الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة رفقة البـايع الشـــرّاي للشاعر سعد بن مناحي بن شفلوت
 

تابع جديدي سجل زواري إهداء القصيدة رشح قصيدتي فهرس ديواني



‘‘ ‘‘ ‘‘ ‘‘

أنا ما أعرض غيضي على شان أسوم رضاي=ولا أدنات يزعلني ولا أدنـات يرضينـي

لكن الرجل لاشمت عنه وطويـت رشـاي=فـلا ودّي أحـد ٍ يدّخـل بينـه وبينـي

ولاني بأحسّـب رفقـة البايـع الشـرّاي=اذا ضاق يرخصنـي !! واذا راق يغلينـي

ولاني بـردّ الـراي للـي ماعنـده راي=ومـن لانشـد منّـي فلاهـوب يعنينـي

ولاكل من يخطي جعلتـه علـى يسـراي=ولاكل من يجمَـل جعلتـه علـى يمينـي

والى خف وزن الهرج ماني بأجيب أقصاى=أقصّـر محاريفـي عـن اللـي يداعينـي

ولا بأدخل خدوش الرياجيل في دعـواي=أعرف الصواب وشـوف عينـي يقدّينـي

وزماني ولو وقّف معي مانسيـت اعـداي=والى من وفق ضدي !! رصيدي يكفينـي

لابان الرفيق المخلـص الوافـي الحمّـاي=عزومـه تعزّمنـي وهـرجـه يسلّيـنـي

وضيقة قليل الفود عندي سـواة رضـاي=ولا أبيـه يزعلنـي ولا أبيـه يرضيـنـي


‘‘ ‘‘ ‘‘ ‘‘

نشرت بتاريخ 18-05-2006  


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير