الطماطم خاس واعدم لي الخيار//والبصل والثوم بيعه منكده((قصيده في السعوده))

[فلاح بن عريج]

اعظاء منتديات خزامى نجد


الله يسعد مساكم بالخير والمسرات,,كنت اتصفح المنتديات


ولقيت هالقصيده عن السعوده :130: ,,ومع الاسف بانه لم يكتب اسم شاعرها واتمنى

من اللي يعرفه يوضح لنا الله يجزاه خير ,,ونترككم مع القصيده



:115:


:tbup: :tbup: :129: :97:





ياقصيبي لو سمحت وباختصار= قول وش قدم نظام السعودة

عند مكتبكم طوابير انتظار= كل يوم أعدادها متزايدة

لا تقول ان المهن تبغي اختبار= ويشترط خبرة سنين محددة

ومن نجح يبقى عليه الإختيار= والوظيفة بعد عامين بيده

البطاله في تزايد وانتشار= وشروطك يالوزير معقده

حلها واضح ولايبغى قرار=ابعدو عنا العمالة الوافده

وانا بحكي قصتي باعتبار= الكلام اللي براسي بسرده

كنت قبل العام بايع للخضار= اشتري وابيع دون الفايده

المحل مترين والايجار نار= والبضاعة كل يوم فاسده

الطماطم خاس واعدم لي الخيار =والبصل والثوم بيعه منكده

والزبائن عند جاويد افتخار =جاري الهندي تجيه وتقصده

مابقى غير المرايا بالجدار =والمكيف والخشب والمنضده

قلت أفكر اشتغل تاكسي مطار= نحمد الله المهن متعدده

وابتديت الشغل من بعد الفطار=وانتهيت الليل بعد الواحده

منتحل شخصية الهندي كومار= الشنب محلوق والراس افرده

والسبب اني سعودي ابن الديار=حظي ماهو حظ هندي اسعده

ضايقونا من يمين ومن يسار= لعنبو شغل الشوارع محسده

الخصوصي يشتغل وضح النهار=لا رقيب ولا مرور يطارده

ولو اصادف حرمه تحذفني بالحجار= كنني ابليس فوق المقعده

وجمعت المال من بعد اللي صار= وياحسافه يوم قمت اعدده

مايكفيني مصاريف الصغار= والديون اللي بفكري شارده

والفواتير والمعيشه والإيجار= والعقل باقي القليل ونفقده

وياقصيبي لو سمحت وباختصار= ابعدو عنا العمالة الوافده



منقــــــــــول

[السنافيــة]

شاعرنا القرم

" بعيد المراميس "

:)

تسلم يمناك لاعدمناك


وصح الله من قالها مدد ماله عدد أنشهد إنه كفى ووفى بأبياته






دمت في عز






أختك
السنافيـــة

[الم نجد]

صح لسان شاعرها وسلم الله يد وقلب ناقلها

[مــذهــلــه]

اهلين بعيد

والله انه صاااادق

معانااااااااااااااااة من جد

صح لسانه

يسلمووو29*

[عثمان العبدالله]

هلا وغلا بك أخي الكريم/ بعيد المراميس
وهذا ردي على راع القصيده:


القصيبي لو رفع هذا الشعار = البلد يشكي امور معقده
الأمر والنهي بيدين الكبار = ومن حواليهم بطانه فاسده
الفيز تمنح مثل ارض وعقار= وتشترى وتباع محدٍ يجحده
والتجاره قايمه دون انحسار= وكل فاسد ما لقى من يقرده
يعصر العامل ولا فكر بنار = دام يمسك بالضعيف من يده
والسعودي لو فقيرٍ باختصار= املسٍ راسه كبيرٍ ما اعنده
ولا يوفر ولا يعرف الإدخار= بالمظاهر عايشٍ ما ابلده
لا نظرت كشخته والفكس آر= قلت هذا بالثراء ما اسعده
صك اعساره بيمنى واليسار = تسكب المرزام فخ ومصيده
والسعودي عارفين إنّه دمار = يابس راسه وياما اعقده
إن فقر يشكي على خلٍ وجار= ولا اغتنى يطغى على من يقصده
ساترٍ متسترٍ خلف الستار = والعماله بالدراهم ترفده
لو بغى يكدح لقى شغل العمار= ما يبي خبره ولا من يطرده

