الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة تعبنا وتعّبنا اكثـر الوقـت بالتفكيـر للشاعر سعد بن مناحي بن شفلوت
 

تابع جديدي سجل زواري إهداء القصيدة رشح قصيدتي فهرس ديواني



‘‘ ‘‘ ‘‘ ‘‘ ‘‘ ‘‘

تعبنا وتعّبنا اكثـر الوقـت بالتفكيـر=نداري هواجيـسٍ كبـار ٍ مطالبهـا

نسخّر بنات الفكر في خدمة التصويـر=والى كبرت القالات قمنـا بواجبهـا

ونسرج خَيال ٍ مابعد خانـه التعبيـر=ينومس رياجيـل ٍطـوال ٍ شواربهـا

واذا ابطت ماجات الكلمه اللي لها تاثير=نلـوم القريحـه والمشاعـر نعاتبهـا

لوانّا بعض الاحيان تستخدم التشفيـر=على شان مايدريبهـا غيـر صاحبهـا

وغلطنا وحاسبنا الليالي على التقصيـر=وسود الليالي تتعـب اللـي يحاسبهـا

نحسب الليالي غير واثر الليالـي غيـر=وضاع الحسـاب ونكّلتنـا مصايبهـا

مع الوقت ابو نفس ٍ عزيزه وقلب بعير=وقـوم ٍ يصاحبهـا وقـوم ٍ يحاربهـا

غدينا من اللي صار واللي بعد بيصيـر=ضحايـا عقـول ٍ ماقدرنـا نخاطبهـا

لو انها حلوم ٍ مايحصّـل لهـا تفسيـر=ولاضـاع مخطيهـا ودلّ صايبـهـا

على الهون يانفس ٍ رضاها بمد شعيـر=وهي من زعلها مابعـد لان جانبهـا

ترى العاقل اللي لانسى مايبي تذكير!!=يـدوّر لنفسـه لاذكر مايناسبهـا

لو ان الفخر نقش ٍ يزيّن جناح الطيـر=لقينا الحـرار نقـوش حتـى مخالبهـا

وحنّا ليا منّا تركنـا الامـور تسيـر=فلاحـد ٍ موديهـا ولاحـد ٍ بجايبهـا

لاكنّا ليا منّـا بغينـا العقـول تحيـر=حضرنا !! وحاضرها مايمهل بغايبهـا

نقول الصحيح اللي مايحتاج دهن السير=ولوّ اكثر العربان ماهـوب عاجبهـا

بعزم ٍ ماهو بشوي وهم ٍ ماهو بصغيـر=وطينا على حيّـات الارض وعقاربهـا

فخرنا فخرنا ماورثنـاه بالتزّويـر=لنا في مشـارق الارض والاّ مغاربهـا

نخاوي وخوّتنا على الطيب والتقدير=ولانرخص سلوم الرجـال ومذاهبهـا

والى بان من خافي نوايا العرب تغييـر=ماضاقت علينا اللي وساع ٍ مناكبهـا

وكل ٍ على الدنيا يسج القدم ويسيـر=هذا حاش موجبها وذا حاش سالبهـا

ومن قال في الدنيا (ترى ماوراها خير)=فانا اشهد شهادة صادق انّـه مجرّبهـا



‘‘ ‘‘ ‘‘ ‘‘ ‘‘ ‘‘

نشرت بتاريخ 16-06-2006  


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير