الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة واعنا قلب من الوقت عيّا لايطيب للشاعر سعد بن مناحي بن شفلوت
 

تابع جديدي سجل زواري إهداء القصيدة رشح قصيدتي فهرس ديواني





‘‘ ‘‘ ‘‘ ‘‘

واعنا قلب ٍ من الوقت عيّـا لايطيـب=الضروف أحتدتـه والهمـوم أحتلّتـه

بين راس ٍ مايسلّم وحـظ ٍ مايصيـب=ياكثـر ماعـزّرت بالضميـر وملّتـه

اشهد انها شيّبت بي قبل وقت المشيـب=غلطة ٍ هزّت ضلوعـي وقلبـي تلّتـه

وأتظاهر بالسلامه وأنا قلبـي صويـب=وأجتهد في مسح دمـع ٍ عيونـي هلّتـه

وكل جرح ٍ للدوى يمكن انّه يستجيـب=البلا في الوقـت عيّـت تـداوا علّتـه

وأن نويت أجحد وأكابر ياذاك أني طبيب=أستجد الجـرح والوقـت غيّـر ملّتـه

مابقى للصبر طاقه ولا للطيـب طيـب=والسكوت أصبح وجوده يشابـه قلّتـه

وش يفيد الصمت والصد مايرضي قريب=شَلّتـه سـود المشاريـه والاّ خَلّـتـه

جعل ظني في قلال البصايـر مايخيـب=عالـم ٍ لاشافـت الطيـن زادت بلّتـه

دمت لي ياهاجس ٍ لازهمتـه مايغيـب=من هجوس ٍ لانوت بالقصيـد أندلّتـه

خابرك لاصرّم العلم والموقـف صعيـب=تنثني في شـف قلبـي وتحمـى حِلّتـه

اعسف مهار المثايل وجيب اللي تجيـب=من خفوق ٍ جاد هيضه وفاحـت دلّتـه

وأخذ من جزل السوالف موفية الطليب=مَضرَب ٍ يَمكَن صوابـه وتفـرا سلّتـه

لين يقنع ضامي الكبد مقطوع النصيـب=قبل لايـزداد جـوره وتكبـر زلّتـه

ماعلى من واجه الناس بالحق المصيـب=خاتمة من واجه الحـق !! بانـت ذَلّتـه

ومن جعل نفسه مابين الاشاره واللبيب=ايهبا لاأدرى خمالـه ولا أرفـى خِلّتـه


‘‘ ‘‘ ‘‘ ‘‘

نشرت بتاريخ 02-11-2005  


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير