الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة ملايين الهبات للشاعر ناصر الوادعي
 

تابع جديدي سجل زواري إهداء القصيدة رشح قصيدتي فهرس ديواني


في الدفاع عن ام المؤمنين عائشة رضي الله عنها وارضاها


نامي قريرة عيـن يمّـه وامّ كـلّ المؤمنيـن=يا عايشه يااطهر بنات آدم ويااعظمهن صفات
الله عطاك مْن الشرف عدٍّ قـراحٍ مـا يطيـن=عدٍّ على وضـح النقـا لليـوم ذا والمقبـلات
تارد عليه المؤمنات اللي لهن الاسـلام ديـن=وتخسى يديـن العابثيـن تغثربـَه والعابثـات
دونه سيوف تْسَلّ وِِرْماحٍ تشـلّ وقلـع عيـن=وعـواصفٍ تكسـر جـذوع الشرّ وتبيد الميات
والله وهبك مْن العظايم حضن خير المرسليـن=الله ماعظمها هبـه تسـوى ملاييـن الهبـات
زوجة رسول الله.. وام المؤمنيـن بكـلّ حيـن:=على اختلاف الشكل والاجناس وبكـل اللغـات
مآثرك يا كثرهـا.. وايجازهـا يبغـى سنيـن=وان جيت افصّلها فلا ظنيت تسعفنـي الحيـاة
ياكمّ احاديثٍ رويتـي عـن رسـول العالميـن=ربعٍ نصيبك.. والثلاث ارباع ما بين الـروات
والوحي ينزل دوم في حجرك على البرّ الامين=ولا قد نزل في (يوم زوجه) غيرك مْن الامّهات
وفي بيتك اصبح خير خلق الله واعظمهم دفين=من بعْد ما في حجرك توفِّي عليه افضل صـلاة

نشرت بتاريخ 13-01-2011


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير