PDA

مشاهدة نسخة كاملة : قصه وقصيده(حجرف الذويبي)


سعد بن مناحي بن شفلوت
28-10-2004, 09:55 AM
حجرف ابن عياد الذويبي

من شيوخ بني عمرو من حرب

كان مشهودا له بالكرم،حتى بعد مانفد ماعنده من حلال ،اثقل على جيرانه وجماعته من كثر مايعطونه من حلالهم لكن الرجال زاد كرمه على طاقة جماعته0
فشدوا منه بسبب ذلك وقعد لحاله ولاعنده شي0
ولكنه بعد ماشاف الحيه العميا في الشجره عندما وقع عليها الطير يحسبها غصن فأكلته،،
قال يرزقنا اللي رزق ذالحيه العميا 00
وعندما ورد على الماء وجد ابل كثيره ضايعه فاسقاها وتقفّاها لاهله ثم لحق بجماعته 0(بأختصار)


وقال هذه الأبيات:

يقول ابن عياد وان بات ليله=
مانيب مسكين همومه تشايله
انا لي ضاقت على تفرجت=
يرزقني اللي ما تعدد فضايله
يرزقني رزاق الحيايا بجحرها=
لا خايلت برق ولا هيب حايله
ترى رزق غيري ياملا ماينولني=
ورزقي يجي لو كل حي يحايله
جميع ما حشنا ندور به الثنا=
وما راح منا عاضنا الله بدايله
نوب نحوش الفود من ديرة العدا =
ونخزز اللي ذاهبات عدايله
خز بالايدي ما دفعنا به الثمن=
ثمنها الدمي بمطارد الخيل سايلة
مع لابة فرسان ننطح به العدا=
كم طامع جانا غنمنا زمايله
نكسب بهم عز وننزل بهم الخطر=
ولا هيب من قفر رعينا مسايله

هذا والله اعلم

تركي بن ماضي
28-10-2004, 10:59 AM
صح لسانك وسلم بنانك ولاهنت يالغالي ...

تركي بن ماضي
28-10-2004, 11:03 AM
ابن حبشان ولا يهون من يقرأ ...

هناك قصة وقصيدة لا اضبطها في الحقيقه ولكن من ابطالها الذويبي رحمه الله ...

بعض الابيات قد تذكرك بالقصة والقصيدة يالغالي ...


يعطي العطا من هو ضاري للعطاء=ويهاب العطاء من كان خاله لاش
اكلنا واكل الذر من سورنا=وللذر في بيوت الكريمين معاش
دمت بود ...

مبارك بن حسين
28-10-2004, 11:18 AM
ابن حبشان

لاهنت على الاختيار الطيب

موفق

ريم الذيب
28-10-2004, 04:41 PM
مسيكم بالخير


تسلم ابن حبشان قصيده جزله واختيار جميل

لكن اخي هناك ما أود ان اضيفه .. فهذه القصيده تتضمن ابيات
اختلف العامه في نسبها ومنها البيت هذا ..


يرزقني رزاق الحيايا بجحرهـا =لا خايلت برق ولا هيب حايلـه

فهناك اخبار تنسبه للخلاوي راشد وهناك من ينسبها للذويبي وهم الأكثر والأغلب

وفيما ذكر العلامه / عبدالله بن خميس في كتابه ( من القائل ) الجزء الثالث
ان هذا البيت للذويبي فقط مع بيت آخر دون كامل القصيده وهما ..


برزقني رزاق الحيايا بجحرها = لا خايلت برق ولاهيب حايله
انا رزق غيري ياملا مايجيني = ورزقي يجيني لون حي يحايله

لكن نجد انه ذكر في كتابه ( الشوارد ) الجزء الثالث على ما اعتقد

ان هذا البيتين للخلاوي .. واضافه له هذا البيت ...



