا طرقتـه حيـه و ماطيّـه=إيوادع إهجوس و إهجوس ٍٍٍٍ يحييهـا


ويرحب إليا لفتـْه طيـوف غاليّـه=اللي جروحي بطول الصد مدميهـا


له دلة ٍ في وجار الصـدر مركيّـه=تقلط طيوفه و أكرمهـا و أقهويهـا


وللشوق بين الحنايا جمـرة ٍ حيّـه=علّّ و عسى موقد الأضلاع يطفيهـا


ياباشة الغيـد يـا التلعـا النهاويّـه=عليك كبدي عـذاب البعـد كاويهـا


لا تلحقيـن الكوايـا الأولـه كـيّـه=ما صاب كبدي من الحرمان يكفيهـا


النفس لرضاك مامـوره و منهيـّه=مير أرفقي و أرحمي نفس ٍ ملكتيها


بعدك لقلبي هجير و وصلـك الفيّـه=وأنا من البعد روحـي زاد صاليهـا


جالي على درب بيتك روحه وجيّـه=عزي لرجل ٍ علـى دربـه معنيهـا


تسوقني له طـواري ٍ فيـه مكميّـه=آسـجّّ معهـا و تدعينـي و ألبيهـا


وآسج رجلي و تاخذنـي لحراويـّه=لو كان شوفته عقب آهلـْه مآبيهـا


إلين أوقف على بيـت ٍ خـلا حيـّه=وآخذ و أسنـّّد على رسومه و أحاكيها




..

ضويحي العماني
06-11-2008, 01:42 AM
.
..


‘‘ وين أنت ‘‘





وين أنت عن قلب ٍ برا حاله الشوق=لوإنْ خيالك عن مدى العين ما غاب



ماهي غريبه ؟! . كيف يشتاقك الموق=وأنتي مكانك بين شوفه والأهداب !!

..

ضويحي العماني
06-11-2008, 02:10 AM
..

.


‘‘ هـيه ‘‘



هيه .. يا جرح الخفوق المكتوي=ذبح قلب ٍٍ مات بك وش ينفعك


عوّّد لقلب ٍٍ بحبك مرتوي=كان عاد الصوت ياصل مسمعك ؟!


وكانه أصبح والعدم لك مستوي=علّ درب ٍٍ راح بك ما يرجعك

.

ضويحي العماني
06-11-2008, 12:01 PM
..

.


‘‘ ما بقى من حياتي ‘‘


مِِدِّي لقلب ٍٍ ضامه الشوق يمناك=وتداركي منـّي بقايا شتاتي


وأحيي رجاي ببسمة ٍٍ من شفاياك=وإخذي عوَضها ما بقى من حياتي

.

ضويحي العماني
06-11-2008, 12:21 PM
.

..


‘‘ علمني أنساك ‘‘




علمتني أهواك .. علمني أنساك=وإخذ بخفوق ٍٍ حبك أجر وجميله

.

ضويحي العماني
06-11-2008, 01:37 PM
.

..


‘‘ على زحام الأسئله ؟! ‘‘



الدرب ما أعتق خطوة الأقدام والمسرى عذاب=وما كل كسر ٍٍ لا أنكسر تقوى الليالي تجبرْه



ياليت قلبي من كثر ما شاف عن داعيك تاب=توبة من أنصح توبته لله و ربّّه طهّرْه



وياليت ما للحب في قلب ٍٍ تولـّع بك حساب=وألا ّ ياليت إن خطوتي بدرب الغرام إمخيرْه



ما كان قلبي يحتضر ما بين ناب وبين ناب=و لا ْ أستباحه مقـفي ٍٍ ولـّع ضلوعه وأسهرْه



يا صاحبي ما أثقل على مغليك من ذنب الغياب=ألا ّ مجاهـد عبرة ٍٍ طاول غثاها محجرْه



يا هيه قلب ٍٍ وافي ٍٍ من لاضي الحرمان ذاب=وش عذر غال ٍٍ ولـّّعه و أسرف به ولا عبّّره ؟!



على زحام الأسئله ما آريد منـْك ألا ّ جواب=وش عِِذرك بقلب ٍٍ ذبحت ولا ْ طرالك تقبرْه ؟!


.

ضويحي العماني
06-11-2008, 11:40 PM
.

..



‘‘ مشكلتي ‘‘





حاولت أسوّي بالتجافي سواتك=وأبدِِي بتمثيل الجفا عكس ما أخفيت

لكن عرفت إن ما لقلبي قساتك=يا كثر ما حاولت أجاريك و أزريت

مشكلتك .. إنـّك ما عشقت بحياتك=ومشكلتي إني يوم حبيت .. حبيت


.

ضويحي العماني
07-11-2008, 03:54 AM
.

..


‘‘ حياوي ‘‘






واللي رفع سبع وبسط تحتها سبْع=إني على قربك و وصلك شفاوي


ولا جيت أبوح بلهفتي ردني طبْع=قلب ٍٍ على همّه بطبعه حياوي


وسيف النوى اللي من حناياه ما شبْع=ماهوب لايرحم ولاهوب ياوي


كم له وهو والحزن في سكتك ربْع=أجحد عناه وهو من الهم ذاوي


حتى غدا حزني من مفارقك طبْع=والموت عندي والحياة إمتساوي

.

ضويحي العماني
08-11-2008, 03:44 AM
.

..


‘‘ برْي حالي ‘‘




هيه ياللي ما رحمت بصدتك نفس ٍ بريـّه=برْي حالي كل ما أبحر بك خيالي برْي حالي


وأنت حتى حـلـم ٍٍ يجـيبك تكـاثـرته عليـّه=كنـّك بمـدّت جفـاك تقول لي مالـك و مالي


دامك إتسوق الرجا للموت بإسم الواقعيـّه=مالي ألا ّّ.. أبحر مع الاحلام وأسرج لك خيالي


.

ضويحي العماني
08-11-2008, 04:43 AM
.

..


‘‘ مسألة وقت ‘‘





هذا أنت توّك مابعد غبت .. وإشتقت=يأول ويآخر من هويت وهواني


إتهون كان المسأله مسألة وقت=الموت .. كان المسأله شي ثاني



.

ضويحي العماني
10-11-2008, 01:28 AM
.

..


لا خير فالدنيا وأهلها كان ما فيها صديق=صدوق ود ٍ صادق ٍ ونّة ضميرك توجعه


.

ضويحي العماني
10-11-2008, 02:23 AM
.

..



‘‘ يا قلب ‘‘




م اللي يقول . البعد قصّاف الاعمار=الموت قرب ٍ . باللقـا ليله إزهيد !

البارحه .. يوم إن تصاريف الاقدار=جابنّه بقربك عقب نازح البيد

ماشفت بإن القرب يا قلب ما جار=صدرك من حروق الشقا والتناهيد

تدري وش اللي ولّعك وأوقدك نار=إنه قريب وعن مدى شوفك إبعيد

هاذي المسافه بينك وبينه أمتار=ونار المفارق في حشا جوفك إتزيد !

ما بينك وبينه سوى باب و جدار=وضلوعك بنار المفارق ملاهيد !

.

ضويحي العماني
10-11-2008, 03:59 AM
.

..


ياللي على فقدي طوتْك التحاسيف=ما يُرجِع اللي راح كثر الحسايف

.

ضويحي العماني
11-11-2008, 03:14 AM
.

..



‘‘ الـحــال ‘‘





لا غِـبت .. لا تنشد عن الحال كيفه=لو بأصْدِقـِك فالقول حبل الحكي طال


الـحـال .. بعد مـفارقـك بـان حيفه=لو شفت كيف الحال . ما سرّك الحـال

.

ضويحي العماني
11-11-2008, 07:41 AM
.


..



‘‘ تعــبت ‘‘




تعبت آزخرف أحلامي ظما وآقول باكر غير=وانا أدري إن ْ مقبل أيامي بهمّي مثل غابرها


وتعبت أرمي على متون الليالي حملة التقصير=وأغضّ الطرف عن كف البلا لو كنت خابرها


وتعبت آجامل الواقع وأدور للخطا تبرير=وأنا أدري إن ْ مالطعنات القـفــيّا ما يبررها


وتعبت أكذِب وأقول إبخير . لو مانيب ويّا الخير=وتعبت أخسر مكاسيبي لعينا ناس خاسرها


وتعبت أسفك دمْ إحروفي بلا حشمه ولا تقدير=لناس ٍ نزف عذبات المشاعر ما تقدرها


.

ضويحي العماني
13-11-2008, 12:49 AM
.

..




ما آحر من ثقل دمّ الوقت بغيابك=ألا ّ.. شعور ٍ بكبر الذنب يكويني


.

ضويحي العماني
13-11-2008, 12:55 AM
.

..




‘ وينك ؟!‘



وينك ترا الشوق في هجرانك أَسرَف بي=إلى متى وأنت ذا حالك وذا حالي

من نار فرقاك يا سيد المها رُف بي=من غبت والقلب يرثاله ويرثالي


.

ضويحي العماني
13-11-2008, 02:27 AM
يكفيني من دنيا الفنى ذكر ثنتين=إني ولد فراج واني ضويحي

ضويحي العماني
13-11-2008, 04:30 AM
.

..



‘‘ لا تعتذر ‘‘





لا تعتذر يا صاحبي كان به ذنب=فالذنب ما هو ذنبك الذنب ذنبي

من يوم حطيّت التجارب على جنب=وأمنّت لك من بدت الناس جنبي



.

ضويحي العماني
13-11-2008, 10:25 AM
.

..




تدرين ؟! إمسحي دمعك . ولا عاد أطري الفرقا=ترا والله ما يصبر على دمعة مَرَه .. رجّال


.

ضويحي العماني
14-11-2008, 12:01 AM
.


..


‘‘ غترة ٍ وعقال ‘‘




تخيّر لحملات اللياْل الثقال إجمال=تعينك ليا منّه حداك أشهب اللالي


حداهم ليا من بتّ فالقول قال وطال=حرار ٍ منازلها على المرقب العالي


ولا كل من رسّم له بغترة ٍ وعقال=يسمى مع زحول الرياجيل رجّالي


ترى للِرجَاْل اشباه ماتنتسمى رِجاْل=مدى قسمها من المرجله . شبه الازوالي !


تغرّ الغرير اللي عيونه على الاشكال=ومضمونها من سطرة المِرجله خالي


لك الله يافرز الوغى ياكريم الفال=لو ان المراجل سكبة شماغ وعقالي


إنْ اكرم لها من روس بعض العرب تنشّال=وتنحط على اخته وهْو يقنّع الشّالي


.

ضويحي العماني
14-11-2008, 01:52 AM
.


..





لا صدّت الدنيا بمثلك وشرواك=مالي على غيرك ليا أقفى حسوفه



.

ضويحي العماني
14-11-2008, 02:13 AM
.


..


‘‘ الاّ الزعل ‘‘



.

.



لبى عيونك ولبى شوف هالطلّه=اللي يغار الضيا من نور مشرقها

يا حسن ٍ اروى قصيدي دقـّه وجلـّه=بإسم الغلا ضيقتك نكّس بيارقها

ألا ّ الزعل . يا حبيبي ما خلقه الله=لعيونك اللي تبارك وجه خالقها

فلّ الحجاج وتبسم والزعل خلّه=لوجيه ناس ٍ خلقـْه الله مطابقها

أمّا أنت يا قايد التلعات لا بالله=سبحان خالق مخاليقه وفارقها

ولاّك ربك على عرش الحلا كلّه=من مغرب الأرض حتى أقصى مشارقها

وكمّل حلاك بحلا منطوقك ودلّه=وبضحكة ٍ يستفزّ الغيم بارقها

ترحيبة ٍ من لسانك تبري العلّه=ما آلوم من سمعها منْك وتشفـّقها







.

ضويحي العماني
14-11-2008, 08:55 AM
.

..


‘‘ بِلّي ورقها بدمعك وإشربي ماها ‘‘





هاك القصايد ومع دامي دفاترها=هاك الغلا على لساني لك أملاها

وإن هزّك الشوق في ليله لشـاعـرها=بِلّي ورقها بدمعك .. وإشربي ماها !!



.

ضويحي العماني
14-11-2008, 09:32 AM
.

..


‘‘ مع دمعة ٍ من محجر العين طاحت ‘‘





وينك ؟! مخليني لنـزّاع الارواح=لا من بروق الدمع للعين لاحت

أزريت أجاوب نايح الورق لا ناح=وأنعى ركاب ٍٍ عن طريقي تناحت

على كثر ما أهديتني صد وإجراح=ياليت روحي من هواك إستراحت

وياليت قدرك من سما ناظري طاح=مع دمعة ٍٍ من محجر العين طاحت



.

ضويحي العماني
14-11-2008, 11:14 PM
.

..


‘‘ صادق معاذيري ‘‘





ياللي ورى غايتك عنيّت تفكيري=من آخرتها .. كفاني من العنا مابي

إنْ كان قصدك تلهى ّ شوف لك غيري=وألا ّ آنا مانيب في حالك . تلهّابي

واللي يكفّيك من صادق معاذيري= ( ما الله خلقني لجل خلقه تسلابي ) !!

يكفيني اللي لقيته من مقاديري=ومن كف ّ الاصحاب قبل كفوف الاغرابي

ويكفيني الهم ّ من عتمة مشاويري=اللي من طعونها شِف ّ مفرقي شابي

بالله .. يا مشغل ٍ فأمرك تفاكيري=لا تبتليني .. وتفتح للعنا بابي

كانك تسلا ّ ف دوّر واحد ٍٍ غيري=وأعتق كسير ٍٍ من أوهام الهوى تابي



.

ضويحي العماني
15-11-2008, 06:21 AM
..


.




لا صرت رايح .. رايح بكل الأحوال=مافيه داعي تجرح القلب وتروح



.

ضويحي العماني
15-11-2008, 08:27 AM
.

..


‘‘ ليه ؟! ‘‘





أشوف الغلا يفضح عيونه ولا أدري ليه=يمـرّ العـروق الظاميـه ويتعـداهـا


وأنا غايتي لاماه . والصمت مآدانيه=يكفـّي عيوني من عنا الصمت ما جاها


.

ضويحي العماني
16-11-2008, 04:08 AM
.


..




‘‘ علِِم اللي راح ‘‘




الحقايق ما تغطّيها الدوادي=خابرين العِِلم يا مطوّع بريده

وآلأشده دونها سيوف الهنادي=ومن غواه الحق فالله لايعيده

علّم اللي راح وأغراه البعادي=لايضيّع يمّته والدرب سيده

وعلّمه بمناه لا يجحف عنادي=ولا يهقا أني لا رفعت الصوت ميده

إنْ حضر ما زاد وإليا غاب عادي=ما هو اللي بغيبته يحسب فقيده



.

ضويحي العماني
16-11-2008, 05:59 AM
.


..



‘‘ ما أنتْ والله بمكلوف ‘‘







ليتك تحس ّ بخافق ٍ فيـك مشغـوف=عقبـك بحـر حزنـه بليّـا موانـي
كلفتني لو مـا أنـتْ والله بمكلـوف=يومك على نـار الفـراق إتحدانـي
غيرك يجي ويروح ما ألحقته إحسوف=إنْ جاء هـلا وإنْ راح هـذا مكانـي
بس أنت غير وصدتك مالها وصوف=يا واحد ٍٍ مالـك مـع النـاس ثانـي
عيني بصرها عن خطايـاك مكفـوف=والقلب دونك لـو نهيتـه عصانـي
يأغلى من أوقد نار فرقاه بالجوف=ما صاب قلبي من لضاها كفاني
أمّا تجود بصوتك العذب وتروف=وألا ّ ترا بيذوب بين المحاني



.

ضويحي العماني
16-11-2008, 06:50 AM
.


..





ويل من مثلي تعلّـق في سراب=ما خذا من طردته غير الظما



.

ضويحي العماني
16-11-2008, 10:26 AM
.


..




ظلم الليالي والصروف المريره=ما ضيقت ياهيه صدر الشمالي

أضحك وأجامل والكبيره صغيره=وأشيل ما يعجز ظهور الجمالي



.

ضويحي العماني
16-11-2008, 03:01 PM
.



..





ليت الهوى أعـفا خافقي من عنا الشوق=وألا ّ قِسِمه بالنصّ بينك وبيني

كان اللي ساق القلب لمواصلك سوق=ساقـك بلهفة مغرم ٍ تحتويني




.

ضويحي العماني
17-11-2008, 05:38 AM
.