وسلامتكم

[مي]

حلووووووه يابعيد المراميس والا حلى رد عثمان العبدالله

خاصه
والسعودي لو فقيـرٍ باختصـار
املسٍ راسه كبيـرٍ مـا اعنـده

هههههههههههههههههه اي والله مااعنده <<<<<<<< وهذا اللي مزينهم خخخخ

[شفق السريّع]

لله درك يا بعيد المراميس


اخترت و جبت هالقصيده الاجتماعيه المأساويه المضحكه



و اجاد الاخ عثمان العبدالله في الرد بإسلوب ساخر و رائع



تحياتي لكم

[فلاح بن عريج]

شاعرنا القرم

" بعيد المراميس "

:)

تسلم يمناك لاعدمناك


وصح الله من قالها مدد ماله عدد أنشهد إنه كفى ووفى بأبياته






دمت في عز






أختك
السنافيـــة



الاخت السنافيه


هلابك والله يسلمك ويسلم غاليك


ولاهنتي على المرور اللي نور المشاركه ,,وبالفعل


قصيده تستحق الاهتمام


ولك فائق التقدير

[فلاح بن عريج]

صح لسان شاعرها وسلم الله يد وقلب ناقلها



الم نجد


هــــلابك والله يسلمك

ويسلم غاليك والف شكر على مرورك

اللي نور القصيده :76:

[فلاح بن عريج]

اهلين بعيد

والله انه صاااادق

معانااااااااااااااااة من جد

صح لسانه

يسلمووو29*




هلابك اختي مذهله


افا عليك مانجيب ولا نختار الا المميز :90:

الفكاهي المضحك اللي مايزعل احد :90:

والف شكر لمرورك

[فلاح بن عريج]

هلا وغلا بك أخي الكريم/ بعيد المراميس
وهذا ردي على راع القصيده:


القصيبي لو رفع هذا الشعار = البلد يشكي امور معقده
الأمر والنهي بيدين الكبار = ومن حواليهم بطانه فاسده
الفيز تمنح مثل ارض وعقار= وتشترى وتباع محدٍ يجحده
والتجاره قايمه دون انحسار= وكل فاسد ما لقى من يقرده
يعصر العامل ولا فكر بنار = دام يمسك بالضعيف من يده
والسعودي لو فقيرٍ باختصار= املسٍ راسه كبيرٍ ما اعنده
ولا يوفر ولا يعرف الإدخار= بالمظاهر عايشٍ ما ابلده
لا نظرت كشخته والفكس آر= قلت هذا بالثراء ما اسعده
صك اعساره بيمنى واليسار = تسكب المرزام فخ ومصيده
والسعودي عارفين إنّه دمار = يابس راسه وياما اعقده
إن فقر يشكي على خلٍ وجار= ولا اغتنى يطغى على من يقصده
ساترٍ متسترٍ خلف الستار = والعماله بالدراهم ترفده
لو بغى يكدح لقى شغل العمار= ما يبي خبره ولا من يطرده

وسلامتكم



هلابك اكثر ,,,اخوي عثمان


ولاهنت على المشاركه في الموضوع

والله يسلمك ,,

[فلاح بن عريج]

حلووووووه يابعيد المراميس والا حلى رد عثمان العبدالله

خاصه
والسعودي لو فقيـرٍ باختصـار
املسٍ راسه كبيـرٍ مـا اعنـده

هههههههههههههههههه اي والله مااعنده <<<<<<<< وهذا اللي مزينهم خخخخ




ههههههههههههها هلابك ,,والاخ عثمان ماقصر كفى


وزياااااااااااده ,,ولاهي غريبه عليه,,,والف شكر لك على المرور

[فلاح بن عريج]

لله درك يا بعيد المراميس


اخترت و جبت هالقصيده الاجتماعيه المأساويه المضحكه



و اجاد الاخ عثمان العبدالله في الرد بإسلوب ساخر و رائع



تحياتي لكم



الاخ شفق السريع

هلاوالله وغلا,,ومرحبابك وبااسمك زاد الموضوع روعه



والله لايهينك على مرورك اللي نور المشااااااااركه




تحيااااااااااتي لك