إلى من رفيقٍ شح علينا بماله = ذكرناه باللي قد مضى من جمايله

ايضا تتعد الرويات حول نسب هذا البيت في هذه القصيده وهناك ابيات
بنفس الوزن والقافيه يتناقلونها العامه على انها للخلاوي بالإضافه الى ماسبق من الابيات وهي ..


وانا كل ما ضاقت حياتي تفرجت = ومانيب مثبور همومه تكايله
ولا دورت للسعر وسط القرايا = ولا وردت عد طوال ثمايله

وقيل ان مناسبة هذا البيت لدى الخلاوي .. ان منيع بن سالم ممدوح الخلاوي اراد ان يختبر وفاء
راشد بعد ما حل عليه ضيفاُ وقد انهكه السفر وهده السير وضامه الدهر وكان يأمل في منيع ان
يعينه ويغنيه .. الا ان منيع طلب من مخدومه ان يعتذر للخلاوي ويطالبه الرحيل فعاد الخلاوي ادراجه
دون ان يطلب تفسير وطلب من مخدوم منيع ان يبلغه السلام ... امر منيع احد رجاله ان يلحق بالخلاوي
وكان معه ابنه دون ان يعرفوا انه من طرف منيع ويعود له بعد حين ليخبره من أمر الخلاوي بعد ان صده

وخلال مسير الثلاثه انشد ابن الخلاوي هذا البيت في ناقته يقصد به منيع ...



عنينا وعنيناك يا ناق فاصبري = إلى بارقٍ ماتنثر الما مخايله

فلامه ابوه وعنفه ورد عليه بهذا البيت على نفس الوزن والقافيه ..


إلى من رفيقٍ شح علينا بماله = ذكرناه باللي قد مضى من جمايله

وبعدها كانت تتمة الابيات لبعض من ابيات قصيدة الذويبي ومنها البيت المذكور اعلاه
فما كان من الرجل المرسل مع الخلاوي الا ان يعود لمنيع ويخبره ما حدث مع الخلاوي وابنه
فأرسل منيع في طلبهما واجزل له من العطايا واكرمه ...

وفي كتاب عبدالله بن خميس المخصص لحياة وشعر الخلاوي ...
نجد انه لم يذكر قصيده للخلاوي بهذه القافيه غير هذه البيتين

لكن من خلال ماسمعناه انها بعض الابيات للخلاوي والأخرى للذويبي
لكن البيت المقصود به الرزق حتماً لراشد الخلاوي
هذا والعلم عند الله



الاخ/ تركي بن ماضي

عذرا للمداخله ...

الابيات التي ذكرتها هي لرجل ( درويش ) او متدروش حل على رجل من الباديه فلم يكرمه
واهمل ضيافته وبينما هو ضيف في بيت هذا الرجل اقبل عليهم ضيف آخر من كبار وأمراء البدو
يريد خطبة ابنة هذا الرجل فذبح له ذبيحه وبالغ في اكرامه ولما حان عشائهم طلب الامير من
المعزب ان يدعي هذا الدرويش للعشاء فقال الدرويش هذه الابيات بعد ان تعشى معهم ...


شبعنا وشبع الذر من وفر سورنا = وللذر من زاد الرجال معاش
ويعطي العطا من كان ضار بالعطا = ويمن العطا من كان خاله لاش
ومن لا يعرب منسبه قبل منشبه = راحت عليه الملزمات بلاش

فأدرك هذا الامير ما يرمي اليه الدرويش ان المعزب غير كفؤ لمصاهرته

اتمنى اني اضفت مايفيد


.
.
.

عبدالرحمن بن عيد
28-10-2004, 08:17 PM
ابن حبشان



الله يعطيك الف عافيه يالغالي


والله اني من طفولتي وانا ادور هالقصيده كامله


الله يجمل حالك




حجرف الذويبي شاعر وامير وفارس وكريم من بني عمرو من قبيله حرب






واتوجه بالشكر الجزيل لراويتنا الرائعه ريم الذيب


على مجهوداتها الملحوظه وابداعها وتميزها


اخوكم


عذاب الغراميل

تركي بن ماضي
29-10-2004, 06:28 AM
ريم الذيب مشكور مليون ....