..





‘‘ حسبي على الحظ الردي ‘‘





طالت .. وأنا أعزّي خفوققي فيك بالصبر الجميل=وأعلّق خيوط الرجاوي في الليالْ المقبله

وأغرف من بحور الشعر وأنا على جمر المليل=وأجحد عنا ليل السكات اللي يثير الأسئله

لا الصبر بدد وحشتي . ولا القصيد أروى غليل=و عُمر نَفْي المشكله . ما حلّ وأنها مشكله .

حسبي على الحظ الرديّ .. الله . وهو نعم الوكيل=كانه بصلفات الحمول أشقا خفوقي وأثقله





.

ضويحي العماني
17-11-2008, 05:20 PM
.





‘‘ ما دِمت سجّاني ‘‘




الله يخليك لي يا سِِيْد خلاّني=والله يديم الرضى ما بينك وبيني

فرقاك غربه . وحضنك دافي أوطاني=يا علّ عينك على الدنيا بعد عيني

لو الوطن لي سِجن . مادمت سجاّني=قضابنك أرحم عليّ من غربة إسنيني

ياللي غرامك بصدري ما معه ثاني=وإيسير مع دمّ قلبي في شراييني

عهد ٍ عليّ يا بعد حيي وحيّاني=ل أحفظ غرامك إلين القبر يذريني

وأبي العهد مِنْك دام إنّ العمر فاني=مادام للعمر باقي .. ما تخليني


.

ضويحي العماني
18-11-2008, 03:43 AM
.



..



‘‘ بسم الله الرحمن ‘‘




ألا يا ملفـق ٍ زور الحكي بسم الله الرحمن=يا مقرود ٍ على ما قيل يبغيها ويخطيها

توقــَّـع لا توّهق في ملوك الإنس وألا ّ الجان=ترا ما كل طرقة ليل تسريها بتضويها

ابآذكرْك والذكرى تفيد المؤمن المنصان=لعل ّ إنّك بعدها تسمّي آلاسما باساميها

وبهدي يمّك علوم ٍ له شهود ولها برهان=حقايق ثابته ومثبته والصدق كاسيها

مهي نسج الخيَال ولا سوالف كان ياما كان=ولا هي من علوم ٍ لك بهرج الزور ترويها




.

ضويحي العماني
18-11-2008, 04:24 PM
.



..




‘‘ دمع المحاجر ‘‘




والله إنّك لا آطريت البعد ضِقت وبا ح سدّي=ووالله غيرك . يجي ويروح .ما أشحنّي مراحه


وألا ّ أنا مهما نزحت ورحت لعيونك مردّي=مثل . طير ٍ مرجِعْه عشـّه ولو غـرّه جناحه


ليت لك قلب ٍ مثل قلبي ليا من راح ردّي=وليت لي قلب ٍ مثل قلبك يشوف البعد راحه


وليت لك عين ٍ مثل عيني عناها مستبدِّي=كل ما طيفك شعاها فاض من ماها قراحه




.

ضويحي العماني
19-11-2008, 10:25 AM
..


.





رحتي .. ولا طال النوى جابك الليل=الله يكثـّر خير حلم ٍ لفابك !


.

ضويحي العماني
19-11-2008, 05:07 PM
.


..





’’ السلام ورحمة الله ‘‘




الزمان إيدور و الدنيا مديـّه=والتجارب مدرسه والعمر فاني


والمناوي دونها حيِاض المنيـّه=والمدايح قَسم خطلان اليماني


وأنت ياللي غرّتك نفس ٍ دنيـّه=وسقت راحلْتك ورى برق الآماني


عقب طرد الظين والحال الرديـّه=والشحايذ عند قاصي وعند داني


قِـدْك تدحم جنّب قادات السريّـه=عقب كَـبْر بطينك ب تال الزماني


العيَاد إثنين من رب البريـّه=وانت لا ضحيّه ولا أنته برمضاني !


خِبل قوم ٍ غادي ٍ فالمهمهيـّه=تحسب إنْ لك مع هل الطوله مكاني


وطولة العليا على مثلك عصيـّه=عن يديك أبعد من سهيل اليماني


والجمايل ما تجازى بالخطيـّه=كود في مبدا خسيسين المجاني


وأنت محسوب ٍ من حساب الرعيـّه=مير كفّ الهرج يا ولد الهداني


خابرينك يا بو عضود ٍ طريـّه=لا بدا وقت الملاقى ما تداني


صلّ فرضك . وإقضب أرضك . ياسفيِّه=وحج بيت الله وصِم شهر رمضاني


وزَّك للّي يجزي السيه بسيـّه=ويجزي الحسنه ضِعف عشر الحساني


قبل ناسم خدّك بوسم المطيـّه=كلمة ٍ تجلا صِقْه صمّ الأذاني


والسلام ورحمة الله والتحيـّه=جاك ما عندي .. وصح الله لساني




.

ضويحي العماني
21-11-2008, 07:47 AM
:)


يسعد لي صباح/ومساء


كل من مر هنا ..


والي بيمر .

ضويحي العماني
22-11-2008, 12:40 AM
.



..





خِذ راحتك في خافق ٍ ماهوى ألا ّ أنت=لاْيردك من آهاته ألا ّ عذابك !!





.

ضويحي العماني
22-11-2008, 03:42 PM
.



..



’’ الطواري ‘‘






ما كل طاري يمرّ العين يسهرها=ولا كل ذكرى يعِنّ القلب طرياها

كم ذكرى ًً إتمرّ قلبي ولا يعبّرها=لا الجوف يَندَا لها ولا العين تضماها

ويا كم طوار ٍ مع الوقت إنمحى آثرْها=آمرّها لا بِدَت لي وآتعدّاها

ألاّ طوار ٍ هوى عطرك يعطّرها=لا ذعذعت روّحت بالقلب ويّاها






.

ضويحي العماني
22-11-2008, 11:25 PM
.



..



’’ لا عادني مِرسِل ولا عادني داق ‘‘





لوّ أدري إنْ خاتمتي آموت مشتاق=أهوَن عليّ من تبعت المقفييني

وأنا على المقفِين مانيب شفّاق=وعن تبعت أدنى الناس والقاصييني ..

قلبي وهو قلبي ورى مْناه ما أنساق=لا شفته لبعض الأمور إيحديني

جاتك وفسرها على كيف ما لاق=لك يا عنا قلب ٍ لجرحك رهيني

إنْ جيت .. فأنت أغلا من ألفى ومن تاق=له ناظري و أوقد بحبّه كنيني

تِبري خفوق ٍ ذاب من كثر ما أشتاق=وإتزيل هم ٍ من زمن يعتريني

وعنْك العتاب يذوب في لحظة إعناق=تروي بها قلب ٍ طواه الحنيني

وآتمّ لك ماضي عهودي بميثاق=وأفني لحبك ما بقى من سنيني

وإن رحت .. فرقا ً ما ورى شتاتها وفاق=وجرح ٍ كم سواته بصدري مكيني

فإن كانها ( فرقا ) .. ف ياما بالاعماق=وإنْ مات حب .. ف ماتوا الطيبيني !

ما به ( لقـا ) ألا ّ آخره بعد وفراق=ذي عادت الدنيا وطبع السنيني

ومانيب أنا أول عاشق حب وأنعاق=ولاني آخر من فقد له ظنيني

نزف المحاجر . حدّه . صدور الاوراق=والهم ّ كم له بين صدري وبيني

لا ونة ٍ باحت .. ولا مدمع ٍ راق = على كثر ما في ضلوعي دفيني

حتى أنت يأغلى من سكن وسط الاعماق=يا واحد ٍ مالك بقلبي وزيني

مهما بلغ قدر الغلا لك والاشواق=لا تِحسِب إنّك من حدْا والديني

لا عادني مِرسل .. ولا عادني داق=يكفي عنا .. واللي يبيني يجيني !!






.

ضويحي العماني
23-11-2008, 03:42 PM
.





ياليت لو كل زلّه مثل ذا الزلّه=في ذمتي إنْها أطيب الزلاّت وأبركها



.

ضويحي العماني
24-11-2008, 03:04 AM
.



..





’’ ذكرى الموادَع ‘‘






لو إنّ قلبي يسمع الشور و إيطيع=ما شفت ذا حاله .. ولا َ ذا بحالي

وماشفت موقي في بحر دمعِه إيضيع=كلْ ما ضوتني صورة ٍ في خيالي

وما ضيّّقت ’ ذكرى الموادَع ‘ بي الريع=لين إتِحدا رِجِلي لروس الطوالي

وأصفِِق على ما راح روس الأصابيع=لا من طرى في مرقبي ما طرالي





.

ضويحي العماني
24-11-2008, 04:28 AM
يالله إنّي دخيلك من ردَات النصيب=ومن علوم ٍ تسوّد وجه نقّالها

الكبود الخبيثه سقمها ما يطيب=علّ ما حال الاجواد إبمثل حالها

وانت ياللي تودّي فالعلوم وتجيب=خلّ الاجواد جعلك والله إفدالها

ظلم الاجواد جُرم . وشذبة الخلْق عيب=وأنت هاذي وذي في رقبتك حبالها

مأنت لله على خلقه وكيل ٍ رقيب=خلّ عنْك الآودم مالك ومالها

ضويحي العماني
25-11-2008, 12:38 PM
.



..





وفِّـر على نفسك حمول المعاذير=ما عاد لي في زيف الاعذار حاجه




.

ضويحي العماني
26-11-2008, 01:27 AM
.



..






يا ضيق صدر الكون فيني بليّاك=وياثقل دم الليل ياهيه دونك



.

ضويحي العماني
26-11-2008, 02:03 PM
.



..







والله لو إن قلبك عرف حرقة الشوق=ما تهت مابين الوهم والحقيقه


والشوق .. نار ٍ توقد القلب ويذوق=الموت .. بين الثانيه والدقيقه






.

ضويحي العماني
26-11-2008, 02:54 PM
http://www9.0zz0.com/2008/11/24/23/123573880.jpg


الاخ القدير / سلطان السبيعي

سلمت يديك ولاهنت عسى عمرك طويل

تحياتي وتقديري لك

اخوك .

ضويحي العماني
28-11-2008, 04:44 AM
.









قد قيل راع العقل عقله خصيمه=والصمت في بعض المواقف ملامي


و لا لشذّاب القفيّا .. حشيمه=لأن الحشيمه من حقوق الحشامي


والصمت عن ظلم النشامى ظليمه=وحفظ الكرامه من حقوق الكرامي


لا تستمع لأهل العقول السقيمه=ومجامل الهابين عيب وحرامي


وإنْ ما بقى لوجيه الأكرام قيمه=فقولوا على الدنيا واهلها السلامي







.

ضويحي العماني
28-11-2008, 05:10 AM
.





تعديل لمشاركه سابقه


.



..







والله لو إن قلبك عرف حرقة الشوق=ما ضيّعك مابين الوهم والحقيقه


والشوق .. نار ٍ توقد القلب ويذوق=الموت .. بين الثانيه والدقيقه






.

ضويحي العماني
29-11-2008, 01:20 PM
.



..






هاك القصايد ومع دامي دفاترها=هاك الغلا اللي من ضلوعي لك أملاها


وإن هزّك الشوق في ليله لشاعرها=بلّي ورقها بدمعك .. وإشربي ماها



.

ضويحي العماني
30-11-2008, 01:50 AM
.






وإنّا على طيب المبادي مجابيل=لو جارت صدوف الليالْ المريرات

نحفظ مقادير الرِجِال الحلاحيل=حفظ العرايض في صدور السجلاّت

ونضرم على كسب العلوم المنافيل=إليا أضرم الزيدي على عشبة القات




.

ضويحي العماني
01-12-2008, 03:44 AM
.





..



’’ نمتي !! ‘‘





نمتي .. وأنا من لذّة النوم محروم=ومحجر نظيري من جفا النوم ذابي

عزّي لمن مثلي نسى حالي النوم=على من أشقاني وهو ما درابي

لو الشقا ما بين الاحباب مقسوم=سطا بقلبك وأسهرك ما سطابي

لكن يكفّي خاطر ٍ منك مزحوم=لو ضاقت بعينه وساع الرحابي

إنْ ما سطابه من تناهيد وهموم=ما طق لك يا غضّ الانهاد بابي

لأنّك بكوم وكل ما صابني كوم=ودامك بخير .. إفداك دنيا عذابي

وتبقى لجرح معذّب القلب واتدوم=يأغلى من أدماني .. وهو مادرابي






.

ضويحي العماني
02-12-2008, 04:39 AM
.









اللي عطا يا معذبي ماهو بمثل اللي خذا=يا من خذا كلّي وانا باقي على رجوى وصال


رد الخبر يا صاحبي أمّا كذا . والا ّ كذا=ولا تعلـّق خافـقي ما بين .. جايز .. وإحتمال






.

ضويحي العماني
03-12-2008, 05:08 AM
.









واللــــه . لوّ ’’ اللي بعيد ٍ عن العين=عن كل قلب ٍ ياحبيبي بعيدي‘‘


ما كنت رغم البعد يا قايد الزين=تمسي هنا .. بين الوريد و وريدي !!






.

ضويحي العماني
03-12-2008, 07:08 AM
.





..





’’ سود الليال ‘‘





ما نوّخت سود الليال عزوم صلفين القلوب=وكبار الأنفس ماهو بأدنى مايبيّح سدّها


نثني لميلات الزمان . بعون علاّم الغيوب=وإن ثقلت حمول الليالي السود . فإنّا قدّها


ونبقا على وضح النقا لو شانت وجيه الدروب=واللـــــــــه له علم النوايا بيضها ومسودّها


والا ّ انت ياللي كل يوم ٍ وانت لك وجه ٍ وثوب=عن البشر وعيوبها . عينك بحالك لدّها


وتلقى بنفسك من نقايصها ومن كثر العيوب=ما لا يجي لك حصرها . ولا يجي لي عدّها


لكن قبل تغريك هقواتك . ونسناس الهبوب=إحرص من سيوف الهنادي لا ينوشك حدّها


ولاصار بيتك من قزاز إفلا تحذف الناس طوب= والا ّ البحور الطاميه لاعاد تآمن مدّها





.

ضويحي العماني
03-12-2008, 08:06 AM
.



..




ما جيتك ابدي ملام القلب وعتابه=لإرخاص قدر الغلا اللي بالحشا شابي

وماجيتك أطلب دوى قلبي وما صابه=وأشكي عذاب ٍ من إجحافك تلوّابي

وألا ّ أرجي إنّك تعيد الوصل واهنابه=لا والله الا ّ سمحت وخاطري طابي

ومن صد عنّي لو ألقى الموت بغيابه=من لا حسب لي فلا له عندي حسابي

وماني بنادم على حالي وما نابه=امر ٍ مقدّر ولا لي عنْه .. مجنابي

جيت أسألك عن خفوق ٍ هج ّ لك بابه=وأودعتك إياه يوم إنّه لك أنحابي

قلب ٍ حداه القدر لإيديك و أومابه=وانت اول احباب عمره وآخر احبابي

وصيت به قلبك .. وليته توصّى به=ولا أودعه نار هم ٍ فوقها ذابي

ردّه عليّ دام مقصودك تسلاّبه=مالله خلقني لجل خلقه تسلاّبي





.

ضويحي العماني
03-12-2008, 03:43 PM
.






دخيلك ياللي بنظره ملكتيني غلا وإعجاب=بعد ما فاقت أحلامي بشوفك لا تصحيني


.

ضويحي العماني
05-12-2008, 06:26 AM
.







الله . لا يهفي للأجواد مقدار=والله . لا يرفع للأنذال شاني





.

ضويحي العماني
06-12-2008, 07:19 AM
.








ياملّ قلب ٍ هوى الغربي ليا هبّه=قامت طواريه تقبل به وتقفي به
طار ٍ يشرِّق به وطار ٍ يغربّـه=إلين ليل الدجى ينزع جلابيبـه







.

ضويحي العماني
06-12-2008, 07:34 AM
.







يقولون الرِجال الجود يا لافي من الموجود=وأنا آقول الله أعلم بالخوافي وبمداخرها


يعذّرني من كبار الهقاوي بذلت المجهود=ولو حاجة حداهم في يدي يفداه ذاخرها






.

ضويحي العماني
06-12-2008, 07:50 AM
.





’’ أحبك ‘‘






لو كل ما يطري لبالي بأقوله=قلت اللي بصدري من سنين وإرتحت


يا كلمة ٍ في جوفي صدري إمغلوله=كم لي بأبوح بها وإلى اليوم مابحت






.

ضويحي العماني
06-12-2008, 07:58 AM
.



الاخ العزيز / سلطان السبيعي .


ارحب ارحب


لا عدمت والله هالتواجد ولا راعيه .





يا هلا وأرحب على قلّ الكلافه=الكرامه شرّدي والبيت بيتك





.

ضويحي العماني
06-12-2008, 08:05 AM
.




ارحب يا شوق الفدعا


حي هالشوف .. والساعه المباركه


اللي ساقتكم جميع ..



هههههههههههههههههه






حييت يا شوق الهنوف الطرقا=اللي تشوم لمثلك وتزهابه




.

ضويحي العماني
07-12-2008, 02:11 AM
.





’’ وين مِنْك آروح ‘‘






أنا لو قلت بآروح .. قلّي . وين مِنْك آروح؟!=وانا من وين ما لديت عيني شفتك إقبالي

إذا تقوى تروح وتبتعد .. رِح وإبتعد مسموح=انا مليت من طرد السراب وزيف الآمالي

ولكن قبل لا تِقفِي وتِلحِق بالجروح جروح=ترحّم وأذرني قبري عسى منزاله أشوالي

لك الله . ويش يرجى من جسد شخص ٍ بليّا روح=ليا فارقتني يا روح روحي ويش يبقالي !




.

ضويحي العماني
07-12-2008, 04:02 AM
.


تعديل للمشاركه السابقه .



’’ وين مِنْك آروح ‘‘






أنا لو قلت لك بآروح .. قلّي . وين مِنْك آروح؟!=وانا من وين ما لديت عيني شفتك إقبالي

إذا تقوى تروح وتبتعد .. رِح وإبتعد مسموح=انا مليت من طرد السراب وزيف الآمالي

ولكن قبل لا تِقفِي وتِلحِق بالجروح جروح=ترحّم وأذرني قبري عسى منزاله أشوالي

لك الله . ويش يرجى من جسد شخص ٍ بليّا روح=ليا فارقتني يا روح روحي ويش يبقالي !




.

ضويحي العماني
09-12-2008, 08:35 AM
لاعادني مرسل ولاعادني داق


.

.

لتحميل الملف الصوتي


.



اضغط هنا (http://www.tntup.com/audio/view.php?play=80f5829a cedfa6d2adcce6ad6550542a)

ضويحي العماني
09-12-2008, 09:18 PM
http://www.tntup.com/audio/audio/723c48ee33328ba0c d16bceb10bb7335/ضويحي2.mp3

رابط التحميل (http://www.tntup.com/audio/audio/723c48ee33328ba0 cd16bceb10bb7335/ضويحي2.mp3)


شكراً على مجهود هندسة الصوت .

ضويحي العماني
12-12-2008, 06:10 AM
.









ياللــــه . ياللي ما على يدينك إيدين=إتعـزّ أبو متعب .. وتشفي عضيده

وإترد غيّاب الجزيره معافين=حتى الوطن بأنواره يزود عيده

برجوع ابو خالد طليق الحجاجين=يا واحد ٍ .. مافيه شي ٍ يكيده






.

ضويحي العماني
12-12-2008, 08:46 AM
.







لا صار بيني .. وبينك الحظ لكّـي=فشكـواي لله مـا لخلقـه مشاكـي
مافيـه داعـي للعنـا والتشـكّـي=لا صرت لا حاكي .. ولا انته بحاكي






.

ضويحي العماني
13-12-2008, 06:35 AM
.






يا نسل من يثنـي نهـار الملمّـه=بعض المواقف ما يبي له وصايـا
جيتك وانا اخطي العقل دونك وأخمّه=ما جيتـك آدوّر مديـح و دعايـا
( والله يخلّي من يخلي ابن عمّه )=لاعـوّدت هدّات عزّ وحمايـا





.

ضويحي العماني
14-12-2008, 01:39 PM
.








يالله إني من عنا الوقت في وجهك دخيل=ياعظيم ٍ مارجينا ولاندعي سواه


يالله إنّك لا تفرّق خليل ٍ من خليل=يا كريم ٍ مايخيّب رجاوي من رجاه






.

ضويحي العماني
15-12-2008, 05:44 AM
.




هذه القصيده موجهه لمقام صاحب السمو الملكي أمير منطقة الرياض/ سلمان بن عبدالعزيز ....... حفظه الله ‘‘

وهي قرابة الـ 170 بيت .. تنقص او تزيد ..

ولكثرة تردد الطلب عليها فضلت نشرها هنا .



أبــدا بــذكــر اللـي عــليه التساهيل = ربٍ جــزيــل الــحـمد له و الثنا له
مــهـلك جـنـود بـريـه بطيور أبابيل = حــامي حمى بيته من أهل الجهاله
مُـنـْزِل هــدى وحـيـه بقدرتْه تنزيل = عـلـى الـشـفـيـع المـصـطـفى للرساله
مُـقّـدّر الأقــدار مــتـبـع دجــا اللـيل = نـورٍ عــن الآفــاق يـشـعـب رحـاله
بـعِــزِتِه مــن عـزّ بــالـذلّ مــا نِيل = وبـأمــره عسـير الأمر تسمح عضَّاله
يـــا اللّـه بك تـفـتـحّ صـدورٍ مـقـافيل = وعـلـيـك رجــوى طــالبك و إتكـاله
وإبْـك آتـعـوّذ مـن خـنـا الـزل و المـيل = وبـإسـمــك أسمّـي يا عظيم الجلاله
وبــذكـرك أبدا بــدعْ جـزلْ التماثيل = اللـي تـلـبّـي خــاطــري و تـعّـناله
الــشــارداتَ الـنــادراتَ الـمـذايّــيل = لإســـمٍ عـلـيـهـا مـثـل ختم الوكاله
حــقــي عــلـيـها سـبـي لبّ المذاهيل = بـحـبـكٍ وسـبْـك وغزر جمّ وجزاله
واللـي لـهـا إنـّي مـا آتـعـدّا ولا أمـيل = ولاْ أرخـص ثمـنها في دروب الرزاله
ولاْ أبــْدِي سنـاهــا للوجيه المهاشيل = ألاّ عـلـى وجـيـه النـقـا و الشــكاله
مــا هـو كـلام مـبهـرجـين الهزازيل = اللــي نـبـاهـا يـنقــص اللــي دناله
ســـلام يــا شــيـخ الــوفـا وافي الكيل = ســلام ٍ إلـــذكـــرك تــرزم خِــيـاله
ســـلامٍ أحـلـى مــن قـراح الـهـماليل = وآلـــذ و أنــقــى مــن منـــزَّل زلاله
يـنســاق لك مـع ريحة المسك و الهيل = ومـن غــالــي الكــمّــبود يندا مقاله
يــا مــن كتـب بأسمه وطيب الأفاعيل = خـمـســين عـامٍ من سعد نجـد و آلـه
يــا شـيـخ نـجـد مـعقِّـل الرأي تعقيل = يـا مـحَـلـحِل اللي ما يحَلحَل عقـاله
يــا نـسـل من تَبــرِك جزال التماثيل = مــن دون حــقّـه كـل ما جاء مجاله
عـبد العــزيز اللـي سنا أمجاده إتهيل = اللــي عـــشـق لــه مَـنزِلٍ و إرتقاله
ذيـب السرايا متعب الجيش و الخيل = اللــي عــسف راس المــحال وسماله
حــتــى تـعـدّا هامة الجدي و سهيل = و أصــبح على الطولات يضرب مثاله
بـالله ثــم بـعــزمٍ يــهــدّ الـمـعـازيل = وبــصـلـب باس وطيب راس وبساله
وحــدّ أبـلجٍ عند اللــقاء يرعب العـيل = ويــأمــن بحـــدَ مــهـنده من صفاله
وصــفــوة زحــولٍ تــعدل الميل تعديل = أهــل الــوفـا و أهل الظفر و الأصاله
حــتـى أذعنت عقب الشقا و التهاويل = وركّــز عــمــود الـدين و الظلم زاله
وبـان العـدل وأطـفى صـلا حامي الويل = مــن حــدّ جــال الـدار لا حدّ جاله
وإنــاّ سـيـوفٍ لــه تــجــزّ الـعـيـايّل = وإنـاّ عـصـا مـعـزّي على من عـصاله
وهــاذي عــوايــدنــــا وللوقت تدليل = مــن عــهــد جــدانه ملوك الجزاله
مـن عــهـد أبو فيصـل سـعـوط المهابيل = اللــي بــالأجــرب زال ليـل الظلاله
وإنــاّ عــلــى عــهــد المــعزّه معـاديل = والـحِــمــل مــا تثـني له إلاّ جمـاله
عهــدٍ توارثــنـاه جـيــلٍ بعــد جــيل = الـعــود مـنـّا يـورثـــه فـي عـيــاله
ويــوم إبــتدأ معزّي صعيب الأسـابيل = وإنــاّ عــلــى يــمــنــاه ولاّ شــماله
وإنــاّ ســنــاده والــمــواقـف مداليل = وإنــاّ رِمــاح الــشـيـخ في كـــل قـاله
كــم واحــدٍ مــنــاّ مــعه بأول الخيل = أقـــدم وجـــزّن الــمـنـايــا حـبـاله
وكــم مــرةٍ شــانــت وجيــه المخالـيل = في مـوقــفٍ مــن طــاح مـحـدٍ عـباله
في مــوقــفٍ يـخلف زحول الرياجـيل = يـفــرق بــه الـقـائـد معـادن رجـاله
فــرّت بــه إمــهــار النشاما مجافـيل = مـن حــرّ ضــربٍ مـا يوصـف نكـاله
وثنـى صلــيب الراس مــروي المساليل = فـراج .. زيــزوم الظــفـر و الشكــاله
مـن دون أبو تركي عــدل كفّــة المـيـل = وصــلّ ( العبيّه ) مِهدي المـوت حاله
عادات (أخو موضـي) عــذاب العيايـل = اللـي تعـجّــز في الشـــدايـد فـعــاله
يقــدم ليـا هـابـت وجـيه الـمـشاكيـل = وإلـيا إحتمى الميـقـاف يذري ظـلاله
شـيـخٍ شهــر بمعـجّـزات الأفــاعيــل = ليــن إقـتـرن بإســمٍ عـسـيرٍ مـطـاله
(بعـيد الـمـغازي) والفـعــايل مـداليل = إســمٍ حضــابه محـدٍ إســـواه نـالــه
زيــزوم غـلــبـا وافـي المـــدّ و الكــيل = اللـّي مـن الامـــداح حـقّــه لـحــاله
ولــمـثـل أبــو تـركي تــداس المناكــيل = ويسـخـي عـريب الجـدّ حاله و ماله
عــزّ الــرفــيـق و مـسـنده فالغـرابيـل = لامـن لـقـا فالــوقــت ما حـسّ باله
لــه فـزعــةٍ تـشـفـي كـبـودٍ مــغــاليل = مـن طــولـهــا تـسمى على كل طاله
لــعــل جــنـّـات الــنــعـيـم المـظـّاليل = دارٍ لــه وللّــي بــدربــه وفـــــاله
يـا بــو فـهـد هــذاك جـيلٍ وذا جـيل = يــطــرب لــه اللي حاضره سمّ حاله
يا صـــدق مـن قــال الليالــي مـداويل = وإن الــمـعـالــي في اللــيـالـي دواله
واليوم أمــان وزود خــيرٍ وتسهـــيل = مــن نـعـمـة اللــي مــا تعدد فضاله
لــكـن عــســى قافٍ حـروفه شهـاليل = يــبــرد لـضــى قـلبٍ يزيد إشتعاله
وش حــيـلة اللي له بالأطلال تعـليل = ألاّ أنْ يــنـعــى بــالقــلـم مـا مضاله
مــا دام مـــا في الواقـــع المـــرّ تعـويل = عــلّ الــحــشــا يـسـلا بـشيٍ قضاله
يـــا كـم رجينـا إنصافنا من المـقـابيـل = وعــيــاّ علينــا مــيلهـــا بإعـتـداله
الـلَّــه يا وقــتٍ هـمــومــه مجــاديـل = جـلاّ بمـيـلـه ما أنكــتب في قـبـالــه
وقـــتٍ حـــرم سرحان روس المـقـاذيل = وعـــدّاه عـــن مــبـــداه وأبدا بداله
مـــن عــقــب مـاله فالـطويله مداهـيل = قـامــت تــصــاوى في نبـاها الثعاله
وقـــتٍ يــدنـّي الـراس ويعـلّي الذيـل = حتى أستـوت روس العرب والحثاله
وقـتٍ عـجـايب سرف ظلـمـه مسـابيل = شـاخـت هــلابيـجـه وهـانت رجـاله
ولا شـــحــنــّا مــنـْـه ثقل المحامـيل = أو ضـعــف ولاّ قــلّ حــيـل وعطـاله
الــحــمــد لله مــا يــدّيــنــا بمشاليل = مــن فــضــل ربٍ يـمِّـن اللي لـجـاله
الـدَّيـن نـشـتاله على الـدَّيـن و نشـيل = حـمــلٍ عــلى الخايب دروبه محاله
مــنــاّ الــولــد لـو هو مورًّا من الويل = يـســتر مواجـيب العرب من حلاله
و مــشــرّعٍ بـابـه و صـفــر المعـامـيل = عـلى طــرف ســمرٍ تواقـــد شِعــاله
في مجلــسٍ لِكـرام الأنفــس مداهــيل = والــطــيــب له بأقصى ركونه نزاله
عـقـب كــرامة داهـله بأجـزل الحِـيل = للـعـــود الأزرق فيه صـاله و جـاله
مـدهَــل نـقـا يكرم عن القـال و القـيل = راعــي الــنـمـايــم مقـعـده ما هناله
ويــجــوُد لا شــحــت يــدينٍ مغاليل = إليــا ألــتــوى ولــد الردي في رياله
ويـبـذل لــو إنـّه مــن زحام الغـرابيل = مـاهـوب يلـقـى ما يعـشّـي عـيـالـه
وبخــيــر حــالٍ و الضـماير مســاديل = أقــرب ربــوعــه لـو نشد ما شكاله
عـلــى ثـقــل حـمـله يراها تســاهـيل = وبـكـسـبــة الــنـاموس طـيّب وداله
يـا بــو فـهد ما في عنا الوقت تمهــيل = ومــا قــدّر الــوالـي على العبد طاله
وقـــتٍ غــدالــه فالعرب حـطٍ و شــيل = وراع الصحيح أصبح على الناس عاله
الـحــق فيـه أصبـح مثل كـذبة أبــريل = وفوقه سـتـار الـزيف راكــى ظـلالـه
وقـــتٍ قــلــب حكمه بكيل المكاييل = ولاحـت تــعــاجـيبه وبان إختلاله
مـن يـوم قِـصــرنّ اليـديـن المخـاطــيل = وكـلٍ عـلى يـمـنــاه عِـقـلَت شـمـاله
مــن عــقـب هيبتنا تهــزّ الرياجـيل = عِـدِّي على المـرقــاب من لا أسـتواله
ومــن عـقـب مَـنـاَّ للـمعــزّه مناهــيل = ويــذري ذرانــا بــالــوفا من لجاله
وتـأمَـن بــنــا الأقـصـين قبل المقـابيل = جــاء طــقّ واحــدنا على راس ماله
لا نِـمِّـن الـخايـف ولا نزبّـن إدخــيل = و قـيـد الـمـجـنــّى ما نحلحل حباله
يـدوم فـضـل أهــل الـيـدين المـفاضـيل = يـا وقـتـنــا اللـي ما عرفنا إعتـداله
والحــمـــد لله ما خـفــنّ التــعــالــيل = وكــلٍ على علــياه تشـــهد فعــــاله
ومـا هـيـب تـنـقـصنا بعـين الرياجيل = الـعِـلْـم بَـيَّــن وقـتـنـا مــا خـفــاله
إنــّا هــل الـطـــوله زبـون الأجـازيل = والـنـفـس مانرضـــى لها بالــرذاله
و إن زادنا العــز بمـعــزه وتبـجـيل = ولاّ فلا أنقـصــنا مـقــام وشـكــالـه
وزُومَــان أبـوعـضـودٍ من أول مفـاتـيل = وإلـيـا أرتـكـى لمعـجِّـز الحـمل شاله
الــعـام يـبرك لا أثقل الحمل و يشـيل = حــمــلٍ عـلـى غـيـره يفـوق إحتماله
والــيــوم لـعـل و عـسى كان به حـيل = عــلّــه يـقــوم بـحـمـل عـمره لحاله
يــا شـيـخ يــوم إنـْهـا بحـدّ المصـاقيل = وكــلٍ وحــقّــه مــا بــيـمـنـاه نـاله
وإنـّا هــل الــعـلـيـا الـكرام المباجـيل = وأهـل الـظـفر و أهل الفعول الجلاله
لــنـا الــسنــام اللــي عـلـيه الأداليل = في كـل " غـلــبا " محـتميـنٍ سبــاله
حـــقٍ لنا وأكــبر وأجــــلّ المحاصيل = (حـدر وعـلا) والصـدق ينـجي مقـاله
ولـنا الــثـلاث البيـض حـقٍّ و تأصـيل = عـلــمٍ عــلــيـه شـهـود فعـل ودلاَله
حــقٍ على الـغــلبا نــوفـّي له الكـيل = مـن تَــبِــع وجـنـانا لنا أدّى كِـياله
قســمٍ لــنـا يا مــدوريـــن التــــآويل = يمـشـي على الراضـي ومن لا رضـاله
قــســمٍ لــنـا يـِعجِز زحول الحلاحيل = ما غـيـرنا شـــدادٍ على نجـــد طـاله
مــجــدٍ تــوارثـنـاه جــيـلٍ ورا جـيل = وســلالــةٍ تــوارثــه مــن ســلالــه
من قبل عـصـر (مـفـرّج) موفـّي الكيـل = اللي حفـظ عهـد(المهـادي) ووفـالـه
وإنـّا بحــدّ مخـضـبات الـمـصــاقــيل = جيلٍ بعـد سابقــْـه حاميـن جــالـه
دونــه نـبـيـع أعـمـارنــا له مشـاهـيل = ونمــوت دونه والـعـزى في البقـى له
مـا هـيـب شـيـخـة مــال ولا دهـاويل = ولاّ نســب ولا ّ عـطــيـّـة جــمالـه
أقــصــى شـواهـدها لـفــايق وتضــليل = الهـرج واجـد والــقــوايـم هــزالـه
غصـن ٍ رقيق ٍ مع نسيـم الهـوا إيمـيـل = ومنيـن ماهـبّ الـهـبوب إستـمـالــه
ويـوم الردي عند اللـقـاء عـزمه إخبـيل = وعـنــد الـسـعه هرجه يكسـِّر جباله
فإنــّا بـنــا تــرجــح ثـقـال المـكـاييـل = ومِـنـاّ حـزامــه فـاللــقاء طـاب فـاله
ومنـّب عـلى جــرح الــرفاقـه معـاجيل = كـم صــاحبٍ لا أخـطا رفـينا خـماله
ألاّ خـطــاً مــن زود مــابــه تمـاهــيل = عـقـّـب يـد اللي ماكـره مـا أحـتماله
للــعــدل روس وللــعــدالــه مـكـاييـل = وإلـيــا بــلــيـنـا مــا نعرف العداله
نَـجـهـل بجـهـلٍ فوق جهـل الجـواهـيل = ونـورِّد الــجـهَّــال نــار الـــجـهاله
وإنــّا كـعـام الـضــدّ لـطـــّامة العــيل = سـقـم الـحريب وســمّ حـاله و فـاله
ولـولا كــوي ســود الكــبود الـمـغـاليل = مـرفـاعـنا كـل ٍ تـهـقــوى مـطـــاله
ولـولا يديــنا في المـلاقــى مخـاطــيل = عــدٍ رويـنـا .. مـا وردنـا زلالــــه
والــدار ماجـينا حمـاهـا عـمـامـيــل = ولا نـزلــنــا حــدّهــا بــالـكـفــاله
حـنـّا هــل الــدار وذراهـــا مـن المـيـل = يــومٍّ كــلٍ يـــمــتـلك مـــا حـمــاله
كــم حــاكـمٍ مــن دونها فاللـــقاء زِيـل = بـأَيـمــانــّا يـومـه قــضـى الله زواله
ويـوم السـبـيـّه للـحـقـايــق تـدالــيـل = مــا هــي لــفــايــق ربـع لاله يا لاله
يــوم الإمــام أرســـل وفــود المراســيل = ولـبّى (ضــويـحي) والسعد في رحاله
ونـــوّه عــلى الِمحدار من غـير تأجيـل = وأهـتـزّ عِـــرق سـبـيـع مــمّـا نــواله
عــرقٍ لـنـا مِــلكٍ ركــونـــه معـاقــيل = ما بــاجــه ألاّ مِــن وِسـمنا العصـىله
حـــوَّل بربــعـه لآد عـامــر محـاويــل = لو عــاد حــربــه مــا تـطـفّـت شعاله
ســبـعـة عــشـر عاماً سَنا نارها يهـيل = شـريـف مــكّــه مـرقـده مـــا هــناله
وجينا على الـعـجلات ركـض وزرافـيل = وقـبـل الــمـجـي والــعِلم ما به نفـاله
أربــع شــهــورٍ والــرفــاقـه ذواهــيل = و(حامي النعام ) مطـاولٍ في مــطــاله
وبـأتــلا نـهــارٍ بــه وصـلنا له ولـيـل = عِــضــنـاه في قـبـرٍ تــهــايــل هــياله
ومن قبلها في (البـِـدِع) تـلـقى الأدالـيل = عـلــى كـبــر مـجــد ٍ عـســير ٍ مـناله
يـوم الـنـذير ألفـى لـه بعـلـمٍ إيهــيل = من قـيل لـه شـــدّ وتـكــافى قـبـالـه
الترك جـتنـا جمـوعهـم كنـّها السـيل = سـيـلٍ على الــعـارض تحــدّر وبـاله
مير إرتـكـــا للـكـايـده عـــادل المــيل = (محـمـّـد) اللـي كــايـدات ٍ فـعـاله
مـا هـيـّـبـه مـلـفـى نـذير آخـر اللـيل = لا بـان فـي ولـد الـذلـيـل إختـلالـه
ثنى لهـا بـعــزمٍ يـهــول الــذواهـيل = ماشــدّ عـن وجه الـمعـادي إرحـاله
أوقد شـعـْار الـحرب سقـم العـيايـيـل = وعـلـى سـناه ألـفــوّا دروع الـبسـاله
آلاد عـــامـر..مِـرجـحـِين المـكـايـيـل = ضــواري الغـلــبا حـزام الـشـكـالـه
ويوم إلتقى الجمعين وإستحكـم الـنيل = بـاشـتهــم أوّل من جبـعـنا حـبالــه
بيـوم ٍ صـباحه قـطـعـة ٍ من دجى ليـل = عـجّ الـرمـك زاد أشهـب الملـح كـالـه
وصــوت الـعـزاوي تعتلـيه الـتهالـيل = فـي مـوقـفٍ يفــخر به اللـي ثـنـاله
يـومٍ فـخــره لـمروييـن الـمـصـاقيــل = ينــدّا لـنـا بـدقّ الـفـخـر مع جلاِلـه
هـلــنا بـه الأتـــراك مــرّ البــهـاذيل = مـن فـضـل مــدّ اللي عـظـيم جـلالَـه
جـتنا عسـاكـرهم جمــوع و جـحـافيل = وأقــفـت شـرايدهم تسـوق الخـمالـه
هـاذي عـوايـدنـا بنـا يرجــح الكيــل = وإنـّا حـــراز الــعــز في كـل قــالــه
ويغـنيك عـن كثر الحكـي والتفـاصـيل = شـواهــدٍ تـضـوي بنــور الــدلالـــه
لا شــان عـلــم مـلـفـقــيـن الأقـاويـل = اللـي حـداهــم مــا يـوثــّق مـقــاله
والكــذب لــيــلٍ و الـحـقايق قـناديل = والـزور لـو يــتـلا قـصــارٍ حــبـاله
فـإن غـرتــك فـينا هل القـال و القـيل = وطـاوعــت فـينـا مـلفـقـيـن الخماله
فـإنــاّ عــلــى الـعهد المسمّى معـاديل = يـاشــيخ نــجــد اللــي يذرّي ظلاله
وإن كــنـت فــيـنـا قــانـعٍ بالمبـاديل = فـإنــاّ وفــانــا مــــا نـبــدّل بــداله
عـلـى الــوفــا نبـقى ولا نعرف المـيل = والـحـمـل مـا تـثّـنـي لـه إلا جِـماله
وإســم ٍ نشـيله له علـى الحــق تدلـيل = في وقــــع مدلــوله تشــوف الـدلاله
إجمـال حــمـل ٍ نرتـكــي للـمـثاقيـل = يوم الـردي عـنهـا عـضــوده هـزاله
منـّا الجـمل يبــرك لصــلف المـحامـيـل = وإلـيا برك لمعـجـّز الحمــل شـالـه
ولامنـّها وَصـلَــت بنــا ذا المـواصــيل= فــ لاهـان قَـدر سـواتـنا وش بقـاله
ثوب المــعــزَه مـالـنــا فـيـه تبــديل = لا عـاض ولـد الـلاَش فـالـعــزّ مــاله
وإنــاّ عـلـى طــبــع المـعـزّه مجــابيل = والرزق عــنـد اللـي عـظــيـم جـلاله
ومـنـاّب مــن يــرضـى طـمان المنـازيل = الحُـر يـَـجزع عــن دروب الــرزاله
و لا تضــيق ألاّ عـلـى خـامــل الحـيل = ولاّ المــدا رحــب ٍ وسيـــع ٍ مجــاله
والحـمـد للـي بـه تهــون المعــاضــيل = الواحـد اللي ما خــذل من لـجــاله
منـّاب من فـضــل الكـريم بمـجـاهـيل = لا فـي جـنـوب الــدار ولا شـمـالـه
أذكـــارنا عـند النـشــامـا دوالــيـل = نَعرف ونُعرف في سـما أهـل الجزاله
وسوات ما نحـفــظ مــقـــام الرياجـيل = تحـفــظ مـقـادرنا رجــال الشكــاله
فاحت معـامـيلي وســقـت الفـناجيــل = من غيـض جـاشـي يوم فاحـت دلاله
ولا قـلـتها أبغـى من وراها محـاصـيل = جـودك و فـضـلـك مــرتــويــنٍ زلاله
نــطــق الــحــقـايق في زمان الدهاويل = تكــفـي عـزيــزٍ عــزتــه راس مــاله
هـذا كــلام اللــي يـعـسـف التــماثيل = اللّــي خَـــطــر بـالـــه كــلامٍ وقـاله
وأنــا وريـث مـعـنّـيَـة حـرّك الخـيل = أهل الـسـطر و أهل الظـفر و الشِـكاله
ولـي لابـةٍ عــنـد المــلاقـا حـلاحـيل = رجـّالـهـم يــنــطــح لــو إنـه لحاله


وسلامتكم



.

ضويحي العماني
15-12-2008, 04:34 PM
.




الصمت في بعض المواقف إهانه=يا هل العقول الغارقه في عللها

تبقى المهانه لو تِجمّل مهانه=الله لا يجبر عزا من قبلها

قل ّ للذي شار ٍ بهونه زمانه=من عاج عدلات العصي إيعدلها




.

ضويحي العماني
15-12-2008, 04:57 PM
.






ودّي أقـدم مثلـك ورود وأزهـار=ووحده بوحده .. والتساوي عدالـه
بس انت .. حتى الورد من سحرك يغار=والشعر من دونـك تهـازل جزالـه
لو للعـدل ويّـاك بالـذات معيـار=كان الرساله . لـك تِـرْد برسالـه
يا وين بلقى للعـدل معْـك مـقـدار=وتحيتك تسـوى .. جميـل ٍ لحالـه
العذر منّك يا اصدق وجيه الاعـذار=دام العدل ويّاك .. ضرب إستحالـه




.

ضويحي العماني
16-12-2008, 07:04 AM
.







من كثر ما احبك . ومن كثر ما أغليك=وآتوق لوصالك وشوفة جبينك

ما آخاف لَـ أحسِـد ربعك اللي حواليك=آخاف والله لَـ آحسد والدينك !!





.

ضويحي العماني
16-12-2008, 11:31 AM
.






يا هيه خلّ المعنّى مالك وماله=م الناس ياصاحبي بالناس مكلوفه


لا تنشد مفارق الخلاّن عن حاله=يكفيك عن نشدته ما عينك تشوفه



.

ضويحي العماني
16-12-2008, 03:59 PM
.





هلابك كثر ما هزّ الضلوع الضاميه طاريك=هلابك كل ما أضوَت بك هجوس ٍ يمّي تجيبك


أصوت لك هلا لو الهلا يا هيه ما تكفيك=وانا بي كل عرق ٍ ضامي ٍ شوفك يهلّي بك



.

ضويحي العماني
18-12-2008, 04:48 AM
.





’’ مبسم هيا ‘‘









لبيه .. يا طيف ٍ ومره الله على عيني و مر=رؤيا منام مولّع ٍ ماله سوا الشوق إخويا

سطا بعيني . نور .. لا هو نور شمس ولا قمر=فزّت بشوفه روحي الولها بعد طول النيا

وأقبل وقلت .. بغرّة ٍ كن ضوحها برق ٍ سمر=كريم يا برق ٍ سرا ليله يبشر بالحَيا

وساعة تبسّّم .. شفت لي ثلج ٍ تبدّا من جمر=وسميت بإسم اللي . عبدته لا نفاق ولا ريا

وساعة دنى مني سهجت الخوف وأرخصت العمر=ما كن لي قلب ٍ حياوي .. في زمن مابه حيا

وعلّـيت جمّة جمرتين ٍ سحرها الموت الحمر=لعلها تصدق معك رؤياي .. يا مبسم هيا


.

ضويحي العماني
18-12-2008, 06:38 AM
.






’’ منع الدموع الزرق ماهو بقوّه !! ‘‘









الانسحاب ف بعض الاحيان .. قوّه!!=لو صابك من الشوق مايسهر الموق

آهمّ شي إن الغلا لا تشوّه=إتشوم عنْه .. ومن خيالاتك إتفوق

وإن هزّ قلبك شوقه .. إذكر سموّه=و لا تهينه لجل عاشق ومعشوق

ولو جار شوقك لا تبيّن غلوّه=وش عاد لو شنّع بك الوجد والشوق!!

والدمع عينك لا تبيّّح بشِوه=لعيون غيرك .. (وإنْ هقيت إنْك مخنوق؟؟

أبعد عن أدنى العالم .. وهلّ نوّه=لين تهدا من جور مافيك وتروق

وعوّد .. وباللي صار لك لا تفوّه=وأضحك لعين الناس .. ما كنْك محروق

منع الدموع الزرق .. ما هو بقوّه !!=القوّه .. إنّك ما تخاضع لمخلوق

عان الجبل .. سيله يجي من علوّه=مثل .. دموع العين . ما ترتفع فوق!!






.

ضويحي العماني
18-12-2008, 06:51 AM
.





حياك الله يا حلا



مرحبا ومسهلا



.................





حيا الله كل المتواجدين



شرفتوا



.

ضويحي العماني
19-12-2008, 07:52 AM
.




من عرض قصيده .. كما هي أغلب ما ذكر هنا من ابيات .


..........







’’ وآنا . ضويحي ‘‘








هيه .. يا تلعا ً لها عيني شفيحه=يا رقبة الخشف . يا عين الوظيحي

يا عنود ٍ من شقا قلبي مريحه=وش يفيدك من عناي ومن مصيحي

يوم رحتي .. وش تركتي يا مليحه؟!=غير جرح ٍ في حشا جوفي يسيحي

لو خذاك البعد وأقفيتي مشيحه=لا تهقين القلب من همّك مريحي

إبتلاني طيفك الله لا يبيحه=لا أستراح ولا تركني أستريحي

كل ما دمدمت جرحك . هبّ ريحه=وجدد بطاريك ونّات الجريحي

وفاض بي دمع ٍ .. إنْ أرخصته فظيحه=وإن منعته .. تالي المنع بيسحي!

مير تثني دونه جفون ٍ شحيحه=لين أصدّ بماه للقفر النزيحي

وآنا موتي .. دون ذمّ ولا مديحه=ولنّ سدّي عند إبن إنثى يبيحي

أقفي بدمعي عن وجيه ٍ فليحه=مابي نظرات المحنّه لي تليحي

وعن عدو ٍ سِم نيبانه يشيحه=يضحك إلحومي وهو يرجي مطيحي

وأضحك لعينه وأنا فأذني فحيحه=ماخفتني غاية الوجه الكليحي

مير واللـــــه . إن يوارى في ظريحه=ما تشفّا بطيحتي وآنا . ضويحي

هذا ما في العِلم يا باغي صحيحه=والصحيح .. إجزا الصريح امن الصريحي

عين ٍ إلها .. وعين ٍ إتردّ الشبيحه=في طريقي .. لا العدا تشفْى بمطيحي

بس ما دمت أنت يا راعي المديحه=مسندي .. ماني على الطيحه مشيحي

هيه .. يا سلطان يازبن الجريحه=يا رفيقي لأحتمـى ضرب القديحي

دامني أذكرْك يا راعي المديحه=يبطي الشمّات ما شَمْت بمطيحي




.

ضويحي العماني
19-12-2008, 09:46 AM
.





للعيد في غياب الاحبّه وخاصة ً الاخ .. طعم ثاني

احد الاعياد كان اخوي متعب خارج المملكه لظروف دراسته ....







( بالعيد يا متعب )







العيد حلّ وكلن بشوفة العيد=هنّى ربوعه .. والخلايق سعيده

للعيد فرحه في قلوب الأشاهيد=وعزّي لمن مثلي تعدّاه عيده

بالعيد يا ( متعب ) عسى عيدك إسعيد=والله لك يعيده سنين ٍ مديده

تحيّة ٍ ما تِرخَص لزيد وعبيد=كم طيّب ٍ لا هم ّ فيها تكيده

إلغير كفّ ذياب ما أسخاها بوزيد=وعن كل كف ٍ غير كفّك بعيده

كنْها هنوف ٍ لا بِدت غاضت الغيد=يطحن حلاها حَبّ روس ٍ مريده

تِخلف عقول . وتسبي ألباب . وإتكيد=بوصوفها باقي المهار الفريده

جزْل الفرايد في سما حسنها يبيد=ما أوفى بحقّ الوصف .. جمله مفيده !

من حسنها .. ما يضوي الليل و إيقيد=عتمة عساعيس الظلام الشديده

ومن طيبها .. يا شوق منتوقة الجيد =. ما تِلتفت في طافيين الوقيده .

عذرى ً تنقّى فالرجال الصناديد=ولاْ ترغب ألا ّ فالولايد .. وليده

مطموعها بين الصناديد .. صنديد=واحد .. ويسوى فالشدايد بديده

شامت لوصفك شوم عليا ل ابا زيد=يا صِلب أبوي . معدّل الميل بإيده

مقوَد بني عامر .. وسيع الابانيد=شيخ الشمل مفتك عوق الضهيده

تحيّة ٍ والله لو آعيد و آزيد=ما وفّت بحق العضيد إلعضيده

تنصاك لو دونك زمى طاوي البيد=تطوي طويل الدرب وتقصّ بيده

وتلفيك يا نسل الشيوخ المماجيد=أهل الوفا اللي ما تِمد الزهيده

ضواري الغلبا .. صعوط المقاريد=لاْْ أصتْك في حد الحديده حديده

زبن الدريك اللي يزوّلّه القيد=وعز الرفيق وسِعْد عينه وعيده

يا خوي . عيد ٍ وانت عن عيني إبعيد=فرحتْه عن عيني و قلبي بعيده

إنريد يا زبن المخلين و تريد= واللـــــــــــــــه ماض ٍ في قضى ما يريده

وعيد ٍ بلا شوفتْك .. ما هوب لي عيد=لكن عسى ربي بشوفك يعيده







.

ضويحي العماني
20-12-2008, 07:23 AM
.



ضاميه




حياك الله ويا هلا و مسهلا





شرفتي .

ضويحي العماني
20-12-2008, 07:26 AM
.


غالب الذيابي



ارحب ارحب



شرفت وانا خوك



.

ضويحي العماني
20-12-2008, 07:50 AM
.







مسامعي ذابت على بحّتك شوق=زود ٍ على شوق الخفوق وعذابه


وشوق العيون اللي حرم محجر الموق=طيف الكرى اللي ناظري ما هنابه






.

ضويحي العماني
21-12-2008, 03:38 PM
.










صحّ . التجنّي .. يشعل الجوف حيره=لكن .. بعون الله تهون الثقالي

والصدّ .. يا ورد ٍ تسامى عبيره=يرخص عزيز القدر .. لو كان غالي

ومن صد عني .. قلت فالأمر خيره=يقفِي على فاله وأقفّي بفالي




.

ضويحي العماني
22-12-2008, 02:39 AM
.








هيه ياللي مسرِج ٍ خيل الخياَل=وسابح ٍ بأوهام فكرك واتهذي

عن دروب العزّ .. ريّّح فالظلال=يا حقير ٍ بالطفايس مغتذي

الجزايل مالها غير الجزال=وانت خايب خِلقْه .. ونهجـِك بذي

مير لا تبرك مباريك الجِمال=وانت لاهاذي ولا بنت اللذي






.

ضويحي العماني
22-12-2008, 03:44 AM
.







’’ دخـيلك ‘‘





دخيلك .. ياللي بنظره ملكتيني غلا وإعجاب=بعد ما فاقت أحلامي بشوفك .. لا تصحيني!!

وأنا اللي من لمحتك فزّ قلبي .. دون ذكر أسباب=وسقت إخطاي دون أدري لدرب ٍ لك يوديني

وجيتك ما حسبت لعين غيرك يا عناي إحساب=وغيرك يرتجي .. نظره .. ولا لديت له عيني

زبنّـتك من عنا المنفى .. كسير ٍ في عذابه ذاب=على رجوى أنّي ألقابك .. وطن في غربة إسنيني

عساك تشتت آهاتي .. وتجبر قلبي المنصاب=وتنهي غربة ٍ منها لقيت .. اللي يكفيني

’غريب‘ . ولاْ أبي غيرك من الدنيا ’وطن وأحباب‘=ولاْ آبي امن الشعر غيرك قصيده . في دواويني

وأنا ما جيت أبي عذر ٍ .. يسد بوجهي الابواب=ولا عنّيت لك رِجِلي .. لجل بالصد تجزيني

انا جيتك .. وأبي منّك مثل ما أقبلت لك طلاّب=إذا لي مثل ما شفته بعينك .. ما تخليني !!

وإذا غرتني عيونك .. وظنّي في ولعها خاب=طلبتك .. إلتحف ليل السكات .. وحلّ عن عيني!!

أنا أدري . إنْ بعض ’ حكي العيون ‘ الناعسه كذّاب=ولكن عذري إن الصدق .. هوّ أصدق عناويني

دخيلك .. كان لإعجابي . بخفّاقك صدى وإعجاب=تعالي . وكانني مخطي .. دخيلك لا تخليني !!








.

ضويحي العماني
22-12-2008, 05:23 AM
.





مع أني اعرف أن هناك الكثير من المبدعين على الساحه ..

ولكن اعتقد ... أن الماء زاد على الطحين .







’’ فرقة حسَب الله ‘‘







إفتح فمك يا هيه يرزقْك الله=مندّل . غادي .. كلّها سيّانا

هذا الوضع .. في الساحه المنشلّه=من دون لا زود ٍ ولا نقصانا

الدرب هيّن والدعاوي فَلّه=صوره . بكشخه واد جنتل مانا

وقصيدة ٍ لو إنّها منهلّه=لا وزن . لا فكره . ولا عنوانا

وأدنى مجلّه فاشله منحلّه=تفرد له الصفحات والذرعانا

وإن قلت علّه . كم . وكمّ ٍ علّه=شفنا .. من الاشكال والألوانا

وهذا يصفق له و ذا يطبلّه=صوت ٍ بصوت وقرقعة قدحانا

وفرقة حسَب الله . تباري ظِلّه=إن صاب والا ّ ضيّع الألحانا

الشِعر هذا الشِعر .. مابه خِلّه=السرّ في اللي من ورى البيبانا

الشلّه .. اللي جعلها أمحق شلّه =الله يعافيهم .. ولا يبلانا

ناس بليّا مذهب ولا ملّه=تقاطعوه .. و بالفم المليانا ..

اللـــه . يغفر للشِعر وإيحلّه=ويرحم ثرا موتاكم وموتانا



.

ضويحي العماني
22-12-2008, 07:05 AM
.


راعية فزعه




حياك الله




وياهلا ومسهلا




شرفتي



.

ضويحي العماني
22-12-2008, 10:54 AM
( تعديل لمشاركه سابقه )



مع أني اعرف أن هناك الكثير من المبدعين على الساحه ..

ولكن اعتقد ... أن الماء زاد على الطحين .







’’ فرقة حسَب الله ‘‘







إفتح فمك يا هيه يرزقْك الله=مندّل . غادي .. كلّها سِيّانا!!

هذا الوضع .. في الساحه المنشلّه=من دون لا زود ٍ ولا نقصانا

الدرب هيّن والدعاوي فَلّه=صوره . بكشخة واد جنتل مانا

وقصيدة ٍ لو إنّها منهلّه=لا وزن . لا فكره . ولا عنوانا

وأدنى مجلّه للشِعر منحلّه=تفرد لها الصفحات والذرعانا

وإن قلت علّه . كم . وكمّّ ٍ علّه=شفنا .. بها الاشكال والألوانا

وهذا يصفق له و ذا يطبلّه=صوت ٍ بصوت وقرقعة قدحانا

وفرقة حسَب الله . تباري ظِلّه=إن صاب والا ّ ضيّع النيشانا

الشِعر هذا الشِعر .. مابه خِلّه=بس البلا .. في اللي من ورى البيبانا

الشلّه .. اللي جعلها أمحق شلّه =الله يعافيهم .. ولا يبلانا

ناس بليّا مذهب ولا ملّه=تقاطعوه .. ويالله الغفرانا

كل ٍ على ماقيل سيفه سلّه=وطارت به طيور ٍ بلا جنحانا

والزبدة .. لدق ّ الكلام و جلّه=شي ٍ بأقوله .. بالفم المليانا

اللـــه . يغفر للشِعر وإيحلّه=ويرحم معه موتاكم وموتانا!!



.

ضويحي العماني
23-12-2008, 01:38 AM
.







ل أقفيت عن دربي وانا عنّك أقفيت=لدّت عيوني جعل عينك فداها





.

ضويحي العماني
23-12-2008, 03:28 PM
.







أنا مايشتت ضيق صدري ليا من ضاق=سوى .. سجّّة أقدامي لروس المراقيبي


بقـفر ٍ خلا .. شوفه لطرد العمَس ترياق=هبوبه .. ليا شرّفت بعلاه تومي بي







.

ضويحي العماني
23-12-2008, 04:37 PM
.


محمد بن حزام


حياك الله



ومرحبا ومسهلا وانا خوك .



شرفت عسى عمرك طويل




.

ضويحي العماني
24-12-2008, 12:22 AM
تعديل لمشاركه سابقه







أنا مايشتت ضيق صدري ليا من ضاق=سوى .. وقفة ٍ من فوق روس المراقيبي


بقـفر ٍ خلا .. شوفه لطرد العمَس ترياق=هبوبه .. ليا شرّفت بعلاه تومي بي










.

ضويحي العماني
24-12-2008, 12:01 PM
.






يا مولع ٍ قلبي على نار فرقاك=حسبي على اللي بذبح مغليك غرّّك

يا سامع ٍ بي هرجة اعداي وإعداك=ضريتني . جعل الولي ما يضرّّك

إن كان ما أشقاني من فراقك أشقاك=قلّّي .. عسى اللي فيني اغواك سرّّك؟!







.

ضويحي العماني
24-12-2008, 12:12 PM
.





رحتي .. وكل الهم مع روحتك راح=ياعلّ درب ٍ راح بـك مـا يـردّك






.

ضويحي العماني
24-12-2008, 01:13 PM
.



’’ شعرة معاوية ‘‘





عقب الغلا .. ماعاد تسوى في نظر عيني ريال=إنْ جيت والا ّ رحت عندي . كلّها متساويه

ما كل كسر ٍ لا أنكسر تجبر كسايره الليال=مات الغلا .. وإنقطعت بقلبي إشعرة إمعاوية

جعلك فدا دمع ٍ على أغلى مِنك . ما حوّل وسال=وجعلك فدا . لوعات قلب ٍٍ ما سماه بخاويه

بعد إنهدم رجم الغرام . ومال نجمك للزوال=روّّح بباقي ذكرياتك في يدِك .. للهاويه!





.

ضويحي العماني
25-12-2008, 03:19 PM
.






مادام ذا الراس حي ٍ والهوا يهبــّـه=ما والله أذخر عزومي دون ماجوبه

أمّا توفق وحقق مطلبه ربــّـه=وألاّ يعذّره موته .. دون مطلوبه






.

ضويحي العماني
26-12-2008, 03:47 AM
.







والله لو إنْ العمر يشرى وينباع=لـ. آخذ من سنيني لك سنين وأعطيك

ياشوق قلب ٍ عنا البعد ملتاع=إجبر خفوق ٍ بالغلا ميّت ٍ فيك

قلب ٍ نبض لك بالغلا بين الاضلاع=وش عاد لو .. لأجلك ورَد للتهاليك

يفداك عمره يا هوى البال .. وإنْ ضاع؟!=فـ. آنا وهوّّ آمانة ٍ .. بين أياديك





.

ضويحي العماني
26-12-2008, 04:17 AM
.



السعيده الحزينه ..


حياك الله


ومرحبا ومسهلا


شرفتي

.

ضويحي العماني
26-12-2008, 06:03 AM
.



بروق



حياك الله



ومرحبا ومسهلا يالسنافية



شرفتي .. عسى عممرك طويل




.

ضويحي العماني
26-12-2008, 08:51 AM
.







فمان الله . أودعكم . عساكم بالوفا في زود =على رجوى الليْال المقبله بالخير تجمعنا







.

ضويحي العماني
27-12-2008, 02:00 AM
.











يالله دخيلك من مقادير الصدوف=ومن ضحكة الدنيا . ومن ميلاتها

يالله . يا منّشي مراديم القنوف=يا معطي ٍ خلقك .. على نيّاتها

فيك الرجا يالله ولك مدّ الكفوف=ماهوب في خلقك ولا مدّاتها

يالله دخيلك يا رحيم ويارؤف=إغفر خطايا نفسي وزلاّتها

ما غير خوفي منك يالمعبود خوف=وعفوك . رجا نفسي وأمل منجاتها

ل . ظلّني ظلّك .. عسى الدنيا ذلوف=مالي بصافيها .. ولا شمّاتها

ول . أدركت جودك . ما لحق نفسي حسوف=على صفا الدنيا .. ولا شهواتها




.






.

ضويحي العماني
27-12-2008, 08:00 AM
.







مجاراه للشاعر هلاّل المطيري ..



لقصيدته ( ماكنت مع هاذي وانا آموت في ذيك )






ياللـي تـدوّر فالزمـن ذا عـدالـه=ما للعدالـه شمـس ٍ بليـل دنيـاك
لو نولها لبعـض الخلايـق سهالـه=مير الوكـاد إنْـها . لمثلـي وشـرواك..
حلم ٍ عن ايدينا بعيد ٍ مناله=ما هو بويّايه .. ولا هو بويّاك
رجوى سحاب الصيف نقص وجهاله=دامه مثل ما مـرّ فوقك . تعـدّاك
يا هيه .. لو عينك اتخايـل اخيالـه=واتوّلعك زايف مناويك . مـا أسقـاك
ما هو تشـاؤم وإن بغيـت الدلالـه=شفني وتلقا امن الدلالات ما اغنـاك..
عـن حلم ٍ دروبه علينا مُحاله=لو يسمح لـذولا .. تعـذّّر لـذولاك
وش بيـّّد بقلب ٍٍ برى الهم حاله=الاّ .. فقر حظ ٍٍ . خذاني و ودّاك
والموت هم فراق ٍ أركى ظلاله=على رهين آهات فقدك .. وذكراك
لا واعنا قلبي على ما غداله=وآنا هنا .. وآشوفك بعيني هناك
يا أغلى من الحب ابتدا وانتهاله=اللي فجعني فيك من بعد فرقاك
ما صاب ( هلاّل ) . وحصلّه ونالـه=لين ابتدع شطر ٍ .. عن الحال كفّاك
لـو بالزمـن ياهيـه ذرة عـدالـه!!=( ماكنت مع هذا .. وانا آموت في ذاك )




.

ضويحي العماني
27-12-2008, 12:11 PM
.






يسعد صباحك يا صباح النور=يا سرّ قلب ٍ لك فضح سرّه

لو غبت عنّك فالغلا محفور=في خافقي من برّه ل . برّه

يا شوق عيني يا ملاك الحور=لا أتزيد بعتابك وتتشرّه

واللي فتنّي بك جسد واشعور=إنْ كبدي امن البعد محترّه

ما غبت راضي . غيبتي مجبور=يا درة ٍ ماتشبهك درّه

بس أوعدك يالجادل المغرور=ماعاد أعيد البعد بالمرّه




.

ضويحي العماني
27-12-2008, 01:51 PM
.








يا مركي ٍ قلبي على حامي الشوق=فاحت دلالي . وانت بين الطواري

ماعدت حِمل الصبر يا مسهر الموق=أدخل على الله لا يطول إنتظاري







.

ضويحي العماني
29-12-2008, 03:08 AM
.










لله درّك شعب .. ما يقبل اللين=رغم المجازر .. ما أنثنى عن جهاده

ولله درّك دار .. تفرق بشييّن=مسرى الامين .. ونبت عزّ ٍ حصاده..

أعمار قوم ٍ .. دونها مستميتين=تولد وهي تحلم .. بنول الشهاده

ما عطّر ترابك .. زهور ورياحين=عطّرْك دمّ ٍ سال يفدي بلاده

الله وأكبر .. وش بقى يافلسطين=فالمجد ما سلّم لكفّك قياده

يأعظم مثل .. يعكس إباء الأبيين=كل ما أستبد الظلم زادك جلاده

وإسوات ما عزّك .. يغيض المعادين=إيلبّس امن الذل ( يعرُب ) .. قلاده






.

ضويحي العماني
29-12-2008, 04:30 AM
.






كلّش يفيد بْه الدوى .. غير ثنتين=الذلّ .. وأحقاد الكبود الغليله



.

ضويحي العماني
29-12-2008, 04:45 AM
.








يا سلطان أنا يا خوك قدلي ثـلاث أيـام=وأنا حادر ٍ وادي والاجـواد فـي وادي
توارد هواجيسي على البال وِرد إحيـام=غدن فوق عِدّ الجوف .. سرداد مردادي








.

ضويحي العماني
29-12-2008, 04:59 AM
.



حيّا الله من لفى



مرحبا ومسهلا




.

ضويحي العماني
29-12-2008, 07:25 AM
.







أمّا تجيني بالمحبه من أقصاك=والا ّ تروح وعن عيوني تحلّي

كم قلب ٍ أزعلته من الحب لرضاك=وانا أحسب إنّك بالغلا صافي ٍ لي

وأثرك على عميْاك ما جاك وأشقاك=ما صاب قلب ٍ من فراقك مغلّي







.

ضويحي العماني
29-12-2008, 10:54 PM
.







ألا ياوجودي وجد من شاف شوف العين=مماته .. ولا بيّّح لغيره بما صابه

على اللي خذوا قلب العنا . وأدبروا مقـفين=وعيني عليهم بأزرق الدمع صبّابه







.

ضويحي العماني
30-12-2008, 03:33 AM
.





ارحب تراحيب المطر




الاخ العزيز الشاعر / مناحي المقنع



مرحبا ومسهلا



شرفت .. لا عدمتك





.

ضويحي العماني
30-12-2008, 05:03 AM
.







فاقد ٍ لي صاحب يِفـقد غيابه=صاحب ٍ جعل الخلايق فدوة ٍ لّه

ليت والله قبل لاينوي ذهابه=رد للّي ذاق فقده .. حاجةٍ لّه

وليت يوم إنّه نوى يشعب ركابه=رجّع القلب المعنى في محلّه









.

ضويحي العماني
31-12-2008, 03:53 AM
.






دخل الاخ العزيز / شوق الفدعا

. الملقب بـ وحيد الضرس .

في وحده من غاراته الجويّه المعتاده .. وبدون سابق انذار !!


علّق على ابيات غزل كتبتها في شوارد الشعر ..




انا اشوف ابو فراج في لوعته غرقان = ونفس الفتى لمشاهد الخل مشتاقه

:106:









ف رديت عليه ..








انا آشوف شوق ملاوح ٍ طارة النيسان=لاكنّ ( ماتوفّق موتر ٍ عيد سوّاقه )

هلا يا رفيق ٍ لاْ احتريته مع البيبان=طمر طمرة ٍ . تِخِلِف رفيقه . مع الطاقه

الا يا وحيد الضرس . بسم الله الرحمن=تحلّ الوثاق .. وترجع وتربط وثاقه

أمانه معك لا شفت عقب البطا .درعان.!!=ف قل من ضحك بالمبتلى .. جاته اعواقه

والا يا وحيد الضرس .. لا تدرع الجرفان=ترا صاحبك من لوعته . خربَت أخلاقه

سبايب هنوف ٍ حسنها يخطف الاعيان=على فقدها نيران الاضلاع شعّاقه

هنوف ٍ رمتني رميت ٍ ما أخطت النيشان=وصابت خفوق ٍ دونها نشفت أرياقه

فلا شفتني يا صاحبي ضارب ٍ جِيّّان=ف لا تشمت بصاحبْك وتذوق ما ذاقه

ولا شفت ابو فراج يبدع من القيفان=ف خلّ المعنّى .. لوعة البعد حرّاقه

لاْ تحسِبْه لا غنّى يغنّي واهو طربان=لاكنْ لا تفضـّّح به ولا تكشف أوراقه






.

ضويحي العماني
31-12-2008, 05:13 AM
.








ما جيتك آدوّر لجرحـي تباريـر=والا ّّ آترجّى .. من يدينك علاجه
وفِّر على نفسك حمول المعاذيـر=ماعاد لي في زيف الاعذار حاجه
جيتك أرسم بعينك نهاية مشاوير=ليل ٍٍ سلب صبحي وطفّى سراجه
ودعتك الله .. وآتمنّّى على خير=ما عاد حتى .. فالخيَال إنتواجـه!!







.

ضويحي العماني
31-12-2008, 06:02 AM
.





’’ سلّم عليّ يا بعد روحي . على شاني ‘‘










ماغيرك أحدن ليا منّي تباطيته=جيته . من أقصاي بحمول الغلا عاني

غيرك لو إنّه يصوّت لي . تعديته=جعله إفدْا الصوت .. وإفدْا لدّت أعياني

وما كل من رحّب وهلا ّّ تنصّيته=لو كان لا مرّ دربي ما تعدّاني

ولاْ كل من غاب عن عيني تحرّيته=ولا ْ كل طرْف ٍٍ يلدّ بعينه .. أغراني

ولاْ كل زول ٍ ليا من مرّ حييته=ولاْ كل برق ٍ .. ليا من لاح يشعاني

صبّحك بالخير . يا أغلى من تمنيته=لو كان ما هوب حقّ ٍٍ منْك تنساني

ياهيه لا جيت في بالك .. ومريته=سلّم عليّ يا بعد روحي .. على شاني!!

وألا ّ أنت ملفاك لا منّي تباطيته= وجّّه بي الشوق لدروبك .. و عنّاني

للي خفوقي بكفّه والحشا بيته=وسقت التحايا .. وحييته .. وحيّاني

من له غلاتك لو إنّه مايجي . جيته=ياواحد ٍ مامعـْه في خاطري ثاني




.

ضويحي العماني
31-12-2008, 07:49 AM
.






تعديل : مشاركه سابقه ..







ما جيتك آدوّر لجرحـي تباريـر=والا ّّ آترجّى .. من يدينك علاجه
وفِّر على نفسك حمول المعاذيـر=ماعاد لي في زيف الاعذار حاجه
جيت أرسم بعينك نهاية مشاوير=ليل ٍٍ سلب صبحي وطفّى سراجه
ودعتك الله .. وآتمنّّى على خير=ما عاد حتى .. فالخيَال إنتواجـه!!







.

ضويحي العماني
31-12-2008, 12:00 PM
.







المشكله لاغبت عنّي وقفّيت = محدن معوضني مصيبة غيابك






.

ضويحي العماني
01-01-2009, 12:06 PM
.







تُعرَف خبول الآوادم من سوالفها=سوالف ٍ مالها طاري .. ولا زبدْه

ياليت بعض العرب تترك تليقـفها=من قبل لا نِلحق اللبده .. على اللبده

والفيلسوف اللي اوهامه يفلسفها=قولوا له .. إترك كلام الزور وألا ّ ابدْه

بس .. المراقيب لا يقرب نوايفها=ترا سباع الجبل ف إعلاه ملتبده

بعض العرب طرقة العالم مخالفها=بالهرج يجحد دليل الحق وإيهبده

وعوجا حكاياه لو إنّك إتطوفها=منها وسيع البنايد تندبل كبده

والناس بالناس ما ربّي مكلفها=لا كنْ يا وسع حِلم الله على عبده





ضويحي العماني



.

ضويحي العماني
01-01-2009, 04:11 PM
.





’’ تبقى ويبقى غرامك مابقى راسي ‘‘






يالجادل اللي ركون الصدر مجلسها=طالت .. وانا بين نار الشوق وإعماسي

إلى متى بأجحد الخيفه .. وأنا أوجسها=وإلى متى .. والمفارق يلتهم باسي

وأنكر عنا نار حرماني .. وانا أونسها!=توقد هشيم الضلوع .. وتخنق انفاسي

لا توصّي القلب بعهود ٍٍ لك أرمسها=واالقلب ماهوب لا داله .. ولا ناسي

مصيونة ٍٍ ماضي عهودك وحارسها=صدر ٍٍ نذر لك غرامه يا بعد ناسي

وشلون تُوصِْي بها . والحب غارسها=في قاع قلب ٍ ملكته . نبض وإحساسي

رايات حبك .. وحق اللــه . ما أنكسها=تبقى ويبقى .. غرامك مابقى راسي







.

ضويحي العماني
03-01-2009, 01:07 AM
.








يقولون الولع ( بلوى ).. وانا آقول التولّّع شين=ليا من ولعـك ربّك بشخص ٍٍ مادرى عنّك

ولكنّ الولع ( نعمه ).. ليا قِِـسّّم على قلبين=مادام اللي تحنّه مثل .. ما أنتْ إتحنّه إيحنّك








.

ضويحي العماني
03-01-2009, 03:37 AM
.







عناك . وعبرتك . والدمعه اللي في عيونك . زيف!!=تكاثر قلبك الفرحه عليّّ .. وجيت تخنقها!!

كثر ما أدميت قلبي . شوق . وأسهرت المحاجر . طيف=وكثر لوعات بعـد ٍ فالحشا . شابت مفارِقها

تكاثر ناظرك .. ضحكة حزين ٍٍ .. معتبرها ضيف!!=لو تصافح حجاجه .. ما قدر قلبه يعانقها

لك الله كَبْرت بعينك ؟! .. على طول العنا والحيف=لك الله .. كيف قلبك طاوعك .. ياهيه تحرقها؟!

تكاثر خافقك .. فرحة لقا ًً .. كنْها .. سحابة صيف؟!=تعدّت .. ما سقت قلب ٍ .. بعينه .. لاح بارقها







.

ضويحي العماني
04-01-2009, 12:59 AM
.




راع الغلبا .. حياك الله وانا خوك


شرفت عسى عمرك طويل




.

ضويحي العماني
04-01-2009, 02:01 AM
.







حملتني يا زمن حمل ٍٍ على حملي=لو إن الاوّل يهدّ الحال بلحاله

وأنا على شيلته متصبر ٍٍ كم لي=وهو لو عُرِض .. ساعة ٍٍ لطويق ماشاله

وأثقلتني فوقه بحمل ٍٍ ملازم لي=امن أول العمر و آنا . حقّه . أسعاله

حمِل ٍٍ . يحتّم على من مثلي ويمِلي=لو جاه ما جاه .. يوفي حقّ مكياله

كم لي وانا متعب ٍٍ في واجبه زملي=يوم الردي عن عذابه خالي ٍٍ باله

يآعيش موفيه .. والا ّ دونه أكرم لي=موت ٍٍ . يعدّي متوني شرهت اثقاله

في ذمتي يا زمن مايحتمل حملي=ألا ّ عريب ٍٍ .. تقصّى آبوه عن خاله








.

ضويحي العماني
05-01-2009, 12:47 AM
.









وقصيدة ٍ ماتبيّض وجه شاعرها=آخير من سردها .. هرجه و تعليله

وآخير منهن سوا .. للي يدورها=تكبيره . وركعه . وسجده . وتهليله







.

ضويحي العماني
05-01-2009, 04:21 AM
.








عزاه .. يا عين ٍٍ جفا النوم نونها=وباحت عبايرها وفاضت مزونها

من هم ٍٍ أوقد بالحنايا سعايره=وجدد عنا روحي ونقّّض شطونها

عليك .. يامن سمْع في من يودّّه=نمّّة حواسيد ٍٍ كبار ٍٍ غبونها

وغيّر مبادي عشرته عقب طيبها=وغرّتْه نفس ٍٍ ما صدقته ظنونها

وجيته بشرهة غافل ٍٍ عنْه مادرى=طهر نيّته ما غير الصدّ لونها

وصدّّ . وجحد .. ثم لدّ يمّي بنظرة ٍٍ=تقصر سيوف الهند والشلف دونها

فوالله ما اعبر من ملام ٍٍ جهر به=سوى .عبرة ٍٍ من عينه أخلت سجونها

محا الله . من طاوع عدوّّه بصاحبه=وعهوده أدنى ما يزعزع ركونها

وأستغفر الله وأستميحه وأتوب له=قبل لا ملائكة السما .. ينقلونها

لك الله . لا تخطي وتاخذ بظلمك=بري ٍٍ مبادي عشرته ما يخونها

لك الله . يأغلى من تخظّى على الثرى=ويأغلى من ألحق بالحنايا طعونها

و ورّدني الموت المصفّى بصدّته=وخلا ّ سهر عيني يطاول جفونها

على فقد عينك جنّب النوم ناظري=وكبدي من الفرقا طوتها حزونها

ألاحي لحون الورق لا لجّ نوحها=وآجيب ما جابت وأردد لحونها

فوالله . لولا الله . ومبداي مرقب ٍٍ=مِشرافه يفرّّج عن العين شونها

والا ّ أنْ تفرّّ الروح من لاضي الحشا=وتشعب ركايبها . وتقفي ظعونها

الا يا من إستلّيت قلبي و رحت به=لك الله قبل لا الروح تطوى شنونها

ابي منْك .. عذرك في وداعة مودّعك=علامك عليها يالغظي ما تصونها؟!



.

ضويحي العماني
06-01-2009, 12:19 AM
.








مادمت طيب وأذكر إنْك بخير يا عذب الوصوف=في ذمتي ماهمّني . عدل الليالْ وميلها

يا هيه .. لو دون اللقا . تحتدنا سود الظروف=لا بد ماشمس النهار بيوم تجلي ليلها





.

ضويحي العماني
06-01-2009, 12:52 AM
http://khozamanajd.com/upload/najd/yjuu96.jpg

ضويحي العماني
06-01-2009, 12:08 PM
.







الله يجيرك من حسد عين الحسود=و يكفيك حساد البشر وأشراها

واللي عطاك اللي على غيرك يكود=إن الجزايل بك تضيع إخيارها

وصفك محال وحسنك يفوق الحدود=يا ملفت عقول العرب وأنظارها

حسن العذارى ينقص وحسنك يزود=وإسمك لحاله . يرجح بمقدارها

علّ وعسى عيد ٍٍ جمعني بك يعود=ياشوق روح ٍٍ لك تواقد نارها






.

ضويحي العماني
06-01-2009, 02:12 PM
http://www12.0zz0.com/2009/01/05/20/644491491.jpg

ضويحي العماني
07-01-2009, 03:23 AM
.






لاتحرق الخفّاق .. يكفيه مافيه=ردّ النظر له يا عناه .. وتبصّّر


كافيك في حرقة حناياه ياهيه=نيران وقت ٍٍ فيه .. ماعاد قصّّر






.

ضويحي العماني
07-01-2009, 05:26 AM
.






ألد العين في عينه وأداري شوقها وإيبين=وأنا نفسي من حمول الظما .. شبّت سعايرها

وينظرني بطرف عينه والا يا عين أبوي العين=يداري عيون حسّاد ٍ مشبهرت ٍ نواظرها









.

ضويحي العماني
09-01-2009, 05:19 AM
.








كم لي .. و كبر الولع يقتادني يمّـك=وارجع بحسرة خفوقي دون بيبانك

لا تحرم القلب بلة ريق .. من جمّـك=وانت النظر مسكنك و الجوف ميدانك

ليتـك تقدر .. ظما قلب ٍٍ نقـل همّـك=وعيـن ٍٍ تغاضت عن الدنيا على شانك






.

ضويحي العماني
09-01-2009, 08:19 AM
.







قال أعشقك .. قلت آآه من حرّّ مابي=لا منكر ٍ عشقك ولاني بجاحد

بس كيف تعشقني..وتعشق عذابي=هو يجتمع عشقين .. في قلب واحد؟!






.

ضويحي العماني
10-01-2009, 06:04 AM
.







لو كان صح .. إنْ كل مطرود ملحوق=ما ضاق بي . من تبع الاوهام . ثوبي

واقلبي اللي من عنا الوقت مدروق=وش ولعّك في عالم ٍ ما دروبي

زود ٍٍ على حمل ٍٍ بشيلتْْه محقوق=تنقل حمول مولّّعين القلوبي

جزاك تبقى يا عنا الحال محروق=وآنا من امصابك .. أحسّّب ذنوبي

إلى متى .. بأغفي مع الهم وآفوق=مسبوق ٍٍ بنار الشقا وامعقوبي

انا أشهد إن الصدق في ذا الزمن . عوق=الله . يرحمني .. ويغفر ذنوبي

هذا زمان الكذب والغش والبوق=وانا صدوق .. وصدقي أكبر عيوبي







.

ضويحي العماني
10-01-2009, 04:42 PM
.







(يقولون الرجال إجبال .. و آقول الرجـال أغـراب=ولا تعـرف خفايـا سدودهـا . حتـى تجرّّبـهـا)









ألا يالله ياللي من ترجّى رحمتك ما خاب=تزيّن مدّت أيام ٍٍ تجرعنا عقايبها



وألا يا صاحبي لا تطري العلّه على المنصاب=ولا تبحث خفاياها .. ولا تنبش سبايبها



أجنّب دربها لو كان ما عن دربها مجناب=وأشوفك تحتديني لسكة ٍٍ مانيب راغبها



أسدّ أبواب فكري دونها وتفتح عليّ أبواب=وأنا كم لي وأنا أونسها بجوفي . مير أجنّبها



يجور الوقت بصدوفه ولا ترضى الهوان أشناب=لو إن أيامنا يا خوك ما تصفي مشاربها



ويبقى الهون لرخوم ٍ على الطوله حساب أجناب=هلابيج ٍٍ على جال السعه تفتل شواربها



رخوم ٍ .. يا محمد مالها عن شذبة الغيـّاب=تعزّبها رداها .. لعنبو مجنى صلايبها



عن يدين الردا تكرم يدينا .. والفجوج إرحاب=ولو دارت دواليب الزمن وأرهت نشايبها



يا عنْك إن ( الوفا ) في ذا الزمن ماله محل إعراب=غدت به عالم ٍ يا خوك شكّت في مذاهبها



وبذل الطيب في الخايب ردى حظ ٍٍٍ. وشين إمصاب=تجارة عالم ٍٍ .. غير الخساره وش مكاسبها



صحيح إن كل من يمشي على وجه التراب . تراب=ولكن ما الصباخ بمثل من تثمر ترايبها



ألا يا صلْب جدّي . يا أبن عمّي . ويش جاب لجاب=مطامين الثرا . عند الثريّا في مراقبها



قنعنا .. والرجا فاللي خلق . يا بو سعد ماغاب=عن عيون ٍ عسى ربي . يعاجلها بغايبها



بغينا .. والمدبّر فالسما وحكم القدر غلاّب=ولا والله جزعنا امن الصدوف ومن جلايبها



نكرّّم هامة الشرهه . عن الهلباج والنصّاب=وعلى اللي ما هو بكفو ٍٍ لها منّاب نجلبها



وحق اللاش .. تقنيع الردا بوجهه .. ولا تنعاب=سوى اللي ثيابها يا خوك ماتستر معايبها



وانا لا جاتني .. طقّـيـتها فالوجه و لا آهاب=ولا آجمّّع نتايجها .. ولا آكسِّر و أحسِّبها



أقدّر لحية الوافي سوى امن أصحاب والا ّّ أجناب=ولحية راعي النمّه . عليّ الله لأترِّبها



يقولون الرجال جبال .. و آقول الرجال أغراب=ولا تعرف خفايا سدودها . حتى تجرّّبها



وأنا ما آقول انا الصايب . وغيري فالعرب ما صاب=ولكن السنين تعلّم الجاهل تجاربها



زحازيح الجبال اللي قساها من الزمن ما ذاب=تلوق إبها الرجال عريبات ٍٍ مناسبها


.

.

.






والعذر عن البقيه لطول القصيده ..






.

ضويحي العماني
12-01-2009, 08:06 AM
.








’’ مهار القرايح ‘‘









أنا لي من إمهار القرايح عريبة كار=كحيلا ًً . تبيّّـض ف اللزز وجه راعيها

من الخيل صفرا ًً زينها يسبي الأبصار=يعجز البحر في وصوفها .. لا يوفيّها

جفول ٍٍ . على غيري . عصيـّّة وفيها إذيـَار=عن أرسانها يا كثر من تقصر يديها

سخـرها لي اللي .. بقـدرتـْه قـدّر الاقـدار=ولا كل خيّّال ٍٍ .. من الناس يقـنيها

لاْ منـْه إرتكز عجّّ الرمك داخل المضمار=عن الاوله . ما هيب تقصر خطاويها

ليا من شعاها الصوت جاها سطر وإطيار=وعـطت راسها للريح و الخيل تتليها

لها اللـــه . كـنْ في جوفـها قطـعة ٍٍ من نار=ليا إنفردت إمن الخيل والجمع يقفيها

لها الله على آخر منعطف ل ألتوى وإندار=غدت افـشِِـقة ٍٍ من كلاش راميها

وراها . قفيـّّّـتها .. ليا كفــّّت المشـوار=تصفـّّي جََـهـََـدها ما تقارب حـراويها

ولامن نقعها من خط النهايه ثار=عساها تماكن عجـّّها اللي تواليـها

عليها ذكر خلاّّقـها .. الواحـد القـهـّّار=من إمطايـََر عيون ٍٍ توّّكـّّـد حراويها








.

ضويحي العماني
12-01-2009, 10:05 AM
.





تعديـل : للأبيات الماضيه
ــــــــــــــــــــــــــــــــــــ







’’ مهار القرايح ‘‘







أنا لي من إمهار القرايح عريبة كار=كحيلا ًً . تبيّّـض ف اللزز وجه راعيها

من الخيل صفرا ًً لونها يسبي الأبصار=يعجز البحر في وصوفها .. لا يوفيّها

جفول ٍٍ . على غيري . عصيـّّه . وفيها إذيـَار=عن ارسانها يدين العرب تقصر يديها

سخـرها لي اللي .. بقـدرتـْه قـدّّر الاقـدار=ولا كل خيّّال ٍٍ .. من الناس يقـنيها

لاْمنـْه إرتكز عجّّ الرمك فأوّل المشوار=عن الاوله . ما هيب تقصـِِر خطاويها

ولاَ من شعاها الصوت جاها سطر وإطيار=وعـطت راسها للريح و الخيل تتليها

لها اللـــه . كـنْ في جوفـها قطـعة ٍٍ من نار=ليا أنفردت إمن الخيل والجمع يقفيها

وراها . قفيــّّّــتها .. بنصف السبق لاْ أندار=تصفـّّي جََـهـََـدها ما تقارب حـراويها

ولاَ جت على آخر منعطف و ألتوى المضمار=جتك كنّّها افـشِِـقة ٍٍ من كلاش راميها

ولاْمن نقـعـها من فـوق خـط النهـايه ثار=عسـاها تمــاكن عجــّّها اللي تواليـها

عليها ذكر خلاّّقـها .. الواحـد القـهـّّار=من إمطايـََر عيون ٍٍ توّّكـّّـد حراويها







.

ضويحي العماني
12-01-2009, 04:10 PM
.







صباح الورد يا عين ٍٍ ملكني سحرها الـقتـّّال=فداها اللي عشقها من شعر راسه ليا أقدامه

عليك الله هدب عين ٍٍ بحدّّه للرِجاْل آجال=وعليك الله . رمش ٍٍ يخِِلف الساطي . بسلهامه





.

ضويحي العماني
13-01-2009, 01:04 PM
.









لا ضايق ٍٍ عقبك ولاني بمجروح=يامنكرت حقّّ القلوب وعطاها

ماعاد قلبي حمل الآهات والنوح=والعين جاها من العنا ما كفاها

دامك تبين البعد روحي وانا آروح=وكلّّ نفس إكرامها في هواها








.

ضويحي العماني
13-01-2009, 05:13 PM
.








يا جيل آخر زمن .. ما هاذي بمِِــرّّه=إلى متى ونوركم متلاشي ٍٍ ضيـّّه

في كل ميدان آشوف لركبكم جــرّّه=وفوق الغلط كـنّّـكم وِِرِِد ٍٍ على طيـّّه

أحد ٍٍٍ يولّّع لهيب الجمر ويكـرّّه=والآخر بماه يطفْْي ناره الحيــّّه

ومركبكم أدنى نسـايـم نود ٍٍٍ إتفــرّّه=والكل منكم غريق ٍٍ في بحر غيــّّه

يا ليتكم تِِلحقون الكــرّّه . الفــرّّه=يا عالم ٍٍ بالجهل والكذب مبليـّّه

زايف سراب الخَطا . خسران من غـرّّه=وأنتم لكم في سبيله . روحه وجيـّّه

تظاهرون إبمعرفـة ما خفى سِِــرّّه=وإبلا وعي تِِلحقون .. السيـّّه السيـّّه

ضاق ابكم الكون من بحره ليا بـرّّه=وبعتوا المعـزّّه بملفى بارد الفيـّّه

إعقولكم فارغه .. وأقلامكم حــرّّه=و شيـّّـيــّّن بالذات منكم عاد مبليـّّه

وآشيب عين . الشعر . والحب . يا شـرّّه=من عالم ٍٍ بيـتـت في هدمها النيـّّه

الحب . يشكيه من لا عذّّبه حـرّّه=لو إن ضلوعه من اللوعات مكفيـّّه

كلاّّك ويغـرر . إبكلاّّكه إتغــرّّه=والسمّ فالداب . والا ّّ . السم ّّ فالحيــّّه

والشعر . يسبح بجمّّه من جهل درّّه=ناس ٍٍ على الدبْك لا هاذي ولا ذيـّّه

غررّ بها اللي عبث ما قالت إيقـرّّه=وكل ٍٍ قطع بالوهم له صكّّ ملكيـّّه

ويا قلّّ من جارف التـيـّّار ما جـّّره=والخلْـق بالحقّّ .. مآموره ومنهيـّّه

ما آعمّّـمّّ الجيل . بس أغلـبْه في شـرّّه=عليه صفحة ضياع الفكـر مطويــّّه






.

ضويحي العماني
14-01-2009, 10:47 AM
.








عذبت قلبي بين لوعات وإظنون=وأشبعت جوفي غيض وأسهرت عيني

أصحى بغبني منك وآبات مغبون=والنار صالي حرّّها يكتويني

والحال يا مشقيه من دون في دون=من لدّ فيني قال لي .. ويش فيني

عقب العقل لبستني ثوب مجنون=ياللي على درب الممات إتحديني

وشلون أبسلا عنك والقلب مرهون=مع هاجس ٍٍ بين الحنايا مكيني

يلوف قلب ٍٍ مبلي ٍٍ به مفتون=حتى وانا في مجلسي يهتديني

لا مرّني غيـّّب عن عيوني الكون=إلين يسرقني عن الحاظريني

أومي بمسباحي من الهم بالهون=شارد ذهن .. لو العرب جالسيني

وآسج مع هم ٍٍ بالأضلاع مكنون=وإيبيــّّح بهمي لغيري ونيني

وإن برقـوا بي قمت قبل يتحاكون=ومن قبل بالنشده حد ٍٍ يبتليني

ضايق صدر وبخنجر الهم مطعون=لا أبي قربه ولا أحد ٍٍ يبيني

وإن ناحت الورقا على الغصن بلحون=مالي جدا يا كود فركة يديني
.
.
.







0

ضويحي العماني
14-01-2009, 02:08 PM
.





. تعــديل للمشاركة للأبيات الماضيه . :-
ـــــــــــــــــــــــــــــــــــــــــــــــــ







عذبت قلبي بين لوعات وإظنون=وأشبعت جوفي غيض وأسهرت عيني

أصحى بغبني منك وآبات مغبون=والنار صالي حرّّها يكتويني

والحال يا مشقيه من دون في دون=من لدّ فيني قال لي .. ويش فيني؟!

عقب العقل لبستني ثوب مجنون=ياللي على درب الممات إتحديني

وشلون أبسلا عنك والقلب مرهون=مع هاجس ٍٍ بين الحنايا مكيني

يلوف قلب ٍٍ مبلي ٍٍ به مفتون=حتى وانا في مجلسي يهتديني

لا مرّني غيـّّب عن عيوني الكون=إلين يسرقني عن الحاظريني

أومي بمسباحي من الهم بالهون=شارد ذهن .. لو العرب جالسيني

وآسج مع هم ٍٍ بالأضلاع مكنون=وإيبيــّّح بهمي لغيري ونيني

وإن برّّقـوا بي قمت قبل يتحاكون=ومن قبل بالنشده حد ٍٍ يبتليني

ضايق صدر وبخنجر الهم مطعون=(لا احد ٍٍٍ أبي قربه ولا أحد ٍٍ يبيني)

وإن ناحت الورقا على الغصن بلحون=مالي جدا يا كود فركة يديني

..
..
..







0

ضويحي العماني
15-01-2009, 09:58 AM
.









جادل ٍٍ .. من شفتها مالي بلاد ألا ّّ .. بلدها=كنّّ ربي ما خلق من جنسها أحد ٍٍ سواها


جادل ٍٍ .. لا قبلها في الزين . زين ولا بعدها=مدهل الليل الشـَعـر . والشمس . للغرّّه وضياها


ل أقبلت يسعد صباح النور . لا شعّّ إبسعدها=ول أقفت بليل ٍٍ تثـرّّه نسمته . يسعـد مساها


كلّّ ما لدّّت لي بسلهامة ٍٍ .. ضميـّّت يدها=وقلت .. أنا في وجه من علـّّق بك الروح ورجاها


ثم شعتني مزنة ٍٍ تبرق ولا يُسمع رعدها=وضمّّت إيديها على كـفّّي و ردّّتها لحشاها


ولا تشكى جمرها المغرور .. من عضـّّة بردها=أنكر القلب الحيا .. حتى يوّردني صلاها


وأرتِشف من ورديتين ٍٍ من رشف حالي شهدها=طاوله مضمى شفات ٍٍ .. من ورََدها . ما رواها







.

ضويحي العماني
15-01-2009, 11:11 AM
.






في البدايه قالوا انه بطل ( قومي ) .. [ ومن ناحيتي اشوفه يستاهل ]

( وبعدين يدخل بوابة الابطال القوميين بحذاء !! .. وين المشكله يعني نظرا ًً للفقر في ابطال القوميّه

العربيّه هاليومين .

والقوميّه أداه أثبتت فشلها عربيا ًً على مرّ القرن الماضي .. او بالأصح من ماقبل الإسلام حتى جاء

هالدين الخاتم وخلص العرب من هيمنة الفرس والروم ) .

ثم طالبوا أن يكون الحذاء رمزا ًً لقوميتهم .. [ وقلنا رحم الله إمراءً عرف قدر نفسه ] .

وكويس اللي إقتنعوا منظرين القوميه فالوطن العربي .. واللي أغلبهم من أصول غير عربيه !!

وفالأخير (جابوا العيد) !.يطالبون ان يكون الحذاء رمز إسلامي على زعمهم لأنهم يرون الرمي بالأحذيه

عمل بطولي وفي نفس الوقت يعتبر .. تعبير بطريقة سلمية !! ..... بالمقارنه مع حزام ناسف !!