تسلم ..

ماجد الخثـلان
29-10-2004, 05:17 PM
ابن حبشان

سلمت يمناك يالوافي
اختيار جزل
لشاعر وفارس مشهور
رحمه الله

سلمت يالغالي

/

/

/

والشكر الجزيل للكاتبه المبدعه / ريم الذيب
على إضافتها للمعلومات القيمه
واقول .. تسلم اناملك يا ريم

سعود القحطاني
30-10-2004, 04:42 AM
ابن حبشان

لاهنت يالسنافي على هذا الطرح

لرجل علم في الكرم رحمه الله ورحم الله والديك

تحياااتي يالقرم


ريم الذيب

الابيات التي ذكرتها هي لرجل ( درويش ) او متدروش حل على رجل من الباديه فلم يكرمه
واهمل ضيافته وبينما هو ضيف في بيت هذا الرجل اقبل عليهم ضيف آخر من كبار وأمراء البدو
يريد خطبة ابنة هذا الرجل فذبح له ذبيحه وبالغ في اكرامه ولما حان عشائهم طلب الامير من
المعزب ان يدعي هذا الدرويش للعشاء فقال الدرويش هذه الابيات بعد ان تعشى معهم ...




شبعنا وشبع الذر من وفر سورنـا
ولـلـذر مــن زاد الـرجـال مـعــاش
ويعطي العطا من كان ضار بالعطا
ويمـن العطـا مـن كـان خالـه لاش
ومن لا يعرب منسبـه قبـل منشبـه
راحــت علـيـه الملـزمـات بـــلاش


لله درك كاتبتنا الرااائعه والمؤرخه00 فلتفخر خزامى بوجود ريم الذيب
من بين اعضائها لذلك نفخر جميعا بك اختي الكريمه
لك مني عاطر الورد وخالص الود

تحياااتي للجميع

المـ،،،ـافـر
30-10-2004, 05:19 AM
لاهنت يالغالي وصح لسانك ولسان من قالها
مشكور يالذيب وعساك على القوة

نواف بن طواله
01-11-2004, 12:47 AM
السلاام عليكم

قصه في قمة الرروعه
القصص القديمه
تحمل الكثير من الحكم

http://www.al-wed.com/pic-vb/99.gif

نواف الطواله

جنوبيــــــه
02-11-2004, 07:40 AM
ابن حبشان


قصه وقصيده رائعه
الله لايهينك
ويسلم يمناك




تحياتي

ريحة العود
02-11-2004, 08:00 AM
ابن حبشان سلمت وعساك على القوة

لاهنت على الاختيار الموفق

نايف المقاطي
02-11-2004, 10:00 AM
ابن حبشان

تسلم على القصة والقصيده

وحجرف معروف


ريم الذيب

عسى رحمٍ جابك للجنه

والله انك أبدعتي

في الإضافه

تقبلوا تقديري

غيمار

سعد بن مناحي بن شفلوت
13-09-2005, 02:43 AM
تركي بن ماضي



هلاوغلا



تسلم ولاهنت على المرور

بحر الحنان
13-09-2005, 06:18 AM
سعد بن مناحي


::

اختيار رائع
اصالة ونقاء




::


كل التقدير


::

خالد بن ناصر
13-09-2005, 01:42 PM
:
:

سعد بن مناحي

:
:


قصة وقصيدة رائعة

يعطيك العافية

ولاهنت على الاختيار الراقي

:

دمت بخير

لك تقديريـ

محمد السليس
13-09-2005, 07:00 PM
لاهنت يالغالي وصح لسانك ولسان من قالها
مشكور يالذيب وعساك على القوة