دنياك فيها العجب يا حضرة الساقي=والناس كل ٍٍ يشيل الصوت من صوبه


وهي كلها فانيه .. محد ٍٍ بها باقي=والرزق مقسوم .. والآجال مكتوبه


والآمـّّه اللي تلبّّي (لحذوة عراقي)=أنا أشهد إنها من أدنى العزّّ مسلوبه


ولولا اختلاف البشر بعقول وأذواقي=كل ٍٍ خذا ثوب غيره .. وألبسه ثوبه


الآمّّه اللي عليها وقتها ضاقي=يقينها النصر .. والآيام محسوبه


نصر ٍٍ بروقه تلوح بعرض الآفاقي=تقضي به الثار .. والعدوان مغصوبه


وبجود رب ٍٍ له يذلنّ الأعناقي=إن تجلي الذل والحقران وكروبه







.

ضويحي العماني
16-01-2009, 11:27 PM
.









جادل ٍٍ .. من شفتها مالي بلاد ألا ّّ .. بلدها=كنّّ ربي ما خلق من جنسها أحد ٍٍ سواها


جادل ٍٍ .. لا قبلها في الزين . زين ولا بعدها=للشعر .ليل الدجى .. والشمس .للغرّّه ضياها


ل أقبلت يسعد صباح النور . في مشرق سعدها=ول أقفت بليل ٍٍ تثـرّّه نسمته . يسعـد مساها


كلّّ ما لدّّت لي بسلهامة ٍٍ .. ضميـّّت يدها=وقلت .. أنا في وجه من علـّّق بك الروح ورجاها


ثم شعتني مزنة ٍٍ تبرق ولا يُسمع رعدها=وضمّّت إيديها على كـفّّي و ردّّتها لحشاها


ولا تشكّى جمرها المغرور .. من عضـّّة بردها=أنكر القلب الحيا .. حتى يوّردني صلاها


وأرتِشف من ورديتين ٍٍ من رشف حالي شهدها=طاوله مضمى شفات ٍٍ .. من ورََدها . ما رواها







.

ضويحي العماني
16-01-2009, 11:53 PM
.








ياللي لك الشوق يآمرني و ينهاني=ياليت يومك ملكت القلب حنّّيته


والله لو أشقاك ما أشقاني وعنّّاني=ما كان ولـّّـعت خفـّّاقي و خليته


ولو جاك من لايع الأشواق ما جاني=ما كان مرسالك و صوتك تباطيته









.

ضويحي العماني
17-01-2009, 02:30 AM
.




( مواطي القدم )






فمان الولي و إستر على كل ما واجهت=ومسموح حتى . لو تثاقلت تسترها
صفا عشرة ٍٍٍ . خدّّرت قلبي بها و دهدهت=عليه .. وغـفا بإيد ٍٍ . فجعته خناجرها
بياض الوجه حقـّك علي ّ وين ما وجّّـهت=وذا طبع من عِِــشرت رفيقه يقدِّرها
ومصير السنين إتعلمك لو جهلت وتهت=مثل ما كشفت لي دروب كذبك من آخرها
ولا بان لك سرّ ٍٍ قضى البعد وإتنبـّّهت=سبب صدّت اللي سكـّّته ما يغيّرها
فوقت ٍٍ مضى . ما هوب راجع ولو ودّّهت=جتك . وانت فسرها على ما تفسرها
وعذري معي لو قلت ما قلت و أتفوّّهت=(وانا وافـي ٍٍ .. يكره من الناس غادرها)
يا ليتك بقيت إبعيد عنّي ولا شوّّهت=طهر صورة ٍٍ لك فالحشا كنت حافرها
على ما ثبت لي من ( دليل الغدر ) نوّّهت=بعد ما عرفت الخافيه من مصادرها
ولا هوب ذنبي يا عنا الحال لا نزّّهت=مواطي القدم .. عن سكة ٍٍ . هي تحاقرها








.

ضويحي العماني
17-01-2009, 05:34 AM
.




( غرام ألفين وألفين وإثنين )







ودعتك الله .. وش بقى يا أدعج العين=امن الغلا .. وألْْحِِــق عليه الحسافه

ما دام أنا وياك .. ما أنّّا متساويين=أخذي من المقـفـْْي صريح إعترافه..

أنا خِِلقت بقلب .. ماهو بقلبين؟!!=وبيني وبينك بعد فرق ومسافه!!

أنا خفوقي يسكنه واحد .. و زيـــــــــــــــن!=وأنتي على قلبك تجوز الإضافه!!

يعني . بدال الواحد إيعشق عشرين!!=عادي .. ولا فيها لمثلك كلافه!!

وأنا غرام ألفين وألفين وإثنين=مابيني وبينه رباط و ولافه!!

قلبي نفر واحد!! . وعل ّّ الله إيعين=وزود ٍٍ على ضيقه .. بعد فيه آفه..

ماهوب يقبل جمع .. ما بينه وبين=أي آدمي .. لو منزله في الوصافه

واحد .. ولا يقبل بقسمه على أثنين=عدد صحيح .. وما يجوز إنتصافه!!







.

ضويحي العماني
17-01-2009, 03:20 PM
http://www2.0zz0.com/2009/01/17/08/339328802.jpg

ضويحي العماني
18-01-2009, 04:24 AM
.







لوإنّ قلبي .. بعـد طول النوى طاب=ما شفتني عقبك مثل ما أنت شايف

حاولت أدوّّر غيرك لقلبي أحباب=ولا لقيت امن الولايف .. ولايف

ما لاف نبض ٍٍ حبك بداخله شاب=غيرك .. من عيون الغنادير لايف

وإن لدّّ . لي طرف ٍٍ مُــوِد ٍٍ .. بترحاب=صدّّيت صدّّت .. مستطير ٍٍ وخايف

تطري علي ّّ .. وآقول . وش جاب لا جاب=وأنت اللي بحسنك تضيع الوصايف

أزريت أبادل غيرك . إعجاب .. بإعجاب=ما كنّّي .. ألا ّّ عن هوى الغيد عايف

قد قلت لك .. بإنْ مجلسك .. بين الأهداب=ومتربع ٍٍ وسط الضلوع النحايف

ولو مال وقتي و أقفت وجيه الأصحاب=ماني على غيرك .. كثير الحسايف







.

ضويحي العماني
19-01-2009, 09:05 AM
.



http://khozamanajd.com/upload/najd/540.gif

ضويحي العماني
19-01-2009, 02:21 PM
.




الا يا حمام ٍٍ ناح فوق الغصون بهون=ترفـّّق بحالك يا رقيق الجناحيني

ليا عوّّدت من دون يا هل الحكي في دون=وهاب الذليل . وعوّّد العـِلم عـِلميني

حرام . إن نرد أطلق شنب صاغر ومغبون=وذا طبعنا يا هيه فالعسر والليني

ولا يجوز ذكر اللعنه ألا ّّ على الملعون=وبعض البشر ما ربْْح دنيا ولا ديني

ول أطبق وعيد الله على الطاغيه شارون=فلا من شَره يشَره على اسحاق رابيني

و دام المداوي يلعب بثوبه .. ف . بلعون=ما تلقون في مرضاه يالربع صاحيني

تشوف المجنن كل راعي عقل مجنون=عسى اللي بلاهم من من بلاهم يعافيني






.

ضويحي العماني
19-01-2009, 04:16 PM
.







على سِلْم الرجال اللي تحشّّم عن دروب العيب=لغير الله عزيز الروس . تدفن . ما ندنّّقها

ونحفظ قدر وافيين الشبور اللي بكسب الطيب=على راس الوفا بأيمانها رزّّت بيارقها

ونغيب . ونبعد الغيبه ولا جينا نجي ونجيب=يوم إن ولد الربادي رفّّت أمه ما يفارقها






.

ضويحي العماني
20-01-2009, 06:13 AM
.






الزمن لو إنـّّه إيقدّّر عذر بيض النوايا=كان مألحق خافقي عقب .. المطمّّه بالمصيبه

ياعظم. ما تفضح وجيه البشر عجز المرايا=وياكثر. ما تستر ثياب المظاهر من معيبه

وياكبر. ما تخفي أقنعة البرايا من رزايا=وكم تجرّّع غافل ٍٍ من صافي ظنونه . غليبه

الله أقوى .. يالصدور اللـّّي نواياها نقـايا=مالك ألا ّّ حرّّ هـم ٍٍ . يوقــد ضلوعك لهيبـه

آآه . يا ليل الهجوس اللي سواياها سوايا=في خفوق ٍٍ كل ما أونس حرّّها دوىّّ نحيبه

وآآه . يا عين ٍٍ سهرها ما يبي فيها وصايا=لْ أغفوا السالين . طيف نعاسها ماتهتني به

ليت حزن ٍٍ نوّّخ إركابه ورى حِِـدب الحنايا=ما قفل باب الحشا . وأركى على قلبي صليبه






.

ضويحي العماني
20-01-2009, 10:35 AM
.











الزمن لو إنـّّه إيقدّّر عذر بيض النوايا=كان مألحق خافقي عقب .. المطمّّه بالمصيبه

ياعظم . ما تفضح نفوس البشر . عجز المرايا=وياكبر . ما تِِستر بزيف المظاهر من معيبه

وياكثر . ما تخفي أقنعة البرايا من رزايا=كثر . ما تجزى النوايا البيض . بجحود وغليبه

الله أكبر.. يا زمان ٍٍ ما له بجزل العطايا=غير. مدّّات الشـقـا . وجروح الأضلاع العطيبه

والله أقوى .. يالصدور اللـّّي نواياها نـقـايا=مالك ألا ّّ حرّّ صبر ٍٍ . يوقــد ضلوعك لهيبـه

والله أقوى .. يا فـقر حظ ٍٍ على كثر البلايا=من عذاب الوقت . ليته . فـكّّـني شرّّه وطيبه

يشهد الله لو يساق الحظّّ . وإيباع لشرايا=إنّّ أصيح لراعي أوّّل سومة ٍٍ ينطق .’ نصـيبه ‘!

آآه . يا ليل الهجوس اللي مياسمها روايا=من خفوق ٍٍ كل ما أونس حرّّها دوىّّ نحيبه

وآآه . يا عين ٍٍ سهرها ما يبي فيها وصايا=لْ أغفوا السالين . طيف نعاسها ماتهتني به

ليت حزن ٍٍ نوّّخ إركابه ورى حِِـدب الحنايا=ما قفل باب الحشا . وأركى على قلبي صليبه








.

ضويحي العماني
21-01-2009, 12:53 PM
.







الله وأكبر .. يا مجاذبت الألحان=دمع الغليـّّم هلّه .. الله يعينه

إيلاحي الورقا على دان يا دان=إلين هاض وبيــّّح الله كنينه

يا هيه ياللي ترفع الصوت طربان=ما للثمينه كود راع الثمينه

قبل تعرّّض درب خطلان الايمان=وتضرب براسك فالجبال المتينه

وش وهّّقك بالله . ياغضّّ الاغصان؟!=لملاطم إرهاف السيوف السنينه

بابوركم لو له على الموج سلطان=لا جات في نجوم السما .. (يا عوينه)

وانته . ومن فوقه من الخلق .. لاهان=تقصر عن سهيل اليماني يدينه






.

ضويحي العماني
22-01-2009, 10:49 AM
.







الله يرحم زمان الحب وسنينه=قبل أدفنه في مهاده داخل أعماقي

مات .. وترك للحشا جرح ٍٍ بتدوينه=وذكرى ًً . تناثر مدامعها على أوراقي

ولكن الميـّّت أمـّّا يـِذِِكر بزينه=وألا ّّ بطلب رحمة ٍٍ .. مع ذِِكره إتساقي

وأنا من الذكر ما خلـّّت لي إيدينه=ألا ّّ عذاب ٍٍ توسّّـد ليـله أحداقي

لكن عفا الله . عن قسوة سكاكينه=في خافق ٍٍ ما بقـى به غيرها باقي






.

ضويحي العماني
23-01-2009, 10:42 AM
.








يا رفيقي ما على الدنيا غريب=هاذي الدنيا كفى الله شرّها

من رشف من حلوها لا يستريب=ل أروته سود الليالي مرّها






.

ضويحي العماني
24-01-2009, 02:26 AM
.









دام النظر مسكنـْك والقلب بيتك=سـوّ اللي إتسـويه ما والله أنهاك

ما أعطاك غير اللي قسم لي و جيتك=و ولاّّك نفس ٍٍ ما أذعنت غير لرضاك

لو هي علي ّّ يا معذبي ما عطيتك=إمن الغلا ما حطّ قلبي بيمناك

لا اتطاوع الشكّات في مستميتك=ولا تستمع بي هرجة اعداي و اعداك

ولاتِحسِب إنّي يا حبيبي نسيتك=الشاهد الله دامني حي ّّ .. ما أنساك

وما والله يموت الرجا .. لا خليتك=في خافق ٍٍ ماله دوى غير لاماك







.

ضويحي العماني
24-01-2009, 06:30 AM
.








لي براس الطويله=عن إسواها مبان

أتوقه وآعني له=و لا أرضى بالهوان

تخيّرته بويله=عن دروب بالطمان

وكل ٍٍٍ عنّّ خيله=والايام إمتحان

وكل ٍٍٍ له دليله=و لا فيها ضمان

وناتج كل حـِيله= يبينها الزمان






.

ضويحي العماني
24-01-2009, 09:24 AM
.








لي براس الطويله=عن إسواها مبان

أتوقه وآعني له=عن دروب الطمان

تخيّرته بويله=و لا إمريح الهوان

وكل ٍٍٍ له دليله=والايام إمتحان

وكل ٍٍٍ عنّّ خيله=بلا شرط وضمان

و عادات الجزيله=تبي واسع بطان

وناتج كل حـِيله= يبينها الزمان






.

ضويحي العماني
25-01-2009, 10:46 AM
.







حيل الله أقوى وش لي بطرد الأوهام=أزريت أداريهـا وأعـدّل عوجهـا
رجاي فالله دامها .. ميلـة أيـام=ولا تضيـق .. ألا ّ علـى الله فرجهـا







.

ضويحي العماني
26-01-2009, 01:59 PM
.






يموت المواصل .. بس كبر الغلا ما مات=عليك الله أكبر يالقلوب الهواويـّه

يجدد صدوق الود ّ في جوفها ما فات=وعلى العهد تبـقى في نـقا وِدّهـا حيـّه




.

ضويحي العماني
26-01-2009, 03:18 PM
.





علّم اللي قد له أيام إيتصدد عـنـّا=لا يهـقا أنـّا فاللوازم حاسبين إحسابه
ودام مقطوع الرجا ما جاه شي ٍٍ منـّا=ف وسّـده علـم ٍٍ يبيـّن فالحشا مضرابه
والله إن اللي سواته لو جفا ما أشحنـّا=ثالث أعياد السنه لأقفت ظهور إركابه




.

ضويحي العماني
26-01-2009, 05:09 PM
.






قد سمعتوا .. بالهبال أمرح خلا ؟؟!!=.. النفي . طبعا ً جواب أهل العقول

لان منزاله وسط روس الملا=ولا يعشـّّي كود .. في راس مهبول

ف لا تبلاّنا السفيه المبتلا=ف غير حمدالله وشكره .. وش نقول






.

ضويحي العماني
26-01-2009, 06:15 PM
.



هزل ..

وأنصح بعدم تجريبه !




يا ضايق الصدر طقّ براسك الطوفه=والله . ماهي بلحية وسّع الخاطر

الوقت يبلا وسيع الصدر بصدوفه=ويضيّع المقتدي .. ويتوّه الشاطر




.

ضويحي العماني
27-01-2009, 11:32 AM
.






ياهيه .. يأغلى صدفة ٍ لاحت بلا سابق وعد=أنا زبون الغاليه وألا ّ الرخيصه عَـدّها

لدّ النظر بإسم الغلا يا هيه .. وأبشر بالسعد=والكلمه اللي تستحي من عاقبتها بدّها





.

ضويحي العماني
27-01-2009, 05:46 PM
.






من طوّل الغيبات جاب الغنايم=ياللي لقاك و شوفك أكبر .. غنيمه






.

ضويحي العماني
28-01-2009, 03:08 AM
.







يقولون العرب .. ذكر الحيَا والغانمين إيبين=وأنا آقول أشهد إنـْها كلمة ٍٍٍ ما زلّ قايلها


ولو نار الحسد ساقت لغط ّ النور بارد عين=فلا أنقص بالحكي .. قوم ٍٍ فعايها تجمّلها





.

ضويحي العماني
30-09-2011, 03:55 AM
.

ضويحي العماني
15-03-2012, 12:51 AM
.....